La Usc di Ladins

Dotor
Dutor Gherdëina
L dutor de servisc da ncuei juebia ai 07.12. dala 08:00 daduman nchin la 08:00 daduman de n sada ai 09.12. ie l dutor Giuliano Piccoliori de S. Cristina, tel. 0471 792282 o 348 3301004. Da n sada ai 09.12. dala 08:00 daduman nchin la 08:00 daduman de n lunesc ai 11.12. ie l dutor Simon Kostner de Sëlva de servisc, tel. 347 2297492.
Doturs Val Badia
Ti comuns de Mareo y San Martin él en sorvisc sura la festa de Santa Maria Imacolada ai 7 y 8 de dezëmber y tla fin dl’edema di 9 y 10 de dezëmber la doturia Margarete Mahlknecht, La Val, te. 349 0667034 o 0474 523018. Ti comuns da La Val, Badia y Corvara él en sorvisc ai 7. y 8.12. le dotur Martin Spechtenhauser, La Ila, tel. 0471 844200; ai 9. y 10.12. le dotur Guido Caretta, Calfosch/Corvara, tel. 0471 836870 o 337 616080.

Apoteca
Apoteca Gherdëina
L’apoteca che ie de servisc ntan la festa dl’Imaculeda ai 8 de dezëmber ie chëla de Santa Cristina, tel. 0471/792106 o 333/1776615 (orar de giaurida 8.00-12.00/15.00-19.00). Nce da n sada ai 09.12 nchin n vënderdi ai 15.12. ie la apoteca de Santa Cristina de servisc ora dl orar urdiner de giaurida.
Apoteca Val Badia
L’apoteca en sorvisc fora dl orar ordinar, dal vëndres ai 8 de dezëmber dales 19:00 al vëndres ai 15 de dezëmber ales 19:00, é chëra da Corvara, tel. 0471 830237.

Avisc
09.12
Ge fajon festa ai conscric te Museo
En sabeda ai 9 de dezember da les 17:00 l Museo Ladin de Fascia e l Fassa Coop adum ge fèsc festa ai Conscric del 2005, anter veia e neva tradizions.

14.12
I evenc del projet »Trame«
A Cianacei, al Garnì Villa Mozart te Strèda Roma 27, vegn metù a jir 3 apuntamenc del projet Trame. Se pea via en jebia ai 14 de dezember da les 16:00 a les 18:00 con »N té con Spazio Argento« di Servijes Sozièi del CGF per +65 (info al 0462 764297).

Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.

16.12
Radunanza Generela de la Majon di Fascegn
En sabeda ai 16 de dezember da les 17:00 te Museo Ladin a Sèn jan vegn endrezà la radunanza generèla de la Majon di Fascegn.

15.12
»Trame« con Il Pettirosso
En vender ai 15 de dezember a Cianacei, al Garnì Villa Mozart te Strèda Roma 27, tel chèder del projet Trame, da les 9:00 a les 11:00 la Coprativa sozièla Il Pettirosso met a jir »Family Lab« atività sensorièla per eles che speta e mères con picioi fin ai 3 egn. A paament al cost de 12,00 euro con enscinuazion a: pettirosso.castello@gmail.com.

16.12
»Trame« con Bamby
A Cianacei, al Garnì Villa Mozart te Strèda Roma 27, tel chèder del projet Trame, en sabeda ai 16 de dezember da les 14:00 a les 17:00 la sociazion Bambi endreza n laboratorie de creaticità sul Nadèl per bec dai 6 ai 11 egn con jeghes e »truccabimbi«. L é avert a duc zenza paament ne prenotazion.

Atualmenter
Film: »A journey to Auschwitz«
Giacomo Gabrielli con la Filmart Pictures ge à metù man con n montaje amò più da emozion a sie film-documentarie »A journey to Auschwitz«. La neva verscion definitiva da 75’ é ades a la leta, per semper, sul canal youtube de Filmart Pictures. Se pel l veder dal link: https://youtu.be/vghgribwqcm

Atualmenter
Mostra de Igi Pitor
Te La Gran Ciasa a Soraga se pel veder na mostra de chèdres del pitor Luigi Pederiva endrezèda dal Comun de Soraga en colaborazion con la galaria de èrt TanArt. L’esposizion é averta fin ai 10 de dezember dal mercol a la domenia da les 16:00 a les 20:00.

