La Usc di Ladins

Cun referimënt al articul unit ora te La Usc di Ladins ai 9 de utober, uel la Grupa SVP de Sëlva, n con’ dla furmazion dla Jonta nueva, »stlarì n valguna cosses che ne n’ie, do nosc ntënder, nia unides repurtedes nsci coche les ie states«.

»Ne on mei pertendù zeche de cuncret«
»Cun na situazion de 9 cunselieres per la lista Zivica y 6 per la lista SVP ne se ëssa la grupa SVP mei permetù de pertënder dantaprima zeche de cuncret y n ne ti ie ënghenó jic permez al ambolt, ti dijan che n »uel«, ma n se ëssa mefun aspità che la ulentà di litadëures de Sëlva unissa respeteda. Nosta ntenzion fova chëla de cialé che l unissa tëut n cunscidrazion la ulentà y la minonga de truepa persones de Sëlva, ma purtruep fova la dezijion de coche la Jonta dassova cialé ora bele unida tëuta danora, mo dan che n se ova ancuntà.«
Nscila dij la SVP de Sëlva, che dij ala fin che »nëus dla grupa SVP de Sëlva son for mo de chëla che la dezijion tëuta n con’ dla Jonta ne respetea nia la ulentà di litadëures y che on bonamënter arjont, te nosc luech, l livel democratich storicamënter plu bas.«

L articul ntier tla edizion stampeda de La Usc di 16 de utober.

FOTO: Peter Mussner dla SVP de Sëlva.