La Usc di Ladins

Sport
23.12.
Partida dl HC Gherdëina C
L HC Gherdëina C jugherà contra l HC Chiavenna n duman sada ai 23 de dezëmber dala 20:30 tl stadio Pranives te Sëlva.
30.12.
HC Gherdëina vs. EC-KAC Future Team
L juech de Alps Hockey League contra l EC-KAC Future Team unirà a s’l dé ai 30 de dezëmber dala 20:30 tl stadio Pranives te Sëlva.
03.01.
HC Gherdëina vs. EC Bregenzerwald
L juech de Alps Hockey Lea­gue contra l EC Bre­genzerwald unirà a s’l dé ai 3 de jené dala 20:30 tl stadio Pranives te Sëlva.

Chino
Atualmenter
Al chino de Cianacei
Doman, sabeda ai 23 de dezem­ber da les 17:00 se pel veder »Prendi il volo« e da les 21:15 l é »Aqua­man«, en program ence en mèrtesc ai 26 da les 17:00. En domenia ai 24 da les 17:00 l é »Wish«, da poder veder da la medema ora ence en mercol ai 27. En domenia da les 21:15 l é enveze »Adagio«, en lunesc ai 25 da les 17:00 l é »Wonka« e da les 21:15 »C’è ancora domani« e en mèrtesc ai 26 da les 21:15 »Santocielo«.
Atualmenter
Al chino de Tieser
Anché vender ai 22 de dezem­ber da les 21:15 se pel veder »Un colpo di fortuna« e en sabeda ai 23 da la medema ora l é en program »Ferrari«. Do­mesdì l é »Wish«: en sabeda da les 17:30, en domenia da les 17:00 e en mèrtesc da les 15:45. En lunesc ai 25 enveze da les 17:00 l é »Wonka« e da les 21:00 l conzert de la Banda de Tieser. Amò en mèrtesc ai 26 da les 18:00 l é »Aqua­man« e da les 21:15 »Santo­cielo«, en program da sera ence ai 28. En mercol ai 27 da les 17:30 »Prendi il volo« e amò en vender ai 29 da les 18:00 »C’è ancora domani«. Program su www.cine matesero.com

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
26.12.
Aziun Trëi Rêsc Schira Jonila de Südtirol 2024
Dales 20:50 ca. Program de Anna Maria Fiung y Hannes Penn, a cura de Alessandro Dapunt.
27.12.
Ladinia Tour 2023
Dales 20:50 ca. Program de Alessandro Dapunt.
28.12.
Euro – trasmisciun d’economia
Dales 20:20 ca, De Diego Clara y Hartmann Mairhofer, a cura de Leo Senoner.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion «DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
23.12.
Tëmp d’Advënt, tëmp de scincundes
Dales 19:05. Les scincundes alda pro le tëmp da Nadé, avisa sciöche le lëgn o i biscoti. Te ci momënt dla storia á pa les porsones metü man da scinché? Co ciarera pa fora te d’atres cultures? Ci sozedel pa te nosc ciorvel canche i scincun o ciafun na scincunda? Chëstes y d’atres informa­ziuns podarëise aldí tratan la trasmisciun. Program de Iris Del Valle.
24.12.
Cianties da Nadel prejen­tedes da Erika Mussner
Dales 19:05. Tl tëmp da Nadel vëniel scialdi ciantà y la mujiga ie de gran mpurtanza per festejé la nasciuda dl bambin Gejù. Deberieda cun la mae­stra de cianté Erika Mussner ve prejenterons cianties da Nadel mpue d’uni sort, nce teles dl’America Latina. Oradechël saral nce da audì la premiere dla ciantia »Der freie Engel« cun trëi celli y trëi ujes. Trasmiscion de Georg Mussner.
27.12.
Persones e curiositèdes: Valentina Rossetti
Dales 19:05. La pruma ela a fèr scola de schi te Fascia l é stat Valentina Rossetti, na ela feruscola e deribolenta che aea semper n grignot per duc seben che sia vita no sibie stata tant sorida. Ge piajea jir coi schi, l à tout pèrt ence a valguna garejèdes, de 16 egn l à scomenzà a fer scola de schi e da sera co l’Ape la jia a portèr fora pesc per la boteiga de familia. L à didà ence a meter su la crousc sun Sas Pordoi del 1962 e trop de auter che ve sporjaron te chest program. Program de Anna Mazzel e Anelise Vian.
28.12.
L’ergoterapia
Dales 19:05. Te chësc program descoriunse deboriada al’ergo­terapista Marion Rabanser de ci che ara ne n vá te so laur. N program de Sara Frenner.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun sozio­sanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assistënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. I proscimi termins é ai 04. y ai 18.01.2024. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.

