La Usc di Ladins

Dotor
Dutor Gherdëina
L dutor de servisc da ncuei vënderdi ai 05.01. dala 08:00 daduman nchin la 08:00 daduman de n lunesc ai 08.01. ie l dutor Valentin Tröbinger de Sëlva, tel. 0471/773073 o l 335 6844944.
Doturs Val Badia
Ti comuns de Mareo y San Martin él en sorvisc tla fin dl’edema lungia dai 5 ai 7 de jená la doturia Stefania Febbraro, Al Plan, tel. 377 3288595. Ti comuns da La Val, Badia y Corvara él en sorvisc ai 5 y 6 de jená le dotur Guido Caretta, Calfosch/Corvara, tel. 0471 836870 o 337 616080; la domënia ai 7 de jená él en sorvisc le dotur Alberto Caretta, Badia, tel. 0471 839706 o 380 3161999.

Apoteca
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 05.01. nchin n vënderdi ai 12.01. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 5 de jená dales 19:00 al vëndres ai 12 de jená ales 19:00, é chëra d’Al Plan, tel. 0474 501240.

Mostres y ert
Atualmënter
Menemsha–mostra de Marianne Vitale
La prima mostra persunela tla Talia dl’artista de New York Marianne Vitale tla Galaria Doris Ghetta resterà da udëi nchin ai 10 de fauré dl 2024, uni merdi y vënderdi dala 15:00 nchin la 18:00.

Atualmënter
Mostra „Risblankeda“ de Sonia Hofer
La mostra tl Tublà da Nives te Sëlva va inant nchin ai 13 de jené, uni di ora che l lunesc, dala 15:00 nchin la 18:00.

Religion
13.01.
San Martin: preparaziun dl Bato
Geniturs che á n viadú da batié, pers che aspeta, totes y toc dl Decanat Val Badia é inviá ala preparaziun dl Bato, en sabeda ai 13 de jená dales 15:00 ales 17:00, tl salf di stödafüch a San Martin. Dedô pice renfrësch arjigné ca dala Uniun dles Ëres da San Martin. Prenotaziuns al 328 0717796.

Temp Lede
Atualmënter
Ancuntedes de letura
La biblioteca de San Durich a Urtijëi nvieia ala ancuntedes de letura, ulache l vën liet l liber „Racconti Romani“ de Jhumpa Lahiri. La ancuntedes va inant uni lunesc, for dala 18:00.

Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mutons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.

05.01.
Stories de 15 menuc
Tla biblioteca de San Durich a Urtijëi lijerà Linda na blòta storia, ncuei vënderdi ai 5 de jené dala 15:00.

Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Fora por döta la sajun pón tó pert ala spazirada interativa, olache le travert é da ciafé la parora de soluziun, chirin les staziuns fora por paisc. Infos y materiai da pié ia ciafon tl ofize turistich da La Val.

Atualmënter
»Paisc da Nadé« a San Ciascian
Le zënter da San Ciascian i fej da cornisc al »Paisc da Nadé«, cina ai 7 de jená, dales 16:00 ales 19:00. En domënia ai 7 dales 16:30 inant sona la Müjiga da San Ciascian. An podará ince amiré les cripeles fates da man da plü artejans y metüdes fora te paisc.

Atualmënter
Marcé da Nadé a Corvara
Le Marcé da Nadé a Corvara é davert cina ai 7 de jená, tres dales 16:00 ales 19:00. Incö ai 5 sona le duo »Arton«, ai 6 röiel alerch i Trëi Rêsc pro la cripela metüda fora sön paiun. En chësc de sarál ince la donacia che ti porta na picia scincunda ai mituns. Düc trëi i apuntamënc mët man dales 17:00.

Atualmënter
Roda dles Cripeles a La Val
A La Val pón amiré cina ai 7 de jená cripeles snizlades y depëntes, de dimenjiuns desvalies. Ares é metüdes fora te de plü fraziuns. An pó se fá na roda a pe fora por paisc, sides de de co da sëra, canche les cripeles vëgn iluminades.

06.01.
La Val: al vëgn la donacia
En doman sabeda ai 6 de jená dales 17:00 röia la donacia a La Val sön plaza de Comun, y ti porta na picia scincunda a düc i mituns.

08., 10. y 11.01.
Nos Ladins cun Egon, Felix y Helga
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Ai 08.01. pón descurí le paslunch cun Egon, dales 14:00 pro le zënter de paslunch a San Ciascian; ai 10.01. pón imparé deplü sön le laur da tescere cun Felix, dales 9:00 a La Val; ai 11.01. domisdé él Helga che cunta a Badia dles plantes y di lëgns che crësc chiló da nos y sciöche ai pó gní adorá. Infos y prenotaziuns sön www.altabadia.org o ti ofizi turistics dl’Alta Badia.

10.01.
Na roda cun le iat dala nëi
Dai 10 de jená cina ai 13 de merz pón odëi vigni mercui dales 16:50 le laur di iac dala nëi y fá na picia roda, jödapé dla pista »Boé« a Corvara. Dedô vëgnel pité n aperitif. Infos y prenotaziuns sön www.altabadia.org o ti ofizi turistics dl’Alta Badia.

10.01.
La Ila: cun i schi ince da sëra
Sön la pista »Doninz« a La Ila pón jí cun i schi ince da sëra, plü avisa vigni mercui, dai 3. de jená 2024 inant. Ara é daverta dales 20:00 ales 22:00. Por tó pert ól ester na cherta di lifc che vel plü dis.

Vigni mertesc y jöbia
Al Plan: cun schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mertesc y jöbia dales 20:00 ales 22:00. Al ó ester le schi-pass o la cherta de plü dis.

