La Usc di Ladins

Chisc dis él gnü metü sö, tla plaza da parché sot la scora elementara a San Linert, na staziun Covid nöia. Te chësta staziun, gestida dala Aziënda Sanitara, él la poscibilité da se lascé fá le tampon PCR y ince le test asvelt. I tesć vëgn fac cun la modalité »drive in«, chël ó di che an röia adalerch cun l'auto y zënza messëi lové fora, él na infermiera che röia pormez a fá le tampon. La staziun é daverta le lönesc, le mercui y le vëndres dales 9:30 ales 12:30. Por podëi fá le test mësson avëi n termin da pert dl ofize igiena. La staziun sará a desposiziun dla jënt dla Val Badia cina che al nen sará de bojëgn y che la ona dles infeziuns ne jará nia zoruch.   (kp)