La Usc di Ladins

Dal Vangel do San Matí, 22, 34 – 40 

Te chël tëmp, canche i farisés â aldí, che Gejú â metü a scuté i saduzés, s’ái abiné adöm pro d’ël. Un de d’ëi, n studié dla lege, orô le mëte ala proa y l’á damané: »Maester, ci comandamënt tla lege é pa le plü important?« Al ti á respognü: »Te desses ti orëi bun al Signur, to Di, cun döt le cör, cun döta l’anima y cun düc tü pinsiers. Chësc é le plü important y le pröm comandamënt. Important anfat é le secundo: Te desses ti orëi bun a to proscim sciöche a te instës. Da chisc dui comandamënc depënn döta la lege y i profec.« 

Parora dl Signur! Lalt a te, Gejú Crist!