La Usc di Ladins

Apoteca
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 15.12 nchin n vënderdi ai 22.12. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 15 de dezëmber dales 19:00 al vëndres ai 22 de dezëmber ales 19:00, é chëra da La Ila, tel. 0471 847152.

Dotor
Dutor Gherdëina
L dutor de servisc da n sada ai 16.12. dala 08:00 daduman nchin la 08:00 daduman de n lunesc ai 18.12. ie l dutor Valentin Tröbinger de Sëlva, tel. 0471/773073 o l 335 6844944.
Doturs Val Badia
Ti comuns de Mareo y San Martin él en sorvisc tla fin dl’edema di 16 y 17 de dezëmber le dotur Eduard Agreiter, San Martin de Tor, tel. 0474 523315 o 333 1380852. Ti comuns da La Val, Badia y Corvara él en sorvisc le dotur Alberto Caretta, Badia, tel. 0471 839706 o 380 3161999.

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.

16.12
Radunanza Generela de la Majon di Fascegn
Doman, sabeda ai 16 de dezember da les 17:00 te Museo Ladin a Sèn Jan vegn endrezà la radunanza generèla de la Majon di Fascegn.

15-16.12
La via de la steila
L grop merican »The Vigil Project«, che porta l Vangele travers la musega é ghest chisc dis de la Parochia de Poza. Insnet vender i cianta la messa di joegn da les 18:00 te gejia de S. Nicolò e da les 21:00 l é l conzert de Avent te gejia parochiala. Ai 16 domesdì l é n workshop musical coi cores di joegn e da les 18:00 messa internazionèla te gejia parochiala.

16.12
»Trame« con Bambi
A Cianacei, al Garnì Villa Mozart te Strèda Roma 27, tel chèder del projet Trame, doman, sabeda ai 16 de dezember da les 14:00 a les 17:00 la sociazion Bambi endreza n laboratorie de creatività sul Nadèl per bec dai 6 ai 11 egn con jeghes e »truccabimbi«. L é avert a duc zenza paament ne prenotazion.

Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauenhelfenfrauenbruneck.it

Atualmënter
Iniziativa di ëi de Puster–MIP
L’ofize dla MIP–Männer-initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it

Atualmenter
Film: »A journey to Auschwitz«
Giacomo Gabrielli con la Filmart Pictures ge à metù man con n montaje amò più da emozion a sie film-documentarie »A journey to Auschwitz«. La neva verscion definitiva da 75’ é ades a la leta, per semper, sul canal youtube de Filmart Pictures. Se pel l veder dal link: https://youtu.be/vghgribwqcm

15.12.
Open day a la Scola Ladina de Fascia
I licees de Fascia aur si ujes anché, vender ai 15 de dezember da les 14:30 a les 17:30. I studenc de terza mesèna podarà veder da vejin spazies e proponetes e rejonèr coi professores.

Atualmënter
Luech da Nadel a Urtijëi
L marcià da Nadel tl raion da jì a pe de Urtijëi sarà daviert uni di nchin ai 7 de jené. Coche nce i ultimi ani saràl de plu butëighes che meterà ora si marcanzies y nce vel’ stont ulache n puderà se maie y bever zeche.

Atualmënter
Mountain Christmas: Marcià da Nadel te Sëlva
L Marcià da Nadel te Sëlva jirà inant nchin ai 6 de jené: n chësc fin dl’ena saràl daviert dal vënderdi 15.12. nchin dumënia ai 17.12. Dai 22 de dezëmber nchin ai 6 de jené saràl daviert uni di, for dala 15:00 nchin la 19:00.

Chino
Atualmenter
Al chino de Tieser
Anché vender ai 15 da les 21:15 e sabeda ai 16 da les 17:30 l é l film »C’è ancora domani« de e con Paola Cortellesi, vender ai 15 da les 17:30, sabeda ai 16 da les 21:15 e domenia ai 17 da les 20:30 l é l film »Wonka«.

