La Usc di Ladins

L eva de setembre del 2028 cánche l Capocomun Leandro Grones nte consei de comun l batáva i pugn sun taula e l deva l ultimatum a la sozité dei lifc Sit Boé, ncuoi deventada Funivie Arabba: »O se ciapa en acordo per fè na strada a la frazion de Jorc che siebe dalvierta ence d’inviern o tole via i permesci a le piste da schi – ava toné l Capocomun. Ma da nlouta nia s’a plù muovëst. Da pert de Funivie Arabba no n é plù rué degune proposte da tazon de acordo per fè la strada e coscita l’aministra­zion l’a perdù la pazienza. La sozieté no l’a plù la disponibilité dei toc de taren nterescei da la strada ulache passa le piste che ven da sunsom la segiovia Arabba Fly ju. »No conze­darón autre proroghe davò chësta stagion – disc l Capo­comun. »La sozieté la paie i fic pregresc su le superfisc emplù de piste dourade fin adés nte suo com­prensor«. L Comun darà dut n mán ai avocac per saré ite la cuestion. (LS)

De plu tla edizion stampeda de La Usc di Ladins o sun l e-paper a paiament www.lausc.it/e-paper