La Usc di Ladins

Aladó dla agenzia stampa Ansa él gnü registré tla Talia danter forá y novëmber 2020 chi 84.000 morc deplü co la mesaria di agn denant. L’Ansa se basëia söi dac dl Istat, l’istitut de statistica nazional. Aladó de chisc dac dál ince al edl che le 70% de chisc caji de mort é liá a na infeziun de Covid–19 (57.647 avisa). "Por Covid–19" él mort le 9,5% di dezesc totai registrá.
La bona noela da lí fora de chisc dac pó ester le numer plü bas de morc tl 2020 dai 0 ai 49 agn respet ai agn denant, les gaujes pó gní ciafades tl’architada dla produziun, dles ativités turistiches y de tëmp lëde, de sport y de transiamënt cun auti y motors por iadi, vacanza y laur.  (Iaco Rigo)