La Usc di Ladins

Barba Lino da Ciastel, nta Fodom, l à na gran passion per la natura e per la ció ju co la machina fotografica, e i sa tan bel jì a torjio per i bosch. A noi de la Usc l n’à contà de n zarf, ormai domà os e corgn, che l à ciatà intan che l jiva a fà doi varech.

“Ai ciapé chel animel sota na plánta rebaltada da Vaia – l ne conta – l ava doi corgn che misurava otánta schei da na ponta a chel autra, chel ciánch l é lonch n metro e trei e chel dërt n metro. L eva come se valgun l avesse mitù là, col fil de la schëna che l lo teniva auna e l rëst l é sté mangé dal louf. Nta Fodom no s’à mei sentù che valgun abe ciaté animei copei da Vaia, gnánca chi che laurava nte bosch. Chilò n’é na ciaria. Ite per Mont da Ciastel n é troc, mio fiol n di l à conté sessantatrei bec auna, e auter trënta ilò intourn: po co i va n amour i sparësc, resta calche bech de doi agn co la cioure, chi auter i se tirà chilò ntourn le cese.”

Martino Pezzei