Mostres y Ert
Atualmënter
L cëntejim ann de Adolf Vallazza
La mostra «Cënt ani d’ert«, cun lëures dai ani ‘70 nchin tl 2014 dl artist de 99 ani de Urtjiëi, tl Museum Eccel Kreuzer a Bulsan resterà davierta nchin ai 30.03.2024.
Atualmënter
Mostra de criples
Tla Cësa di Cungresc a Urtijëi uniràl metù ora de plu criples de Gherdëina ntan l tëmp da Nadel. La espusizion sarà da udëi nchin ai 07.01.2024, uni di dala 10:00 nchin la 12:30 y dala 16:00 nchin la 19:00.
Atualmënter
Menemsha – mostra de Marianne Vitale
La prima mostra persunela tla Talia dl’artista de New York Marianne Vitale tla Galaria Doris Ghetta resterà da udëi nchin ai 10 de fauré dl 2024, uni merdi y vënderdi dala 15:00 nchin la 18:00.
Atualmënter
Mostra »Risblankeda« de Sonia Hofer
La mostra tl Tublà da Nives te Sëlva va inant nchin ai 13 de jené, uni di ora che l lunesc, dala 15:00 nchin la 18:00. N ueia de Nadel saràl śarà.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 22.12. nchin n vënderdi ai 29.12. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Dal vënderdi ai 29.12. nchin n vënderdi ai 05.01.2024 ie l’apoteca de Ciastel de servisc, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 22 de dezëmber dales 19:00 al vëndres ai 29 de dezëmber ales 19:00, é chëra da San Martin/Picolin, tel. 0474 523020; tl’edema dai 29 de dezëmber ai 5 de jená 2024 él en sorvisc l’apoteca d’Al Plan, tel. 0474 501240.

Dotours
Dutor Gherdëina
L dutor de servisc da n sada ai 23.12. dala 08:00 daduman nchin la 08:00 daduman de n lunesc ai 25.12. ie l dutor Pablo Policastro tl ambula­tuere di dutores Kostner/Weber, a Urtijëi tla streda Trebinger 10, tel. 366 3646 254.
Da n lunesc (Nadel), 25.12. dala 08:00 daduman nchin la 08:00 daduman de merdi (San Stefun) ai 26.12. ie l dutor Michael Trocker de Urtijëi de servisc, streda Promeneda, tel. 388 2580002.
Da n sada 30.12 nchin du­mënia, 31.12 ie l dutor Giu­liano Piccoliori de S. Cristina de servisc, tel. 0471 792282 o 348 3301004. Ai 1. de jené ie l dutor Simon Kostner de Sëlva de servisc, tel. 347 2297492.
Doturs Val Badia
Ti comuns de Mareo y San Martin él en sorvisc tla fin dl’edema di 23 y 24 de dezëmber, sciöche ince en Nadé y San Stefo ai 25 y 26.12. la doturia Stefania Febbraro, Al Plan, tel. 377 3288595. La sabeda ai 30.12. él en sorvisc la dra. Margarete Mahlknecht, La Val, tel. 349 0667034 o 0474 523018. En San Salvester al 31.12. y en Nanü él en sorvisc le dotur Eduard Agrei­ter, San Martin, tel. 0474 523315 o 333 1380852.
Ti comuns da La Val, Badia y Corvara él en sorvisc ai 23. y 24.12. le dotur Martin Spechtenhauser, La Ila, tel. 0471 844200; en Nadé ai 25.12. la doturia Lodovica Mattioni, La Ila, tel. 328 8590842; en San Stefo ai 26.12., tla fin dl’edema di 30. y 31.12. en Nanü le dotur Guido Caretta, Calfosch/Corvara, tel. 0471 836870 o 337 616080

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
Luech da Nadel a Urtijëi
L marcià da Nadel tl raion da jì a pe de Urtijëi sarà daviert uni di nchin ai 7 de jené. Coche nce i ultimi ani saràl de plu butëighes che meterà ora si marcanzies y nce vel’ stont ulache n puderà se maie y bever zeche.
Atualmënter
Mountain Christmas: Marcià da Nadel te Sëlva
L Marcià da Nadel te Sëlva jirà inant nchin ai 6 de jené: da ncuei, 22 de dezëmber nchin ai 6 de jené saràl daviert uni di, for dala 15:00 nchin la 19:00.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Film: »A journey to Auschwitz«
Giacomo Gabrielli con la Filmart Pictures ge à metù man con n montaje amò più da emozion a sie film-documentarie »A journey to Auschwitz«. La neva verscion definitiva da 75’ é ades a la leta, per semper, sul canal youtube de Filmart Pictures. Se pel l veder dal link: https://youtu.be/vghgribwqcm

