La Usc di Ladins

Sce an ti ciara plü avisa ales zifres dla Crusc Blancia, pón ma se damané co che ara jô dandaía, canche al n’ê ciamó degünes seziuns te nüsc paisc. Volontares, volontars y colaboradus fej n sorvisc gnanca da dí, da na gran valüta sanitara, soziala y umana. Nia atramënter n’ésera pro la seziun dla Crusc Blancia d’Al Plan, che á presenté n resocunt pro la sentada generala ai 12 d’aurí, tl salf dla Raiffeisen dl paisc.
Tratan le 2023 é la Crusc Blancia gnüda cherdada bëgn 1.156 iadi, te chi che an á trasporté 1.324 paziënc: 675 iadi él sté da jí por intervënc de socurs tres la zentrala dl 112 y lapró él gnü fat 341 trasporc programá, olache paziënc vëgn mená a fá vijites o cures. Le rest fej fora i trasporc por privac y chi por i sozi. Por öna o por l’atra rajun vëgn la Crusc Blancia cherdada en media trëi iadi al de.

Deplü podëise lí t’La Usc di Ladins di 19 d’aurí, olache i ciafëis deplü sön la sentada, sön l’ativité di jogn y dl grup First Responder da Lungiarü, sciöche ince sön les 5 onoranzes che é gnüdes surandades.  (pablo)