"Test coronavirus. fajëde duc pea!"

Data

22 de mei 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Te Gherdëina vëniel, ti dis che vën, a s’l dé na nrescida n con’ dl coronavirus. L se trata de na scumenciadiva deberieda dl Assessorat provinziel per la Sanità, l’Azienda Sanitera, l Astat Istitut de Statistica de Südtirol, l’Academia Europea Eurac y l Istitut provinziel de Medejina Generela . L unirà fat la proa dl sanch, l tampon y na tueda y nrescida genetica.

Tanc ie pa stac i tachei te Gherdëina?
L se trata de abiné ora, tres chësta nrescida scientifica, tan de persones te Gherdëina che se à tacà cun l Cov-2, tanc de chisc che se à pona amalà y tanc che ne se à nia amalà o nce tanc che ne se à ntendù de nia, ma che à mpo svilupà i anticorps.

Trëimile tests
Per pudëi fé chësc uniràl cherdà ite 3.000 persones dal Astat, l Istitut provinziel de Statistica. L ie dessegur na proa scialdi reprejentativa dla jënt de Gherdëina, mpue de uni età y de uni luech dla valeda. L unirà damandà sce n uel fé pea pra chësta nrescida y pona ti uniràl bonamënter fat a Urtijëi, tla sënta dl raion saniter, a duc na proa dl sanch y l tampon tl nés y tl col.

»Fajëde duc pea!«
Bele n mierculdi de chëst’ ena àn scumencià a purté ora i trëimile nvic per fé pea pra la nrescida, che scumencerà pona n merdi che vën, cun 300 tests al di, che unirà pona mandei inant te labores spezialisei.

Trëimile tests ie na cumpëida scialdi granda, defin relevanta dal pont de ududa dla statistica. Per Gherdëina uel chël dì che uni terzo ie nvià a fé pea. Propi perchël se damanda i respunsabli de lascé liejer l nvit nce sun La Usc di Ladins, per ti mëter a cuer a duc de fé pea pra chësta nrescida. Bele danora ti vàl n rengraziamënt de cuer a dutes y duc che fej pea, da coche sotrissea i respunsabli.

L articul ntier tla edizion stampeda di 22 de mei.

David Lardschneider

FOTO: L diretëur dl Istitut provinziel de Medejina Generela, Giuliano Piccoliori.