15.12.
Open day a la Scola Ladina de Fascia
I licees de Fascia aur si ujes en vender ai 15 de dezember da les 14:30 a les 17:30. I studenc de terza mesèna podarà veder da vejin spazies e proponetes e rejonèr coi professores.

Atualmënter
Luech da Nadel a Urtijëi
L marcià da Nadel tl raion da jì a pe de Urtijëi sarà daviert uni di nchin ai 7 de jené. Coche nce i ultimi ani saràl de plu butëighes che meterà ora si marcanzies y nce vel’ stont ulache n puderà se maie y bever zeche.

07.12.
Mountain Christmas: giaurida dl Marcià da Nadel te Sëlva
L Marcià da Nadel te Sëlva giaurirà ncuei, 7 de dezëmber dala 15:00 inant y jirà inant nchin ai 6 de jené: dai 7.12. nchin ai 10.12. y dai 15.12. nchin ai 17.12. Dai 22 de dezëmber nchin ai 6 de jené saràl daviert uni di, for dala 15:00 nchin la 19:00.

10.12.
Generela di Destudafuech de Sëlva
La senteda generela di Destudafuech de Sëlva sarà ai 10 de dezëmber dala 18:30 tla Sala di Destudafuech te Sëlva.

07.12.–10.12
Marcià da Nadel sa la „Locia“
La berstot prutejeda „Locia“ de Urtijëi nvieia a si marcià da Nadel tl salf dl Circolo–Lia Mostra d’Ert, ncuei juebia ai 7 de dezëmber dala 15:30 nchin la 19:00. L marcià jirà inant nce ai 8, 9 y 10 de dezëmber, dala 10:00–12:30 y dala 16:00–19:00.

Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauenhelfenfrauenbruneck.it

Atualmënter
Iniziativa di ëi de Puster–MIP
L’ofize dla MIP–Männerinitiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it

Cursc
16.12.
Curs de paslunch por scolars dla elementara y mesana a San Ciascian
Le curs metü a jí dala Scora de schi da paslunch Alta Badia gnará tigní por 10 iadi, vigni vëndres dales 14:00 ales 16:00, le pröm de de curs cun la formaziun di grups sará en sabeda, ai 16 de dezëmber 2023, dales 14:00. Infos al 339 8068111 o tres e-mail a info@scuolafondo.it

Chino
Atualmenter
Al chino de Tieser
Anché jebia ai 7 de dezember da les 20:45 l é amò en program »Hunger Games«, en vender ai 8 da les 20:30 vegn moscià »Napoleon« e da les 17:00 »Prendi il volo«, che se podarà veder ence en sabeda ai 9 da les 15:30 en 2D e da les 17:30 en 3D. En sabeda da les 21:15 enveze l é en program »Improvvisa-mente a Natale mi sposo«, da veder ence en domenia ai 10 da les 20:30. En jebia ai 14 da les 21:15 per »Il piacere del cinema« sarà »A passo d’uomo« del Filmfestival de Trent.

Mostres y Ert
Atualmënter
L cëntejim ann de Adolf Vallazza
La mostra “Cënt ani d’ert”, cun lëures dai ani ‚70 nchin tl 2014 dl artist de 99 ani de Urtjiëi, tl Museum Eccel Kreuzer a Bulsan resterà davierta nchin ai 30.03.2024.

Atualmënter
Mostra de criples
Tla Cësa di Cungresc a Urtijëi uniràl metù ora de plu criples de Gherdëina ntan l tëmp da Nadel.
La espusizion sarà da udëi nchin ai 07.01.2024, uni di dala 10:00 nchin la 12:30 y dala 16:00 nchin la 19:00.

Atualmënter
Menemsha–mostra de Marianne Vitale
La prima mostra persunela tla Talia dl‘artista de New York Marianne Vitale tla Galaria Doris Ghetta resterà da udëi nchin ai 10 de fauré dl 2024, uni merdi y vënderdi dala 15:00 nchin la 18:00.

Temp lede
Atualmenter
Cripeles sui festii a Vich
Fin ai 6 de jené fora per l paisc de Vich se pel veder 25 prejepies sui festii fac da privac, zipiadores e sociazions de paisc.

7-10.12.
Marcià di Mille Centrini a Vich
L Grop Mille Centrini de Vich endreza n picol marcià de Nadèl per solidarietà. Te Ciasa Marmolada vegn metù fora i lurieres fac a man che pel esser n bel don. Dai 7 ai 9 de dezember da les 15:30 a les 18:30 e ai 10 de dezember da les 10:00 a les 12:00.

