La Usc di Ladins

La diretëura dla Lia dl Turism de Sëlva, Irene Delazzer, à mandà ora na lëtra ai cumëmbri per dé inant vel’ nfurmazion y vel’ cunsëi n con’ de coche n possa se deriejer tl ciamp dla hotelaria te chësc mumënt melsegur pervia dl coronavirus.
Do chisc mënsc che l ie stat dut fërm à ntant l turista talian scumencià a damandé majons y cuatieres per l instà. L vën bel plan su na sort de otimism. La dumanda de majons y cuatieres ie naziunela, da pert di tlienc taliani, ajache per i cunfins ne sàn propi mo nia canche i possa unì giaurii.
Danter l auter vëniel dat l cunsëi »de resté regularmënter n cuntat cun i tlienc, de ti mandé de bela fotografies dla cësa y dla bela cuntreda, y de dé for inò nfurmazions n con’ de ufertes spezieles, de zeche che l vën pità sëuraprò o de nuviteies che l ie.«
L vën pona sotrissà che »na cumedura ora de mesura juvier di priejes pudëssa avëi cunseguënzes fatales per l daunì de nosta economia.« Nsciuma, la va de mëter a verda de ne jì nia ju te ciulé cun i priejes, pur de tré tlienc. L vën cunsià »de mantenì i priejes, de pité sce n cajo zeche sëuraprò, ufertes ndividualisedes, mé per dì l gusté te majon, de cumuniché la »raionalità«, chël uel dì che l vën pità prudoc da tlo, y dantaldut dëssa i seniëures avëi la mprescion de segurëza, scumencian dala mesures de igiena."

L articul ntier ie da liejer tla edizion stampeda di 30 de auril

David Lardschneider

FOTO: Na fotografia panoramica de Sëlva.