Musiga
05.01.
Mountain Christmas–Meludies da Nadel cun »i Rujins«
La grupa »i Rujins« cianterà sun Plaza Nives te Sëlva ncuei vënderdi ai 5 de jené dala 17:00.

05.01.
Corvara: conzert da Nadé
Incö vëndres ai 5 de jená dales 20:30 él te dlijia da Corvara n conzert da Nadé cun le cuintet »Unknown Brass« y le cuartet vocal »Vocant«.

Avisc
Atualmënter
Luech da Nadel a Urtijëi
L marcià da Nadel tl raion da jì a pe de Urtijëi sarà daviert uni di nchin ai 7 de jené. Coche nce i ultimi ani saràl de plu butëighes che meterà ora si marcanzies y nce vel’ stont ulache n puderà se maie y bever zeche.

Atualmënter
Mountain Christmas: Marcià da Nadel te Sëlva
L Marcià da Nadel te Sëlva jirà inant nchin ai 6 de jené: da ncuei, 22 de dezëmber nchin ai 6 de jené saràl daviert uni di, for dala 15:00 nchin la 19:00.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.

Mertesc, ai 09 de jená da les 20:50 ca
Sport ladin
Program de Diego Clara y Hartmann Mairhofer, a cura de Leo Senoner

Mercui, ai 10 de jená da les 20:50 ca
Eie e spieie: Olà el pa mia cesa?
Tel raion ladin somea semper più senester meter adum l sentiment de se sentir a cèsa con la possiblità concreta de aer na cèsa dalajache per i sentadins de noscia valèdes cèses no n’é o no l é meso de poder les comprèr. N problem semper più fers, a chel che l é de valuta troèr dant che l é meso soluzions concretes. Program de Cinzia Pistoia, a cura de Anna Mazzel

Juebia, ai 11 de jená da les

• 
•  

View the embedded image gallery online at:
https://www.lausc.it/manifestazions-y-evenc/26086-manifestazions-atuales#sigProIdd629d99ce3

20:20 ca
Storia de Radio Studio Record
Program de Fulvio DeMartin, a cura de Anna Mazzel.

Chino
Atualmenter
Al chino de Cianacei
Insnet, vender ai 5 de jené da les 17:00 l é »Wish« e da les 21:15 l é »Aquaman e il regno perduto«. Doman, sabeda ai 6 da les 17:00 l é »Wonka« e da les 21:15 vegn dat »One life«, domenia ai 7 da les 17:00 l é »Prendi il volo« e da les 21:15 »One life«.

Atualmenter
Al chino de Tieser
Anché, vender ai 5 de jené da les 15:45 l é »Wish«, da les 18:00 »Aquaman e il regno perduto« e da les 21:15 »50 km all‘ora«; sabeda ai 6 da les 17:15 l é »Wonka« e da les 21:15 »Succede anche nelle migliori famiglie«; domenia ai 7 da les 17:30 l é »Un colpo di fortuna« e da les 20:30 »Ferrari«; jebia ai 11 da les 21:15 l é »One life« e vender ai 12 da les 21:15 »50 km all‘ora«. Program su www.cinematesero.com

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00
La trasmiscion “DAI CRËPS DL SELA” ie da audì uni di dala 19:05 ala 19:30 sun la frecuënzes de RAI LADINIA

Vender, ai 05 de jená da les 19:05
“La vita da paur” zipleda tla nëif
Dai 27 nchin ai 30 de dezëmber à sies grupes de scultëures ziplà te cubi de nëif sun i prei da Nives te Sëlva pra l 27ejim cuncors de scultura tla nëif. Che mët a jì la manifestazion iel daniëura la Lia per l Turism de Sëlva y sciche for iel garatà de bela operes che n possa amiré mo tan giut che la cundizions dl tëmp l permët. Trasmiscion de Alex Runggaldier

Sabeda, ai 06 de jená da les 19:05
Benin, inier y incö
Storia, atualité y curiositês dla Republica dl Benin, en pic stat tl Africa ozidentala. Program de Iris Del Valle

Mercui, 10 de jená - 19:05
Persones e curiositèdes: Rita Rossi del Baila e Eleonora Riz
Rita Rossi del Baila l é stat una de la pruma eles a ruèr tel consei de l Union di Ladins de Fascia jà ti prumes egn ‘60, la se à tres dat jù col ladin tres rimes e scric ma ence con tesc che la scrivea per i programes radio per la Rai Ladina. Eleonora Riz de Janoto l é enveze n toch de storia de Ciampedel: una de la prumes a ciapèr la patente, a spilenèr teater ma la ge tegnìa muie ence a la tradizions e la é stata n toch de cher di Schuhplattler da Ciampedel. Program de Anna Mazzel e Anelise Vian

Juebia, ai 11 de jená da les 19:05
L’invenziun che á destenü fora sapiënza
La stampa á conzedü mudamënc soziai demorvëia combaton l’analfabetisaziun y tres ciamó á chësta sciënza vëia y potenzial de crësce. N program de Sara Frenner
Informaziuns plü menüdes sön i programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota “Mediateca” y les trasmiscions radio sota “Podcast”.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assistënza.

Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).

Atualmënter
Bancarela dl mangé a Badia
La bancarela dl mangé é daverta vigni secunda jöbia, 9:30–10:30. I proscimi termins é ai 18 de jená y al 1. de forá. Al vëgn dé fora da mangé a dötes les porsones dla Val Badia che á debojëgn.

Atualmënter
Ciamena dal guant a La Ila
La Ciamena dal guant »Neores« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch, che vá a fin de bëgn.

Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).