Temp Lede
Atualmenter
Cripeles sui festii a Vich
Fin ai 6 de jené fora per l paisc de Vich se pel veder 25 preje­pies sui festii fac da privac, zipiadores e sociazions de paisc.
Atualmenter
Marcià da Nadèl a Moena
Fin ai 6 de jené duc i fins de setemèna e sot la festes ogne dì da les 15:00 vegn avert la ciasetes del marcià da Nadèl te Piaz Ramon, Piaz de Sote­grava e piaz Perla Alpina olache se pel magnèr zeche da bon, scutèr musega e aprijièr i prodoc del post.
Atualmenter
Marcià da Nadèl a Soraga
Dai 22 de dezember ai 7 de jené da les 15:00 a les 19:00 te Pra del Preve a Soraga averc la ciasetes de legn del marcià da Nadèl con fornimenc particolères e l fech te mez pra olache se pel cercèr zeche da bon e proveder vèlch da bel per i dons da Nadèl.
Atualmenter
Marcià da Nadèl a Ciampedel
Dai 22 ai 6 de jené da les 15:00 a les 19:00 se pel veder l picol marcià da Nadèl te Piaz Veie de Ciampedel.
Atualmenter
Marcià de Nadèl a Vich
Dai 23 de dezember ai 6 de jené da les 15.30 a les 18.30 te piaz de Vich e te Ciasa Marmolada vegn endrezà l picol marcià »Picol, bon e bel« con n muie de idees per fèr i dons da Nadèl.
Atualmënter
Ancuntedes de letura
La biblioteca de San Durich a Urtijëi nvieia ala ancuntedes de letura, ulache l vën liet l liber »Racconti Romani« de Jhumpa Lahiri. La ancuntedes va inant uni lunesc, for dala 18:00.
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Fora por döta la sajun pón tó pert ala spazirada interativa, olache le travert é da ciafé la parora de soluziun, chirin les staziuns fora por paisc. Infos y materiai da pié ia ciafon tl ofize turistich da La Val.
Atualmënter
»Paisc da Nadé« a San Ciascian
Le zënter da San Ciascian i fej da cornisc al »Paisc da Nadé«, cina ai 7 de jená 2024, dales 16:00 ales 19:00. En Vëia de Nadé sona le duo »Arton«, ai 4.01. pón ascuté sö Annika Borsetto y la band »Whiskey & the Ginger«, dagnora dales 16:30 inant. An podará ince amiré les cripeles fates da man da plü artejans y metüdes fora te paisc.
Atualmënter
Marcé da Nadé a Corvara
Le Marcé da Nadé a Corvara é davert dai 22 de dezëmber cina ai 7.01.24, tres dales 16:00 ales 19:00. Deplü é i apuntamënc cun musiga dal ví: ai 23.12. sona Eduard Huber cun sü scolars de orghi da man, en San Stefo sona Gabriel Colombani, ai 29.12. Eugene, al 1.01. le cor Kerygma y ai 5.01. le duo »Arton«. Düc i apuntamënc mët man dales 17:00, chël di 29.12. dales 16:30.
Atualmënter
Roda dles Cripeles a La Val
A La Val pón amiré cina ai 7 de jená 2024 cripeles snizlades y depëntes, de dimenjiuns desvalies. Ares é metüdes fora te de plü fraziuns. An pó se fá na roda a pe fora por paisc, sides de de co da sëra, canche les cripeles vëgn iluminades. Implü él la US La Val che dá fora val’ da bëre pro salf dles manifestaziuns, ai 15, 22 y 23 de dezëmber dales 18:00 inant.
Atualmënter
Advënt Al Plan
Sön plaza de paiun a Al Plan él n pice marcé da Nadé por sté en compagnia pro n’atmo­sfera nadalina. Le marcé é davert ciamó dai 27 ai 30.12., dales 17:30 ales 20:00.
Atualmënter
»Stüa