Mujiga
16.12.
Charlie Cinelli a la Grenz
Doman, sabeda ai 16 de dezember da les 21:00 te senta de La Grenz, te strada Saslonch 56 a Moena, sera de musega dal vif con Charlie Cinelli »and the Misty Mountain Boys«.

17.12.
Musical a Tieser
En domenia ai 17 de dezember da les 17:00 te teater de Tieser l Cor Millenote de Tieser porta dant l musical »Buon Natale vecchio Scrooge«.

17.12.
Antermëia: conzert d’Advënt
En domënia ai 17 de dezëmber dales 17:00 é düc bel inviá a n conzert d’Advënt te dlijia d’Antermëia, olache al sará da aldí le cor dl paisc »Antervoisis«, deboriada cun le cor »Kropya« da La Pli de Fodom y i »Turmbläser« da San Martin.

18. y 20.12.
Al Plan y Badia: conzerc da Nadé dla Scora de Musiga
La Scora de Musiga Val Badia inviëia bel a dui conzerc da Nadé, che vëgn tignis en lönesc ai 18 de dezëmber dales 18:00, te dlijia d’Al Plan y en mercui ai 20 de dezëmber dales 18:00 te dlijia de Badia.

28. y 29.12.
Al Plan y Badia: conzerc dl Cor y Orchestra Val Badia
Le Cor y l’Orchestra Val Badia inviëia bel a sü conzerc, cun musiga da nadé da Diabelli a Corelli. Ai é da aldí en jöbia ai 28 de dezëmber dales 20:30 te dlijia d’Al Plan y en vëndres ai 29 de dezëmber dales 20:30 te dlijia de Badia.

15.12.
Mountain Christmas: l cianta la grupa Helios
La grupa Helios cianterà sun l marcià da Nadel te Sëlva ncuei, vënderdi ai 15.12. dala 17:00.

15.12.
Cunzert: Ladinia Women’s Chorus & Eunice Vitae Cantamus Choir
L Ladinia Women’s Chorus cianterà deberieda al Eunice Vitae Cantamus Choir–n cor dl Sudafrica- sot ala direzion de Retha Visser–ncuei, vënderdi 15 de dezëmber dala 17:00 tla dlieja de S. Cristina.

16.12.
Mountain Christmas: l cianta la grupa Hosianna
La grupa Hosianna cianterà sun l marcià da Nadel te Sëlva n sada ai 16.12. dala 17:00.

21.12.
„De Cater“: cunzert de benefizënza
L cuartet „De Cater“ fajerà n cunzert de benefizënza per la lia Sustëni ala vita n juebia ai 21 de dezëmber dala 17:00 tla dlieja de Sant Antone a Urtijëi. L sunerà Viktor Canins ala chitara y Eva y Sofia Goller al tlavier. La ntreda ie a dunfierta liedia.

21.12.
Cor de Dlieja de Urtijëi: Tlecanoht
Tl zënter de Urtijëi cianterà l Cor di Jëuni de Urtijëi la Tlecanoht, n juebia ai 21 de dezëmber dala 18:00.

22.12.
L cuartet „De Cater“ sun l Marcià da Nadel te Sëlva
La grupa „De Cater“ cianterà sun Plaza Nives te Sëlva ai 22 de dezëmber dala 17:00.

23.12.
Meludies da Nadel dl Cor di mutons:ans de Sëlva
L Cor di mutons:ans de Sëlva cianterà sun l Marcià da Nadel te Sëlva n sada ai 23 de dezëmber dala 17:00.

24.12.
Ueia de Nadel a Urtijëi
A Urtijëi sunerà i srumënc a fla sun l ciampanil dla dlieja de Sant Antone dala 17:00. Dala 18:00 cianterà pona l Cor di ëi y l Cor di mutons y dla mutans de Urtijëi sun Pitla Plaza de Sant Antone.