Atualmenter
Marcià da Nadèl a Moena
Fin ai 6 de jené duc i fins de setemèna e sot la festes ogne dì da les 15:00 vegn avert la ciasetes del marcià da Nadèl te Piaz Ramon, Piaz de Sotegrava e piaz Perla Alpina olache se pel magnèr zeche da bon, scutèr musega e aprijièr i prodoc del post.

Atualmenter
Marcià da Nadèl a Soraga
Dai 7 ai 10, dai 15 ai 17 e dai 22 de dezember ai 7 de jené da les 15:00 a les 19:00 te Pra del Preve a Soraga averc la ciasetes de legn del marcià da Nadèl con fornimenc particolères e l fech te mez pra olache se pel cercèr zeche da bon e proveder vèlch da bel per i dons da Nadèl.

Atualmenter
Marcià de Nadèl a Vich
Dai 7 ai 9, dai 15 ai 16 e dai 23 de dezember ai 6 de jené da les 15.30 a les 18.30 e ai 10 de dezember da les 10.00 a les 12.00 te piaz de Vich e te Ciasa Marmolada vegn endrezà l picol marcià »Picol, bon e bel« con n muie de idees per fèr i dons da Nadèl. Ai 8 de dezember da les 16:30 l é la musega de »Elena e Alessandro Acoustic Duo«.

08.12.
Marcià da Nadèl a Ciampedel
En vender ai 8 de dezember da les 15:00 vegn inaugurà l marcià da Nadèl te Piaz Veie de Ciampedel che resta averta fin ai 10 de dezember e dapò dai 22 ai 6 de jené da les 15:00 a les 19:00.

Atualmënter
»Paisc da Nadé« a San Ciascian
Le zënter da San Ciascian i fej da cornisc al »Paisc da Nadé« dai 7 ai 10 y dai 13 ai 17 de dezëmber, dales 16:00 ales 19:00. Incö ai 7.12. sona n grup dla Müjiga da San Ciascian, ai 13.12. Annika Borsetto y la band »Whiskey and Ginger«, tres dales 16:30 inant. An podará ince amiré les cripeles fates a man da plü artejans y metüdes fora te paisc.

Atualmënter
Marcé da Nadé a Corvara
Le Marcé da Nadé a Corvara é davert dai 8 ai 10 y dai 15 ai 17 de dezëmber, tres dales 16:00 ales 19:00. Ai 15.12. pón aldí les cianties y melodies portades dant da Sophie Rabanser.

Atualmënter
Roda dles Cripeles a La Val
A La Val pón amiré cina ai 7 de jená 2024 cripeles snizlades y depëntes, de dimenjiuns desvalies. Ares é metüdes fora te deplü fraziuns. 
An pó se fá na roda a pe fora por paisc, sides de de co ince da sëra, canche les cripeles vëgn iluminades. Implü él la US La Val che dá fora val’ da bëre pro salf dles manifestaziuns, ai 8 y 9 de dezëmber dales 18:00 inant.

08. y 15.12.
»Adöm te plaza« a Badia
La plaza dan dlijia de Badia vën abelida cun musiga da Nadé, i vëndres ai 8 y ai 15 de dezëmber, dales 18:00 ales 20:00. I Ostis de Badia adöm ala Jonëza da Paur y i Jogn dl Paisc dá fora val’ de cialt da bëre y na jopa cialda.

11., 13. y 14.12.
Nos Ladins cun Egon, Arthur y Nikolas
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Ai 11.12. dales 14:00 pón descurí le paslunch adöm cun Egon, pro le zënter de paslunch a San Ciascian; ai 13.12. dales 14:00 él Arthur che insëgna da jí cui schi da telemark, a San Ciascian; ai 14.12. ales 16:00 pón imparé da fá pan y speziaries da Nadé cun le pech Nikolas a Corvara. 
Info y prenotaziuns ti ofizi turistics dl’Alta Badia.

Atualmënter
Advënt Al Plan
Sön plaza de paiun a Al Plan él n pice marcé da Nadé por sté en compagnia pro n’atmosfera nadalina. Le marcé é davert dai 6 ai 9.12., ai 15.12 y ai 21. y 22.12. dales 17:30 ales 20:00 y dai 27 ai 30.12. dales 16:30 inant.

