Nos y la tera

Data

17 de auril 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Na cuntia fora de chësc momënt
Tl pröm che ares ê sön chësta tera, odô les porsones la rajun y gauja di evënc terens tl suranatural, cherian so dî tl sorëdl, tl cil, ti tiers... a chësta manira, perian chël dî che ai â cherié, podôi indô stlü le cërtl danter ëi, les forzes dla natöra y chël bel dî... a chësta manira ê le respet por la natöra dër gran.
I arati che sëgn s’á archité, por le pröm iade te nosta vita, y, pó ester, tla storia dla umanité, "le monn".
Y nos ún le gran privilegh da podëi odëi chësta natöra, chësta tera, aldí chësc chit; döt cant se mëna inzeruch a tëmps che i ponsân che ne foss nia plö.
I arun ince, sce i ne orun nia stlü i edli daldöt, la gran responsabilité dl vers de chësta tera. Ëra pó vire, y ara viess dessigü damí zënza la porsona, mo nos ne viun nia zënza ëra. Y cun la tera mini le cil y döt...
Sëgn speri madër che dër tröpa jënt vëighes ite che nosc "progres economich", nosc salté da piz a ciantun, ne s’á porté ignó.
Zënza chësc ponsé da jí zeruch al’eté dla pera, arati che düc messunse se ciaré bun defora y daite te chësc momënt, i ne podesson nia plö avëi ciamó na te’ ocajiun por ti ciaré al monn che é chit... godess’la cina che i podëis! Ave!

Willy Agreiter