24.12
Meludies da Nadel cun la Mujiga de Sëlva
La Mujiga de Sëlva sunerà sun l Marcià da Nadel te Sëlva n dumënia ai 24 de dezëmber dala 17:00.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assistënza.

Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).

Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30 (proscim termin 21.12.). Al vëgn dé fora da mangé a dötes les porsones dla Val Badia che á debojëgn.

Atualmënter
Ciamena dal guant a La Ila
La Ciamena dal guant »Neores« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.

Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gherdëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.

03.01.2024
Trëi Rëiesc 2024
Nce l ann che vën, plu avisa ai 3 de jené 2024, jirà i Trëi Rëiesc da cësa a cësa a purté la benedescion per l ann nuef, l ncëns y a damandé na dunfierta per passa cënt proiec caritatifs che la Schiera Junila sustën sëura dut l mond.

Teater
21.12.
Spetacol de teater e bal
En jebia ai 21 de dezember da les 21:00 te teater de Tieser per la »Sajon del teater« la Voce delle Donne prejenta n spetacol de teater e bal dal titol »Le radici del silenzio«.

16.12.
Teater per i 50 egn de Anffas
Doman, sabeda ai 16 de dezember al Pala Fiem de Ciavaleis da les 20:00 l laboratorie de teater sozièl »I Satelliti« porta dant »Di amori perduti e altri splendori« omaje a Fabrizio De André, per festejèr i 50 egn de Anffas Trentin onlus de Ciavaleis.

16.12.
»Don Giovanni« al Paladolomites
Doman, sabeda ai 16 de dezember da les 20:30 al Paladolomites de Ciampestrin, l grop del laboratorie de teater per gregn de Fascia vidà da Michela Marangoni porta dant »Don Giovanni« de Molière.

20.12.
Sajon teatrèla
Va inant la sajon teatrèla de Fiem. En mercol ai 20 de dezember da les 20:45 te teater de Pardac la compagnia Oblivion met dant »Tuttorial. Guida Contromano alla Contemporaneità« con la regia de Giorgio Gallone.

Mostres y ert
18.12.
Cripl de Rudolf Moroder y bera Sepl da Jumbierch
L Museum Gherdëina nvieia ala giaurida dla mostra da Nadel cun la prejentazion dla gran cripl de Rudolf Moroder de Lenert y bera Sepl da Jumbierch dl ann 1910, n lunesc, ai 18 de dezëmber dala 17:00 tla sala scultures dl Museum tla Cësa di Ladins a Urtijëi. Ntreda debant.

Atualmënter
Mostra de criples
Tla Cësa di Cungresc a Urtijëi uniràl metù ora de plu criples de Gherdëina ntan l tëmp da Nadel. 
La espusizion sarà da udëi nchin ai 07.01.2024, uni di dala 10:00 nchin la 12:30 y dala 16:00 nchin la 19:00.

Atualmënter
Menemsha–mostra de Marianne Vitale
La prima mostra persunela tla Talia dl’artista de New York Marianne Vitale tla Galaria Doris Ghetta resterà da udëi nchin ai 10 de fauré dl 2024, uni merdi y vënderdi dala 15:00 nchin la 18:00.

Atualmënter
Mostra „Risblankeda“ de Sonia Hofer
La mostra tl Tublà da Nives te Sëlva va inant nchin ai 13 de jené, uni di ora che l lunesc, dala 15:00 nchin la 18:00. N ueia de Nadel saràl śarà.

TELEVIJION
Mertesc, ai 19 de dezember da les 20:50 ca
Deboriada
Program de Ivan Senoner y Georg Penn, a cura de Leo Senoner

Mercui, ai 20 de dezember da les 20:50 ca
Cult, rituai da inier y incö: la religiosité
Program de Daria Valentin y Hanspeter Karbon, a cura de Alessandro Dapunt

Juebia, ai 21 de dezember da les 20:20 ca
Trasmisciun da Nadé te trëi lingac, en direta da Al Plan de Mareo
Conduziun Esther Videsott, Alessandra Tortosa, Gertrud Prenn.

Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00

Mertesc, ai 19 de dezember da les 14:45
Bilanz 2023 e projec ICL de Fascia
Tel ruèr a piz del 2023 fajon n bilanz de l’ativitedes de l’Istitut Culturèl Ladin de Fascia e sporjon vèlch di projec per l 2024 con la diretora Sabrina Rasom. Conduzion Anna Mazzel.
La trasmiscion “DAI CRËPS DL SELA” ie da audì uni di dala 19:05 ala 19:30 sun la frecuënzes de RAI LADINIA

Vender, ai 15 de dezember da les 19:05
Contra la viulënza contra l’ëiles
Ai 25 de nuvëmber iel stat l “Di nternaziunel contra la viulënza contra l’ëiles”. Na cuestion scialdi sentida nce dai jëuni y dala jëunes. Mo deplù do l‘ultima ntraunida de cronica foscia, ulache na jëuna de 22 ani ie unida mazeda da si ex-nevic. De si bona à n valguna tlasses dl ITE Raetia de Urtijëi ulù meter a jì, deberieda cun si prufessëura Martina Casanova, n pruiet de descu-scion y de criatività per mustré pona i resultac sun placac conta la viulënza contra l’ëiles. Rujenon cun Giulia Tavella y Iacun Ferro dla segonda tlas. Na trasmiscion de David Lardschneider.

Sabeda, ai 16 de dezember da les 19:05
Tëmp d’Advënt, tëmp de scincundes
Les scincundes alda pro le tëmp da Nadé, avisa sciöche le lëgn o i biscoti. Te ci mumënt dla storia, á pa les persones metü man da scinché? Co ciarela pa fora te de atres cultures? Ci suzedel pa te nosc cervel canche scincun o ciafun na scincunda? Program de Iris Del Valle

Domenia, ai 17 de dezember da les 19:05
Cunzert de S.Zezilia a S.Cristina
Nce chëst ann à la mujighes de Gherdëina tenì l cunzert n unëur de si patrona, santa Zezilia. Ntan chësta trasmiscion uniral prejentà l program che ie unì lascià audì dala mujiga de S.Cristina che à sunà sota la bachëta de Christian Hofer. Trasmiscion de Georg Mussner

Mercui, ai 20 de dezember da les 19:05
Zachei Zaolà: Iris Del Valle
Con la colaboradora de Rai Ladinia Iris Del Valle jiron a descorir zeche de più su storia e cultura del raion de la Galizia, na comunità autonoma tel nord ovest de la Spagna e rejonaron ence del segnificat che l é vindedò la parola “identità” canche la se lea al contest de la mendranzes linguistiches. Program de Cinzia Pistoia

Juebia, ai 21 de dezember da les 19:05
Duciaries
Che an ti dijes checs, biscoti, pastines o papes, da Nadé ne po les duciaries nia falé. Cun chësc program se leca ite vigni golus. N program de Sara Frenner

Temp lede
Atualmenter
Cripeles sui festii a Vich
Fin ai 6 de jené fora per l paisc de Vich se pel veder 25 prejepies sui festii fac da privac, zipiadores e sociazions de paisc.

Atualmenter
Marcià da Nadèl a Moena
Fin ai 6 de jené duc i fins de setemèna e sot la festes ogne dì da les 15:00 vegn avert la ciasetes del marcià da Nadèl te Piaz Ramon, Piaz de Sotegrava e piaz Perla Alpina olache se pel magnèr zeche da bon, scutèr musega e aprijièr i prodoc del post.

Atualmenter
Marcià da Nadèl a Soraga
Dai 15 ai 17 e dai 22 de dezember ai 7 de jené da les 15:00 a les 19:00 te Pra del Preve a Soraga averc la ciasetes de legn del marcià da Nadèl con fornimenc particolères e l fech te mez pra olache se pel cercèr zeche da bon e proveder vèlch da bel per i dons da Nadèl.

