Per La Usc di Ladins ons trat adum la cosses che i jëuni y la jëunes à nunzià l plu suvënz. Te chël/a che conta iel laite zeche de duc chëi che à scrit:
L aspet positif
A sté a cësa iel stat y iel inant zeche de pesoch. Ma do doi mënsc me éi de cër’ velch nce usà ala situazion. Per fertuna ovi for zeche da fé: l fova duvieres da fé a cësa, da cujiné, liejer, mparé roba nueva y passé l tëmp cun la familia. É udù pusciblteies nueves per mi proiec di proscimi ani. Mo dan puec mënsc udovi
View the embedded image gallery online at:
https://www.lausc.it/valedes-ladines/gherdeina/12741-tan-rie-iel-pa-a-ste-a-cesa#sigProId3144f2d0a3
https://www.lausc.it/valedes-ladines/gherdeina/12741-tan-rie-iel-pa-a-ste-a-cesa#sigProId3144f2d0a3
La lidëza
L majer pëis ie per mé stat, y n pert iel mo inant, de savëi che ne son nia liede. L ie coche vester te perjon, na perjon plu nëubla y majera, ma mpo ne pudòven nia ora. Nteressant iel nce coche la jënt se n ova la nvidia de chëi che se nfidova a jì ncantëur
View the embedded image gallery online at:
https://www.lausc.it/valedes-ladines/gherdeina/12741-tan-rie-iel-pa-a-ste-a-cesa#sigProId3144f2d0a3
https://www.lausc.it/valedes-ladines/gherdeina/12741-tan-rie-iel-pa-a-ste-a-cesa#sigProId3144f2d0a3
Scola
Coche la ie mefun, fan usei, unitant o nce suvënz, a se lamenté dla scola, ma muesse dé pro che la vita da uni di te scola me mancia dassënn: s’la rì cun i cumpanies, avëi n bel ritm danter una n’ëura al’autra, y la pauses ulache n se conta de dut y deplù. Muesse ntant propi dì che fosse śën plu gën a scola, ajache iló udëssi uni di mi cumpanies. L me sà da muië che ne pudon nia sté adum te scola, do che son, te duc chisc ani, chersciui adum te tan na bela cumenanza de tlas. L me mancia nce l mesun de ti damandé ai maestri canche ne é nia ntendù zeche. L sistem online nuef ie dessegur na bona auternativa, ma l ie mpo scialdi plu rie a mparé zeche tres n computer che da persona a persona.
David Lardschneider
FOTO: L ITE RAETIA a Urtijëi.