• 
•  

View the embedded image gallery online at:
https://www.lausc.it/manifestazions-y-evenc/25999-manifestazions-atuales#sigProId2ed06d5eda

da Nadé« a Lungiarü
Düc é inviá da storje pro tla ütia da Nadé cun boandes cialdes. Ara deura ai 27 y 29 de dezëmber, y ai 5 de jená 2024 dales 20:00, en Nadé ai 25 de dezëmber dales 9:00 da doman.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
22.12.
»Adöm te plaza« a Badia
La plaza dan dlijia de Badia vën abelida cun musiga da Nadé, incö vëndres ai 22 de dezëmber, dales 18:00 ales 20:00. I Ostis de Badia adöm ala Jonëza da Paur y i Jogn dl Paisc dá fora val’ de cialt da bëre y na jopa cialda.
27.12.
Nos Ladins cun Tone
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. En mercui ai 27.12. danmisdé él Tone che mostra l’ativité de socurs cun i cians, a San Ciascian. Info y prenota­ziuns ti ofizi turistics dl’Alta Badia o online.
28.12.
Skishow dla Scola de Schi y Snowboard 2000
Sun l purtoi Frëina (Ciam­pinëi) te Sëlva uniràl fat na bela desmustrazion sun i schi y sun l snowboard, ai 28.02. dala 21:30 inant.
29.12.
Mountain Christmas – La Grupa da Bal de Urtijëi bala
La Grupa da Bal de Urtijëi balerà sun Plaza Nives te Sëlva ai 29 de dezëmber dala 17:30 inant.
29.12.
Calfosch: defilada di mituns cun chentli
La scora de schi da Calfosch mët a jí na defilada söi schi cun i chentli, por i mituns che á tut pert ai cursc ia por l’edema. Ara vëgn tignida le vëndres ai 29.12. dales 16:30, sön la pista »Colfosco«. An pó se scrí ite pro la scora de schi al 0471 836218.
31.12.
Defileda cun chentli a Urtijëi
La Scola de schi y snowboard de Urtijëi nvieia ala defileda cun chentli sun l purtoi da Palmer, n dumënia ai 31.12. dala 18:15.
31.12.
Festa dla fin dl ann te Sëlva
Sun Plaza Nives te Sëlva – dala 21:00 inant – vëniel metù a jì na bela festa per festejé l ann nuef. Kevin Brook & NDPC meterà su de bela mujiga y l Hochey Club Gher­dëina dajerà ora buandes.
31.12.
Mountain Christmas–magies cun l strion Paladino
L strion Paladino ntratenirà pitli y granc cun magies y striunëc, n dumënia ai 31 de dezëmber, dala 15:00 inant sun l marcià da Nadel te Sëlva.
31.12.
Silvester a Urtijëi
Tl zënter de Urtijëi puderàn inò festejé Silvester dala 22:00 inant sun Plaza de Sant Antone. La festa vën metuda a jì dal HC Gherdëina y finerà via dala 02:00.
31.12.
Silvester a Santa Cristina
Sun Plaza Dosses a S. Cristina puderàn festejé Silvester: dala 22.30 inant, nchin la 01:00 meterà DJ Ondy su de bela mujiga.
01.01.
Defileda cun chentli a S. Cristina
La Scola de schi y snowboard de S. Cristina nvieia ala defileda cun chentli sun Mont de Sëura, n lunesc, 1. de jené. N se anconta dala 16:30 pra la stazion a val dl lift de Mont de Sëura.
01.01.
Fire-Show de Aliatrix
Sun Plaza Nives te Sëlva puderan ti cialé a na perfor­mance de marueia cun fuesc y efec pirotecnics, n lunesc ai 1. de jené dala 17:00.
01.01.
Skishow dla Scola de Schi y Snowboard de Sëlva
Sun l purtoi Frëina (Ciam­pinëi) te Sëlva uniràl fat na bela desmustrazion sun i schi y sun l snowboard, ai 1. de jené dala 21:30 inant.
02.01.
Skishow dla Scola de Schi y Snowboard de Santa Cristina
Sun l purtoi Saslong uniràl fat na bela desmustrazion sun i schi y sun l snowboard, ai 2 de jené dala 21:15 inant. Ala fin saràl nce na defileda cun chentli y n gaperà n bon vin cuet da bever.
02.01.
»Adöm te plaza« a Calfosch
Sön plaza de dlijia da Calfosch vëgnel pité en mertesc 2 de jená 2024 dales 16:30 ales 18:30 val’ duciaria y boandes cialdes. An podará ince ti ciaré ales cripeles fates a man da artejans dl post y la sëra gnará abelida dal duo »Arton«.
03.01.
La Ila: cun i schi ince da sëra
Sön la pista »Doninz« a La Ila pón jí cun i schi ince da sëra, plü avisa vigni mercui, dai 3. de jená 2024 inant. Ara é daverta dales 20:00 ales 22:00. Por tó pert ól ester na cherta di lifc che vel plü dis.
04.01.
Skishow dla Scola de Schi Saslong
Sun l purtoi da Palmer a Urtijëi/Sureghes uniràl fat na bela desmustrazion sun i schi y sun l snowboard, ai 4 de jené dala 21:00 inant. Duc ie de cuer nviei.
05.01.
Stories de 15 menuc
Tla biblioteca de San Durich a Urtijëi lijerà Linda na blòta storia, n vënderdi ai 5 de jené dala 15:00.

