La Usc: Dotur Marco Pizzinini, co se vara pa?
Marco Pizzinini: "De sanité me vára bun, iolan! Ince la situaziun tla gestiun de Covid-19 te reanimaziun te nosc spitol é miorada,
View the embedded image gallery online at:
https://www.lausc.it/valedes-ladines/val-badia/12501-metun-averda-che-i-ne-sun-nia-ciamo-sura-munt-ia#sigProIdb9bfffeaf6
https://www.lausc.it/valedes-ladines/val-badia/12501-metun-averda-che-i-ne-sun-nia-ciamo-sura-munt-ia#sigProIdb9bfffeaf6
...
Al é tres ciamó jënt che la tol ala lesiera.
"Scebëgn che la percentuala dla maratia y di defunc é dorata bassa chiló da nos, mëssi dí che chësta maratia pó ester dër prigorosa y grave. Iö cunti ma de ci che i á vit söla pel. I ún albü ince jënt jona te reanimaziun, cun de gragn problems, y i savun che chësta maratia pó fá de gragn danns ai fiá blanc. Bagatelisé vëgnel ma ci che an ne conësc nia. Basta gní mez n de te spitol y odëi ci che al sozed, spo ciafa ince la jënt plü scetica n’atra minunga. I mëssi dí che te 30 agn che i laori te spitol n’ái mai odü val’ de te’: tan de posoch, de prigorus, desoferënt."
Os dijëis ince che i sun stá cina sëgn stravardá dal piec?
"I arati che sce la cossa se röia chiló, unse albü na gran fortüna!"
La sora rezeta é donca sëgn da convire cun le coronavirus?
"O da le tigní isolé le plü che ara vá. I ún imparé dala Cina che les porsones infetades él miú da curé bun bele a ciasa, che al é da fá tests assá incër i bordiguns ia... Al é dessigü ince la poscibilité che na te’ pandemia – sciöche al n’é sté d’atres ti agn passá – sparësces da sora do da n pez. Mo chësta é na speranza! Sce te vëighes la jënt atempada te na ciasa de palsa che mëss morí por chësta maratia – do na vita de laur, pënseste sura. I viun tl 21ejim secul, i messasson avëi vigni soluziun, mo ara n’é nia insciö. L’esperiënza che i feji sëgn me mët dër da ponsé. Y i ne sará nia ma iö che i pënsi!"
L’intervista intiera podëise lí do tla ediziun stampada atuala y söl e-paper! (Iaco Rigo)