La situaziun vëgn critica

Data

21 de otober 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Intervista al primar de anestesia y reanimaziun tl Spitol da Bornech Dr. Marco Pizzinini
Bun de primar Pizzinini, co é pa chisc dis la situaziun te Spitol a Bornech y zënza te Südtirol?
Marco Pizzinini »Les ultimes edemes é i caji de Covid–19 aumentá da spavënt. Bele d’isté unse albü sporadicamënter val’ caji, mo nia tröp de alarmant. Tröc minâ spo che la cossa foss superada, insciö é gnüda tuta la situaziun d’isté y de setëmber valgamia löcra, mo sëgn cun l’altonn y le pröm frëit é i numeri tres jüs söpert. Y sëgn ési cotan in­sö. La gauja é che tröpa jënt é stada massa adöm te grups y festes, p.ej. te Puster, tl Sest y a Valsperch, unse registré amudlamënc che á porté püch de bun.«

Al vëgn ince spo fat deplü tests, y al salta fora spo deplü caji?
»Al é tres gnü fat tests, ma che d’isté gnôl fat tests a na manira dër mirada. La strategia é sëgn chëra da asfistié les infeziuns: an ti vá do a düc i contac che la porsona infetada á albü, maius che chisc contac é, plü numerusc che i tests é, y sambëgn: plü tests ó dí plü caji de infeziun, deache i caji asintomatics ne salta zënza nia fora. Tröc caji che resultëia positifs stá a ciasa, mo ultimamënter röia te spitol tröpa jënt che á problems tipics y chisc implësc sö i reparc ti spitoi. I ún na situaziun sciöche de merz, ma che i sun plü arjigná co laota.«

É pa le coronavirus sëgn cun l’altonn y i pröms frëic plü agressif co d’isté? Jënt mët fora de vigni sort de teories...
»Le virus é dagnora le medemo. Le virus n’é nia plü agressif, y le virus n’á nia iames. Sce la jënt stá a destanza y é responsabla, spo ne vál nia inant. Le virus é lié ala jënt. Sce la jënt mët averda, se vist le ma­scherot, se lava les mans, tin les destanzes detades, n’á le virus pücia y degöna chance da se trá inant. Chësc án podü odëi canche la jënt é stada d’isté alaleria, sö por munt, nia tan adöm daite, iló n’é le virus nia jü tan intoronn.«

Liéde do dodoman tla ediziun stampada de La Usc di Ladins döta l’intervista!

 (Iaco Rigo)