Ince la Talia se descëda

Data

01 de merz 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Start por le vazin anti Covid–19 dla Takis, na sozieté taliana. Incö, al 1. de merz 2021, él pié ia la fasa 1 de indöt 2 por porvé fora la vazinaziun a DNA cuntra Covid–19 dla Takis y svilupada en colaboraziun cun Rottapharm Biotech. Te 3 mëisc savará i doturs y scienziá deplü sön chësc vazin
La fasa 1 dla sperimentaziun dla variora Takis tol ite 80 volontars sanns, partis sö te 4 grups cun doses desferëntes soministrades un n iade o ince deplü iadi. La fasa 2 tolará ite spo cina 240 probandi cun doses desvalies.
"Le DNA consint da evité la morona dl frëit tla conservaziun y tl trasport", á detlaré Luigi Aurisicchio, aministradú deleghé y Diretur Scientifich de Takis, y inant: "por sües carateristiches é la produziun dl antigen arlungiada tl tëmp y le vazin podess funzioné bun bele le pröm iade. Lapró pó la variora gní fata deplü iadi por renforzé le sistem imunitar, ince por mirit dl'adoranza dla tecnica dla 'eletroporaziun' svilupada da n’atra aziënda taliana, la IGEA de Carpi, che scemplifichëia l’ingres dl DNA tles zelules di muscui."