Atualmenter
Marcià de Nadèl a Vich
Dai 15 ai 16 e dai 23 de dezember ai 6 de jené da les 15.30 a les 18.30 te piaz de Vich e te Ciasa Marmolada vegn endrezà l picol marcià »Picol, bon e bel« con n muie de idees per fèr i dons da Nadèl.

Atualmenter
Marcià da Nadèl a Ciampedel
Dai 22 ai 6 de jené da les 15:00 a les 19:00 se pel veder l picol marcià da Nadèl te Piaz Veie de Ciampedel.

Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Fora por döta la sajun pón tó pert ala spazirada interativa, olache le travert é da ciafé la parora de soluziun, chirin les staziuns fora por paisc. Infos y materiai da pié ia ciafon tl ofize turistich da La Val.

Atualmënter
Roda dles Cripeles a La Val
A La Val pón amiré cina ai 7 de jená 2024 cripeles snizlades y depëntes, de dimenjiuns desvalies. Ares é metüdes fora te de plü fraziuns.
An pó se fá na roda a pe fora por paisc, sides de de co da sëra, canche les cripeles vëgn iluminades. Implü él la US La Val che dá fora val’ da bëre pro salf dles manifestaziuns, ai 15, 22 y 23 de dezëmber dales 18:00 inant.

Atualmënter
Marcé da Nadé a Corvara
Le Marcé da Nadé a Corvara é davert dai 15 ai 17 de dezëmber, y dai 22.12. ai 7.01.24, tres dales 16:00 ales 19:00. 
Ai 15.12. dales 17:00 inant pón aldí les cianties y melodies portades dant da Sophie Rabanser.

Atualmënter
Advënt Al Plan
Sön plaza de paiun a Al Plan él n pice marcé da Nadé por sté en compagnia pro n’atmosfera nadalina. Le marcé é davert incö ai 15.12, spo ai 21. y 22.12. dales 17:30 ales 20:00 y dai 27 ai 30.12. dales 16:30 inant.

Atualmënter
»Stüa da Nadé« a Lungiarü
Düc é inviá da storje pro tla ütia da Nadé cun boandes cialdes. Ara deura ai 15, 22, 27 y 29 de dezëmber, y ai 5 de jená 2024 dales 20:00, en Nadé ai 25 de dezëmber dales 9:00 da doman.

15.12.
»Adöm te plaza« a Badia
La plaza dan dlijia de Badia vën abelida cun musiga da Nadé, incö vëndres ai 15 de dezëmber y ai 22 de dezëmber, dales 18:00 ales 20:00. I Ostis de Badia adöm ala Jonëza da Paur y i Jogn dl Paisc dá fora val’ de cialt da bëre y na jopa cialda.

17. y 18.12.
Copa dl Monn tl’Alta Badia
En domënia ai 17 y en lönesc ai 18 de dezëmber vëgnel tigní les gares de Copa dl monn de schi sön la »Gran Risa« a La Ila. Intrami i dis é la pröma manche dl gigant dales 10:00 y la secunda dales 13:30. Le jënt dl post pó tó pert debann ales gares dlungia pista sö, damanan do les chertes tl ofize dla Copa dl Monn. Infos plü menüdes sön www.skiworldcup.it

17. y 18.12.
»Test the best« tl’Alta Badia
En gaujiun dles gares de Copa dl monn de schi pón porvé fora les novités che reverda schi, cialzá dai schi y d’atra atrezadöra – dales 9:30 ales 15:30 sön Piz La Ila. 
Al sará iló ince valgügn maestri de schi, por dé consëis o se fá na roda de proa söla nëi adöm ai partezipanc.

