Na staziun por le pröm aiüt sön Plan de Corones?
Do che la staziun dai soldas é passada de jügn 2020 dal Stat ala Provinzia, él bele sön mësa propostes concretes de ci nen fá denfora
L’areal ex militar é bel söla piza de Plan de Corones, te n sit strategich y panoramich, tol ite na spersa de 350 m2 y á n valur sciazé de 2,1 miliuns de euro. Al pé che les sozietés dai lifc de Plan de Corones ais l’intenziun da realisé al post de chësta caserma dai soldas n zënter dla proteziun zivila cun magazins, garages y ince postaziuns por i carabiniers, finanziers y les atres compagnies de socurs sön pista y de pröm aiüt en general. Aladó dl Ombolt de Mareo Albert Palfrader ne gnará l’areal nia tut ca por fins comerziai o gastronomics. N vare concret dl vers dla destinaziun gnarál cun la mudaziun urbanistica tl Plann regoladú de comun, ma che cina sëgn n’á la Provinzia nia ciamó baié cun le Comun dl ci y dl co. (Iaco Rigo)
Galaria retrac
View the embedded image gallery online at:
https://www.lausc.it/valedes-ladines/val-badia/13520-na-staziun-por-le-proem-aiuet-soen-plan-de-corones#sigProId5fcb8a323d
https://www.lausc.it/valedes-ladines/val-badia/13520-na-staziun-por-le-proem-aiuet-soen-plan-de-corones#sigProId5fcb8a323d