Le tëmp lëde en mostra
De vigni sort de patüc fat tratan le tëmp lëde él metü fora tla mostra “Hobby y ert”, che sará da odëi ciamó tratan chësc fin dl'edema tl salf dles uniuns a San Ciascian
“Hobby y ert” á inom la mostra metüda fora tl salf dales uniuns J.B. Rinna a San Ciascian. Ara se trata de na esposiziun de de vigni sort de patüc fat tl tëmp lëde: ogec da decoraziun, chedri, laurs fac a spëi, laurs de convënt, mascores da malan, modei de fligri y ii. La mostra é gnüda organisada por le terzo ann dal KVW da San Ciascian y sará ciamó da odëi tratan chësc fin dl'edema, ai 30 y 31 d'otober dales 17:00 ales 20:00 y la domënia ai 1. de novëmber danmisdé dales 10:00 ales 12:00 y domisdé dales 15:00 ales 18:00. Deplü sön i artisć che á metü fora sü laurs podëise lí en vëndres t'La Usc. (kp) (kp)
Galaria retrac
- (dmc) L'organisadú dla mostra y surastant dl KVW da San Ciascian Christoph Pezzedi cun Alex Ploner y Sigfrid Pedratscher.
- Sössot él gnü taché sö i modei, en scala, de fligri. Chësc, che pó ince joré, é gnü realisé da Kassian Pezzedi.
- La maschera da malan realisada da Matteo Pizzinini.
View the embedded image gallery online at:
https://www.lausc.it/valedes-ladines/val-badia/13841-le-temp-lede-en-mostra#sigProId59d2d05a6b
https://www.lausc.it/valedes-ladines/val-badia/13841-le-temp-lede-en-mostra#sigProId59d2d05a6b