Sun l Everest cun la roda

Data

22 de jugn 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Propi sun l drë’ Everest ne n’iesi pa nia stac, Simon »Monzi« Piccolruaz de Naz de Santa Cristina y Alexander »Xonder« Perathoner de Col te Sëlva. Ma tramedoi à fat cun la roda i metri de deslivel dl Everest, furnan 8.848 metri suvier y l medemo juvier, da Urtijëi sun Resciesa: Hall of Fame!
I doi atlec de Gherdëina, ma propi doi de gran atlec, ie furnei bën ot iedesc da Plaza de Sant Antone a Urtijëi nchin sa la utia de Resciesa, dal ost David Piazza. Y mo trëi iedesc nchin sa la stazion tamez dla furnadoia de Resciesa.
N muessa se l nmaginé: su per l zënter de Urtijëi de viers de ch’i ertons per ruvé sa Martin, inant tres l bosch, tl prim mo sun la streda asfalteda, inant pona sun giara, che ie scialdi ncompra per jì cun la roda. Per stlarì: la roda fova la roda da mont, deguna e-bike! L sëul strom che l fova da tò ca fova la forza di mustli, l’aria dl fuià blanch y truepa artenienza y cunvinzion te sé nstësc.

L articul ntier tla edizion stampeda di 19 de juni.

David Lardschneider

FOTO: La ie fata: Simon Piccolruaz, a man ciancia, y Alexander Perathoner ti ie stac al Everesting, te manco che 20 ëura, y mo su per n percurs scialdi ërt da Urtijëi sun Resciesa.