Mujiga
Atualmënter
Conzerc da Nadé a San Ciascian, La Val y Corvara
En sabeda ai 23 de dezëmber sona te dlijia da San Ciascian le cuartet de corgn da munt »Ladinia« adöm cun Ermes Costa sön i orghi da man; en San Stefo ai 26.12. él n grup de archëc dal Friul y Venet che tëgn conzert te dlijia da La Val; ai 5 de jená 2024 sona te dlijia da Corvara le »Un­known Brass« adöm al cuartet »Vocant«. I conzerc é tres dales 20:30.
22.12.
L cuartet »De Cater« sun l Marcià da Nadel te Sëlva
La grupa »De Cater« cianterà sun Plaza Nives te Sëlva ncuei vënderdi ai 22 de dezëmber dala 17:00.
23.12.
Meludies da Nadel dl Cor di mutons:ans de Sëlva
L Cor di mutons:ans de Sëlva cianterà sun l Marcià da Nadel te Sëlva n duman sada ai 23 de dezëmber dala 17:00.
24.12.
Ueia de Nadel a Urtijëi
Tla dlieja de Sant Antone a Urtijëi sunerà i strumënc a fla sun ciampanil dala 17:00. Dala 18:00 cianterà pona l Cor di ëi y l Cor di mutons y dla mutans de Urtijëi sun Pitla Plaza de Sant Antone.
24.12
Meludies da Nadel cun la Mujiga de Sëlva
La Mujiga de Sëlva sunerà sun l Marcià da Nadel te Sëlva n Uëia de Nadel, dumënia ai 24 de dezëmber dala 17:00.
25. y 26.12.
Mountain Christmas–Meludies da Nadel cun l CGJG Brass Quintett
L Brass Quintett dl Cor di Jëuni Gherdëina sunerà sun Plaza Nives te Sëlva dala 17:00.
27.12.
Mountain Christmas–Meludies da Nadel cun la grupa »4fiarenk«
La grupa »4fiarenk« cianterà sun Plaza Nives te Sëlva ai 27 de dezëmber dala 17:00.
27.12.
Cunzert da Nadel dla grupes »Unknownbrass«, »De Cater« y »Gasslquartett«
La grupes sarà da audì ai 27 de dezëmber dala 20:00 inant tla dlieja de S. Cristina.
29.12.
Cunzert da Nadel »Christmas Carols«
L cunzert da Nadel, pra chël che l cianterà l Cor dla sculeies dla Scola de Mujiga de Gher­dëina y Sëuc, sarà ai 29.12. dala 18:00 tla dlieja de Sëlva. Martina Riffeser sunerà l’erpa, usc prinzipela: Erika Mussner.
30.12.
Mountain Christmas–Mujiga cun l »Trio Ladinia«
L »Trio Ladinia« sunerà si corni da mont sun Plaza Nives te Sëlva ai 30 de dezëmber dala 17:00.
02.01.
Cunzert dl ann nuef: »Bozen Brass« y »Inso Drei«
Ai 2 de jené dala 17:00 pude­ràn scuté su n bel cunzert dl ann nuef tla dlieja de San Durich a Urtijëi. L sunerà »Bozen Brass« y »Inso Drei«. La ntreda ie debant.
03.01.
Mattia Demetz sona l’armonica sun l marcia da Nadel te Sëlva
Ai 3 de jené puderàn scuté su de bela meludies sun l’armonica, sunedes da Mattia Demetz. L apuntamënt ie sun Plaza Nives te Sëlva dala 17:00.
04.01.
Mountain Christmas – Mujiga cun l »Trio Ladinia«
L »Trio Ladinia« sunerà si corni da mont sun Plaza Nives te Sëlva ai 4 de jené dala 17:00.
05.01.
Mountain Christmas – Meludies da Nadel cun »i Rujins«
La grupa »i Rujins« cianterà sun Plaza Nives te Sëlva ai 5 de jené dala 17:00.

Concursc
27.12.–30.12.
Cuncors de figures zipledes tla nëif
Te pra da Nives te Sëlva vëniel ziplà tla nëif cater dis alalongia bele dala 9:00 danmesdì inant. L argumënt de chësc 27ejim cuncors ie l lëur da paur. N sada ai 30.12. dala 16:00 saràl pona la premiazion dl cuncors iló pra la scultures de nëif, che resterà da amiré tan giut che l tëmp y la temeratures l lascerà pro.