La Usc di Ladins

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 12.01. nchin n vënderdi ai 19.01. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 12 de jená dales 19:00 al vëndres ai 19 de jená ales 19:00, é chëra da Corvara, tel. 0471 830237.

Dotours
Doturs Val Badia
Ti comuns de Mareo y San Martin él en sorvisc tla fin dl’edema di 13 y 14 de jená le dotur Eduard Agreiter, San Martin de Tor, tel. 0474 523315 o 333 1380852. Ti comuns da La Val, Badia y Corvara él en sorvisc le dotur Giovanni Crivellaro, La Ila, tel. 351 3049256.
Dutor Gherdëina
L dutor de servisc da n sada ai 13.01. dala 08:00 daduman nchin la 08:00 daduman de n lunesc ai 15.01. ie l dutor Michael Trocker de Urtijëi, streda Promeneda, tel. 388 2580002.

Sport
17-25.01.
Campionac de schi Fis Baltic Cup
Dai 17 ai 25 de jené sul portoi de Aloch vegn endrezà i Campionac nazionèi de schi de Lettonia, Lituania, Estonia e Brasil. Ai 17 de jené l é l slalom lèrch FIS, ai 18 l slalom lèrch con valuta per i cam­pionac de Lettonia, ai 19 doi garejèdes de slalom lèrch per i campionac del Brasil, ai 23 e 24 slalom FIS e ai 25 slalom per i Campionac de Lettonia. La garejèdes va inant de mèrz.

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Film: »A journey to Auschwitz«
Giacomo Gabrielli con la Filmart Pictures ge à metù man con n montaje amò più da emozion a sie film-documentarie »A journey to Auschwitz«. La neva verscion definitiva da 75’ é ades a la leta, per semper, sul canal youtube de Filmart Pictures. Se pel l veder dal link: https://youtu.be/vghgribwqcm
Jená
Sessiuns forestales a La Val y Badia
Jená é le mëis dles sessiuns forestales tla Val Badia. En mertesc ai 16 de jená dales 20:00 él la sessiun forestala por le comun da La Val, te salf dles manife­staziuns. En jöbia ai 25 de jená dales 20:00 él tla Ciasa J. B. Runcher a Badia la sessiun por i comuns de Badia y Corvara.
15.01.
Scontrèda sul Prg de Soraga
La lista L Sveiarin endreza en lunesc ai 15 de jené da les 8 da sera te sala de Consei de Comun de Soraga na scon­trèda coi sentadins per ge meter dant la osservazions fates su la varianta al Pian Regolator de Comun.

Teater
01.02.
Sajon de teater a Tieser
Per la sajon de teater te Fiem, en jebia al prum de firé da les 20:45 te teater de Tieser, l é la compagnia Teatro 7 che porta dant l toch »Il piacere dell’attesa« scrit da Michele La Ginestra. Na reflescion sul passèr del temp con la regia de Nicola Pistoia e i atores Michele La Ginestra, Federica de Benedittis e Francesco Stella.

Cursc
13.01.
Curs de pudejé per chi che scumëncia
L curs vën tenì per cater iedesc, for de juebia y sada: ai 13., 18., 20., y 27.01. N se urta l prim iede duman sada ai 13 de jené dala 14:00 tl zënter de Ciampac. Uni lezion dura n’ëura y mesa. Custi­mënt: 60€. Chi che ne n’à nia la atrezadura, possa s’la mpresté ora tl zënter, per 10€ sëuraprò al iede. Iscrizions pra Monica Insam al 339 6563015.

