Agitu Ideo Gudeta ess complí dodoman i 43 agn de vita. Na vita nasciüda a Addis Abeba, tla Etiopia, te chës teres, che ó dí te chisc tëmps a priori 'desfortüna'. Ëra á orü combate chësc destin nia saurí, ê gnüda do i stüdi a Trënt a studié soziologia, se laurean. Dedó êra jüda derevers te söa Etiopia por se fá sö n dagní, mo la realté y speranza l’â condüta indó tl Trentin. Dal 2010 zidlâra cioures tla Val di Mocheni a Plankerhoff y arjignâ n ciajó che tröc orô. Agitu Ideo Gudeta ê deventada chisc agn passá na porsona zercada dai media, ajache al ti ê garaté da mëte en pe na ativité de vita y de comerz invidiada da tröc.
So ultim pinsier manifesté sön so profil Facebook: "Bun Nadé a te che te vëgnes dal Süd, bun Nadé a te che te vëgnes dal Nord, bun Nadé a te che te vëgnes dal mer, bun Nadé por na vijiun y consapevolëza nöia te nüsc cörs".
Aladó de informaziuns confermades é Agitu Ideo Gudeta, la famëia dles "cioures contëntes", gnüda violentada y copada da so colaboradú famëi. (Iaco Rigo)
Agitu Ideo Gudeta n’é nia plü
La paura zidladëssa de cioures y produzënta de n ciajó orü da tröc, é gnüda ciafada morta tla ciasa de so daciasa nü, la Val di Mocheni
Galaria retrac
View the embedded image gallery online at:
https://www.lausc.it/valedes-ladines/val-badia/14414-agitu-ideo-gudeta-n-e-nia-plue#sigProId1753aa6eb9
https://www.lausc.it/valedes-ladines/val-badia/14414-agitu-ideo-gudeta-n-e-nia-plue#sigProId1753aa6eb9