19.12.
»Adöm te plaza« a Calfosch
Sön plaza de dlijia da Calfosch vëgnel pité en mertesc ai 19 de dezëmber dales 16:30 ales 18:30 val’ duciaria y boandes cialdes. An podará ince ti ciaré ales cripeles fates a man da artejans dl post y la sëra gnará abelida dal duo »Arton«.

Atualmënter
Ancuntedes de letura
La biblioteca de San Durich a Urtijëi nvieia ala ancuntedes de letura, ulache l vën liet l liber „Racconti Romani“ de Jhumpa Lahiri. La ancuntedes va inant uni lunesc, for dala 18:00.

16.12.
Copa dl Mond: defileda di fans
Dan la garejeda dla libra se anconta duc i fans dan l restaurant La Tambra dala 10:45 per jì tres l zënter de S. Cristina nchin ja Ruacia pra l travert dla Saslong. Per uni fanclub iel ilò resserveda na tribuna, ulache i possa fé l tifo ntan la garejeda.

17.12.
Atmusfera d’Avënt pra l lech sun Pana
Ai 17 de dezëmber, dala 16:00, puderàn fè n trëi var nchin pra l lech de Pana, ulache n puderà se goder na bela atmusfera da Nadel, cun mujiga d’Avënt, papes y n bon té ciaut o na copa de vin cuet.

Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mutons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.

15.12.
L vën liet dant y depënt
Tla biblioteca de Urtijëi uniràl liet dant na bela storia y daldò depënt cun la ilustradëura Evi Gasser, ncuei, vënderdi ai 15 de dezëmber dala 15:00. La manifestazion ie penseda per mutons y mutans dai 5 ani insù. Tulëde pea vosta tea y unide trueps:es.

17.12.
Mountain Christmas: ejibizion dla Grupa da bal de Urtijëi
La grupa da bal de Urtijëi balerà sun l marcià da Nadel te Sëlva n dumënia ai 17.12. dala 17:00.

15.12.
Storia da Nadel
Tla biblioteca Oswald von Wolkenstein te Sëlva uniràl liet dant la storia da Nadel „Das blaue Weihnachts-wunder“, ncuei vënderdi ai 15 de dezëmber dala 16:00. Duc ie de cuer nviei.

Religion
16.12.
Mëssa per families
L Cunsëi de Pluania de Urtijëi mët a jì na mëssa per families cun Sn. Pluan Vijo Pitscheider, n duman sada ai 16 de dezëmber dala 17:00 tla dlieja de San Durich a Urtijëi.

16.12.
Jesus Kids & Teens
N duman sada ai 16 de dezëmber ie duc i mutons y la mutans dla scola mesana y dal terzo ann de elementera inant nviei:des a n domesdì de workshops, adurazions y aurela curta cun devertimënt y muvimënt, per viver deberieda l crëidum. N se ancunterà dala 16:00 te calonia de Sëlva per purvé deberieda n pitl teater per la mëssa de Maduines, n »bal da lumes« y scrì adum i tesć per la Santa Mëssa.

Sport
15.12.
Super-G di ëi
Ai 15.12. ie l purtoi Saslonch resservà defin per l’elite dl sport dai schi: la garejeda dl Super-G de Copa dl Mond scumëncia dala 11:45.

15.12.
Premiazion dl super-G y estrazion di numeri per l start dla libra
N vënderdi ai 15.12. sun Plaza de Sant Antone a Urtijëi: dala 17:30 inant saràl la premiazion dl super-G y l unirà trat ora i numeri per l start dla libra.

21.12.
HC Gherdëina vs. HK Celje
L juech de Alps Hockey League contra l HK Celje unirà a s’l dé ai 21 de dezëmber dala 20:30 tl stadio Pranives te Sëlva.

23.12.
Partida dl HC Gherdëina C
L HC Gherdëina C jugherà contra l HC Chiavenna n sada ai 23 de dezëmber dala 20:30 tl stadio Pranives te Sëlva.