Temp Lede
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Fora por döta la sajun pón tó pert ala spazirada interativa, olache le travert é da ciafé la parora de soluziun, chirin les staziuns fora por paisc. Infos y materiai da pié ia ciafon tl ofize turistich da La Val.
12.01.
Marcià dl adurvà – guant da festes y da Carnescià
L VKE Gherdëina mët a jì inò l marcià dl adurvà: chëst iede per l guant da festes (batëisum, cumenion,...) y da Carnescià. L marcià vën a s’l dé ai 12.01. tla Sala de Chemun de S. Cristina dala 15:00 nchin la 17:00.
13/20.01.
Spetacol e liber su don Gigi Vian
La Majon di Fascegn porta dant en sabeda ai 13 e ai 20 de jené da les 20:30 a La Gran Ciasa de Soraga la prejentazion del liber »Don Gigi Vian« e l spetacol de teater per ladin »Do l vièl del saer–Don Gigi Vian vel te dir vèlch«.
17.01.
Prejentazion

• 
•  

View the embedded image gallery online at:
https://www.lausc.it/manifestazions-y-evenc/26156-manifestazions-atuales#sigProIdb2090821a6

del liber »Tia facera«
En mercol ai 17 de jené, en Sènt’Antone, vegn fat sègra ta Dèlba e vegn desleà Car­nascèr. L Grop de la Mèscres de Dèlba e Penia prejenta sie nef liber »Tia facera« scrit da Stefen dell’Antonio Monech en colaborazion con la Scola de Fascia, domesdì te calonia de Dèlba.
18.01.
Defileda de chentli plu longia
La Scola de Schi y Snowboard de Urtijëi nvieia duc a fé pea pra la defileda cun chentli plu longia dl mond. N se anconta ai 18.01. dala 18:15 japé dla Secëda per furné duc debe­rieda nchin suinsom dla Secëda. Iscrizions ti ufizies dla Scola de Schi de Urtijëi y dla Lia dl Turism de Urtijëi.
18.01.
Nos Ladins cun Nikolas
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Ai 18 de jená pón dimparé da fá pan cun le pech Nikolas, a Corvara. Infos y prenotaziuns sön www.altabadia.org o ti ofizi turistics dl’Alta Badia.
18.01.
Cun la gücia do le Tru di Artisć
En jöbia ai 18 de jená á düc la poscibilité da fá da sëra na roda cun les güces o les liöses do le Tru di Artisć, iluminé por l’ocajiun. An pëia ia dales 20:45 da Altin/La Ila demez, por jí cina a San Ciascian. Infos y prenotaziuns sön www.altabadia.org o ti ofizi turistics dl’Alta Badia.
20.01.
Mascherèda de Carnascèr
En sabeda ai 20 de jené, en Sèn Bastian, l Grop de la Mèscres de Dèlba e Penìa porta dant la neva mascherèda scrita da Claus Soraperra dal titol »L pat de doi amisc«, da les 20:30 te la veia scoles de Penìa.
20.01.
Sëira de batadù
La Lia da Mont de Gherdëina mët a jì na sëira de batadù tla Utia Pramulin te Sëlva, n sada ai 20 de jené dala 17:00.
Vigni mercui
La Ila: cun i schi ince da sëra
Sön la pista »Doninz« a La Ila pón jí cun i schi ince da sëra, plü avisa vigni mercui. Pista y implant é daverc dales 20:00 ales 22:00. Por tó pert ól ester na cherta di lifc che vel plü dis.
Vigni mertesc y jöbia
Al Plan: cun schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mertesc y jöbia dales 20:00 ales 22:00. Al ó ester le schi­pass o la cherta de plü dis.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mutons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
16.01.
S-Link: identità digitèla
Dales 20:50 ca. L’identità digitèla l é la raprejentazion informatica de vigni sentadin tras sie dac identificatives e la é fata da dut chel grop de informazions che comparesc tel web e che les é leèdes a na persona fisica. Te chesta puntata de Slink jon a desga­tièr chest argoment per cialèr dò a oportunitèdes, risesc e prospetives per l davegnir. Program de Cinzia Pistoia, a cura de Anna Mazzel.
17.01.
Trail spezial
Dales 20:50 ca. Trasmisciun de aprofondimënt a cura dla redaziun.
18.01.
Angelo Maioni l prim dotor de Anpezo
Dales 20:20 ca. Program de Giulia Tasser y Hanspeter Karbon, a cura de Leo Senoner.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
13.01.
Momënc de vita – intervista a Philipp Pescosta
Dales 19:05. Philipp Pescosta é chersciü sö a Corvara y do avëi fat les scores altes a Bornech y spo a Balsan él jü a studié injenieria eletrotecnica a München, olache al á ince atira ciafé da laur y olache al vir cun süa familia. Philipp nes cunta de süa pasciun por l’eletrotecnica, che al á bele da pice insö, de so laur y de sciöche al vëiga le dagní, dantadöt por ci che reverda les tecnologies nöies. N pro­gram de Erika Castlunger.
16.01.
Iscriziuns tles scores y scolines ladines
Dales 13:45. Chirí fora la scora alta é öna dles prömes dezijiuns importantes che n jonn o na jona fej por so dagní. Avisa tan ponsada é la dezijiun che i geniturs tól por sü mëndri, canche ara nen vá da i scrí ite a scora o a scolina. L’ intendënta dles scores y scolines ladines, Edith Ploner, nes dá te chësc program stlarimënc y informaziuns por ci che reverda les iscriziuns te düc i liví de istruziun. N program de Sara Frenner.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
17.01.
Zachei Zaolà: Margherita Detomas (1)
Dales 19:05. La scritora e giornalista de la Rai Ladinia de Busan Margherita Deto­mas, te l’istà del 2023, la é doentèda zitadina onoraria del stat del Mato Grosso tel Brasil. Rejonon con ela de chesta emportanta onorefi­zienza e jon a la descuerta di studies e de la enrescides che da 30 egn en cà la fèsc te chest lech maraveous. Program de Cinzia Pistoia.
18.01.
Zachei Zaolà: Vanessa Winterle
Dales 19:05. Canche se rejona de viajes e de esperienzes stroz per l mond no se pel fèr condemanco de rejonèr ence de chela situazions olache l é senester se spostèr. Insnet, rejonaron de viac e disabilità con Vanessa Winterle. Program de Cinzia Pistoia.