Atualmënter
Ancuntedes de letura
La biblioteca de San Durich a Urtijëi nvieia ala ancuntedes de letura, ulache l vën liet l liber „Racconti Romani“ de Jhumpa Lahiri. La ancuntedes va inant uni lunesc, for dala 18:00.

10.12.
Atmusfera d’Avënt pra l lech sun Pana
Ai 10 de dezëmber, dala 16:00, puderàn fè n trëi var nchin pra l lech de Pana, ulache n puderà se goder na bela atmusfera da Nadel, cun mujiga d’Avënt, papes y n bon té ciaut o na copa de vin cuet. La manifestazion unirà a se l dé nce ai 17 de dezëmber, for dala 16:00. Unide de trueps.

Uni lunesc
La Coa: ancuntedes per genitores
Uni lunesc danmesdi, dala 09:30 nchin la 11:00, puderàn se ancunté tl local Matada tla Cësa di Cungresc a Urtijëi per sté deberieda danter mutons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.

15.12.
L vën liet dant y depënt
Tla biblioteca de Urtijëi uniràl liet dant na bela storia y daldò depënt cun la ilustradëura Evi Gasser, n vënderdi ai 15 de dezëmber dala 15:00. La manifestazion ie penseda per mutons y mutans dai 5 ani insù. Tulëde pea vosta tea!

17.12.
Mountain Christmas: ejibizion dla Grupa da bal de Urtijëi
La grupa da bal de Urtijëi balerà sun l marcià da Nadel te Sëlva n dumënia ai 17.12. dala 17:00.

Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Fora por döta la sajun pón tó pert ala spazirada interativa, olache le travert é da ciafé la parora de soluziun, chirin les sta­ziuns fora por paisc. Infos y materiai da pié ia ciafon tl ofize turistich da La Val.

Atualmënter
»Stüa da Nadé« a Lungiarü
Düc é inviá da storje pro tla ütia da Nadé cun boandes cialdes. 
Ara deura ai 8, 15, 22, 27 y 29 de dezëmber, y ai 5 de jená 2024 dales 20:00, en Nadé ai 25 de dezëmber dales 9:00 da doman.

12.12.
Al Plan: n domisdé cun i huskys
En mertesc ai 12 de dezëmber dales 15:00 ales 18:00 röiel te Pincia dal Cone a Al Plan n bel grup de cians huskys, olache pici y gragn á la poscibilité da ti ciaré da vijin, fá la blëita impara y ti fá les beles.

Presentazions
08.12.
Prejentazion dla scuadres dl Schi Club Gherdëina
L Schi Club Gherdëina nvieia a la prejentazion dla scuadres de duta la disciplines sportives dl Schi Club Gherdëina, di/dla trainadëures  y dl cudejel dl ann nuef 2022-23, n vënderdi ai 8 de dezëmber dala 18:00 sun l purtoi Palmer a Urtijëi.

11.12.
Prejentazion dl liber „Mein langer Weg zum Glück“
Tla biblioteca de S. Cristina prejënta Josefine Runggaldier si liber „Mein langer Weg zum Glück“, n lunesc ai 11 de dezëmber dala 20:00.

Religion
16.12.
Mëssa per families
L Cunsëi de Pluania de Urtijëi mët a jì na mëssa per families cun Sn. Pluan Vijo Pitscheider, n sada ai 16 de dezëmber dala 17:00 tla dlieja de San Durich a Urtijëi.

16.12.
Jesus Kids & Teens
N sada ai 16 de dezëmber ie duc i mutons y la mutans dla scola mesana y dal terzo ann de elementera inant nviei:des a n domesdì per viver deberieda l crëidum. N se ancunterà dala 16:00 te calonia de Sëlva per purvé deberieda n pitl teater per la mëssa de Maduines, n »bal da lumes« y scrì adum i tesć per la Santa Mëssa.

10.12.
Rorate di orghelisć a Badia
En domënia, la secunda d’Advënt ai 10 de dezëmber 2023, dales 19:30, gnarál conzelebré, sön iniziativa dla Seziun cors de dlijia dl’EPL–Ert por i Ladins, tla Dlijia de Badia le Rorate di Orghelisć dles cöres dla Val Badia y de Gherdëna. Dötes y düc é de cör inviá!

Sozial
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gherdëina a se nuzé de chësc servisc che vën pità uni merdi dala 12:00 ti trëi luesc (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.

Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. 
La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assistënza.

Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).

Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30 (proscimi termins 07. y 22.12.). Al vëgn dé fora da mangé a dötes les porsones dla Val Badia che á debojëgn.

Atualmënter
Ciamena dal guant a La Ila
La Ciamena dal guant »Neores« a La Ila é daverta vigni vëndres dales 14:00 ales 15:30. 
An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.

Sport
09.12.
HC Gherdëina vs. EC Die Adler Kitzbühel
L juech de Alps Hockey League contra l EC Die Adler Kitzbühel unirà a s’l dé n sada ai 9 de dezëmber dala 20:30 tl stadio Pranives te Sëlva.

14.12.
Fis Ski World Cup–libra di ëi
La garejeda de Copa dl Mond de libra (che vën tëuta do da Zermatt/Cervinia) sun l purtoi Saslonch sarà n juebia ai 14 de dezëmber dala 11:45 inant.

14.12.
Copa dl Mond de schi: l vën trat ora i numeri per l start
N juebia ai 14.12. uniràl prejentà i atlec dl Super-G sun Plaza de Sant Antone a Urtijëi y dala 18:00 pona trat ora i numeri per l start dla garejeda dl di do.

15.12.
Super-G di ëi
Ai 15.12. ie l purtoi Saslonch resservà defin per l’elite dl sport dai schi: la garejeda dl Super-G de Copa dl Mond scumëncia dala 11:45.

15.12.
Premiazion dl super-G y estrazion di numeri per l start dla libra
N vënderdi ai 15.12. sun Plaza de Sant Antone a Urtijëi: dala 17:30 inant saràl la premiazion dl super-G y l unirà trat ora i numeri per l start dla libra.

Teater
16.12.
»Don Giovanni« al Paladolomites
En sabeda ai 16 de dezember da les 20:30 al Paladolomites de Ciampestrin, l grop del laboratorie de teater per gregn de Fascia vidà da Michela Marangoni porta dant »Don Giovanni« de Molière.

12.12.
Sajon teatrèla
L é tacà ite la sajon teatrèla de Fiem. Do l bel spetacol su Tita Piaz i apuntamenc va inant en mèrtesc ai 12 de dezember da les 20:45 semper te teater de Tieser con la compagnia ariaTeatro Evoè che met dant »Tre sull’altalena« con la regia de Alberto Giusta.

Musiga
08.12.
Cunzert de Avënt dla pianista Eva Vinatzer
La pianista Eva Vinatzer sunerà n bel cunzert de Avënt n vënderdi ai 8 de dezëmber dala 17:00 tla dlieja de Sant Antone de Urtijëi.

08.12.
Mountain Christmas: l sona l „Trio Ladinia“
La grupa de corni da mont „Trio Ladinia“ sunerà sun l Marcià da Nadel de Sëlva n vënderdi ai 8 de dezëmber dala 17:00.

08.12.
Cunzert d’Avënt dl Cor di ëi Raetia
L Cor di ëi Raetia deberieda cun l Cor di ëi de Gries/Bulsan,fajerà n cunzert d’Avënt  ai 8.12. dala 17:00 tla dlieja de Urtijëi.

09.12.
Mountain Christmas: Cunzert de Avënt dla grupa Kraxn Weisenbläser
La grupa Kraxn Weisenbläser sunerà sun Plaza Nives te Sëlva, ai 9.12. dala 17:00.

15.12.
Mountain Christmas: l cianta la grupa Helios
La grupa Helios cianterà sun l marcià da Nadel te Sëlva ai 15.12. dala 17:00.

15.12.
Cunzert: Ladinia Women‘s Chorus & Eunice Vitae Cantamus Choir
L Ladinia Women‘s Chorus cianterà deberieda al Eunice Vitae Cantamus Choir–n cor dl Sudafrica che cianterà sot ala direzion de Retha Visser–n sada ai 15 de dezëmber dala 17:00 tla dlieja de S. Cristina.

16.12.
Mountain Christmas: l cianta la grupa Hosianna
La grupa Hosianna cianterà sun l marcià da Nadel te Sëlva n sada ai 16.12. dala 17:00.

16.12.
Charlie Cinelli a la Grenz
En sabeda ai 16 de dezember da les 21:00 te senta de La Grenz, te strada Saslonch 56 a Moena, sera de musega dal vif con Charlie Cinelli »and the Misty Mountain Boys«.

