Registrazions sonores te Gherdëina - 7a pert

Data

27 de setember 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L 1976 ie stat l ann dl prim gran suzes mundiel de Hansjörg da Scurcià. Via i badioc sunova bele i »Ciastelans« y te Gherdëina sunova da diesc ani nca nce i »Raiser Buam« de Santa Cristina, marati drët da snait.




I »Geisler Spåtzn«
Tl ann 1976 s’ova pona metù adum i »GeislerSpåtzn«. Ch’i sies fova Urban Perathoner dl Fatuc tumbrëta, Vinzenz Senoner da Fussel tlarinet, Rino Insam da Inaz pusauna y tenor, Felix Demez de Col da Larjac tenor, Otto Demetz da Pertëut armonica y Eugen Verra dl Craizer chitara. Chësta furmazion cun doi tenores fova nueva te Gherdëina, coche me conta Urban dl Fatuc. I sunova da bal, mujiga di Oberkrainer, ma nce chëla »moderna«, nchin al ann 1980. Da dedò fovi pona restei per n valgun ani de trëi: Urban, Rino y Otto.

La grupes a Urtijëi
Scentant a Urtijëi fòvel plu mujighes, coche i »Ujins« o i »Valtoies«, chëles fova pona deventedes una na grupa, coche me conta Werner da Ianon. Y pona i »Massivi«, chëi ne sunova nia tan da paur, ma plu modern.

Giorgio Moroder tl 1977 y tl 1978
Tl ann 1977 ova Giorgio Moroder metù adum »Call Me« per Blondie, »On the Radio« per Donna Summer y »Cat People (Putting Out Fire)« per David Bowie, duta trëi la cianties fova deventedes de gran hits. Leprò fòvel unit ora doi plates da 45 y n album da 33, tl 1978 inò doi plates da 45 y n album da 33.

Deplù tla edizion stampeda di 25 de setëmber.

Pauli Senoner Gredine

FOTO: L terzo soundtrack de Giorgio Moroder (1978).