Atualmënter
Müjiga di jogn Val Badia–Winter edition
La Müjiga di jogn dla Val Badia é por le pröm iade ince d’invern. Al pó tó pert jones y jogn da döta la valada, che á almanco le diplom de brom y na eté cina 20 agn. Les proes vëgn tignides de jená 2024, tl local dles proes a Badia. Conzert final ai 04.02. a La Ila. Iscriziuns cina ai 24.01.24 al link https://form.jotform.com/232991806347364

18.12.
Al Plan: conzert da Nadé dla Scora de Musiga
La Scora de Musiga Val Badia inviëia bel a n conzert da Nadé, che vëgn tigní en lönesc ai 18.12. dales 18:00, te dlijia d’Al Plan.

Radio
Vender, ai 08 de dezember da les 19:05
Agorà: Cie fej pa ora la cualità de vita te Gherdëina?
Tla segonda pert de nosta ciaculeda cun Cristina Bru-nello, patrona de n residence a Urtijëi, s’la ciaculons de »nosta bela val«, auzan ora la gran ndesfidedes che reverda la cualità de vita per i jëuni y per chëi plu de tëmp. Sambën vëniel nce dat pëis ala cuestion ambientela, al mumënt drët atuela, che va a tuché argumënc fundamentei coche la mubilità. Trasmiscion de Ivan Senoner

Sabeda, ai 09 de dezember da les 19:05
Momënc de vita – intervista a Nina Craffonara
Nina Craffonara é nasciüda a Badia olache ara é chersciüda sö y olache ara vir ciamó al dedancö. Do avëi fat la scora elemenara âra fat la scora profescionala a Bornech y spo âra metü man da lauré te botëga. Nina nes cunta de le laur tla botëga dl Kostner dal 1966 al 1975, inlaota sora botëga de Corvara. Ara nes cunta ince dl laur tl hotel, che ara á metü man do che ara s’á maridé y de süa gran pasciun por le cianté y la musiga. N program de Erika Castlunger.

Mercui, ai 13 de dezember da les 19:05
Persones e curiositèdes: Giusep Brunel de Zepon
Giusep Brunel de Zepon é nasciù del 1826 a Soraga e l é mort del 1892 a Urtijëi, l era n preve ma ence autor de scric e comedies per fascian. L lejea tant la Bibia che Dante che fosc ge à ispirà ence vèlch perdicia o comedia. Seben che si scric abie finalitèdes moralistiches l ne à lascià tesc de gran valor linguistich per l enrescida del ladin e de la cultura e usanzes che é vegnudes toutes su e publichèdes ence da Hugo de Rossi. Program de Anna Mazzel e Anelise Vian.

Juebia, ai 14 de dezember da les 19:05
Or y arjënt por le Cor di Jëuni Gherdëina
Les 60 usc dl cor de jogn y jones de Gherdëna davagna bëgn te dös categories, tl cheder dla cuinta ediziun di European Choir Games a Norrköping, tla Svezia. N program de Sara Frenner
Informaziuns plü menüdes sön i programs radio y televijion de RAI Ladinia pôn ciafè sön www.raibz.rai.it.

Televijion
Mertesc, ai 12 de dezember da les 20:50 ca
Sport ladin
Program de Diego Clara y Hartmann Mairhofer, a cura de Leo Senoner

Mercui, ai 13 de dezember da les 20:50 ca
Trail spezial: Sot la medema stëra
I 50 agn de storia dl grup musical Kyrios danter momënc de ligrëza, unité y val’ dificolté. De Roman Clara

Juebia, ai 14 de dezember da les 20:50 ca
Nosta Scola: atualitá dala scoles dla valedes ladines
Tl’edizion de dezëmber sons jic a ti cialé al workshop per i raprejentanc di studënc dla cater scoles autes ladines dla provinzia de Bulsan. Na bona ucajion per se baraté ora esperienzes y mparé velch deplù sun la partezipazion y i dërc i duvieres di studënc. Lorenz Clara conta de si funzion da coordinadëur dl sport scolastich tla Ntendënza ladina. Leprò ti ons fat vijita ala scola elementera de Santa Cristina, na scola muvime-nteda, ulache l muvimënt fej pert dl nsenimënt. Tesć y cunzec de Lena Mulser, camera y tai de Hans Peter Karbon, a cura de Alessandro Dapunt.