Mostres y Ert
Atualmënter
Menemsha – mostra de Marianne Vitale
La prima mostra persunela tla Talia dl’artista de New York Marianne Vitale tla Galaria Doris Ghetta resterà da udëi nchin ai 10 de fauré dl 2024, uni merdi y vënderdi dala 15:00 nchin la 18:00.
Atualmënter
Mostra »Risblankeda« de Sonia Hofer
La mostra tl Tublà da Nives te Sëlva va inant nchin ai 13 de jené, uni di ora che l lunesc, dala 15:00 nchin la 18:00.

Religion
13.01.
Santa Mëssa per la families
Jëuni y jëunes, mutons y mu­tans, popsc y popes, genitores, nëinesc y laves ie nviei de cuer ala S. Mëssa dla families cun Sn. Vijo Pitscheider, n sada ai 13 de jené dala 17:00 te dlieja de Urtijëi.
13.01.
San Martin: preparaziun dl Bato
Geniturs che á n viadú da batié, pers che aspeta, totes y toc dl Decanat Val Badia é inviá ala preparaziun dl Bato, en sabeda ai 13 de jená dales 15:00 ales 17:00, tl salf di stödafüch a San Martin. Dedô pice renfrësch arjigné ca dala Uniun dles Ëres da San Martin. Prenotaziuns al 328 0717796.
Ma 2024
Pelegrinaje a Lourdes
De ma vëgnel metü a jí dal KVW dla Val Badia, adöm cun le Pilgerbüro dla Diozeja, n pelegrinaje de 4 dis a Lourdes. Le program plü avisa, cun prisc y modalité de prenotaziun, ves mëna ion Iaco Clement tres e-mail: iaco_clement@libero.it o tres WhatsApp al 339 6257779.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: lönesc dales 14:00 ales 16:00, mercui y jöbia dales 10:00 ales 12:00. Tel. 0474 586123 tratan chisc orars. La Portina é tl Raiun sozio­sanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assistënza.
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. I pro­scimi termins é ai 18 de jená y al 1. de forá. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Chino
Atualmenter
Al chino de Tieser
Anché, vender ai 12 de jené da les 21:15 l é »50 km all’ora«, domenia ai 14 da les 17:15 l é »Wonka« e da les 20:30 »One life«. Program su www.cinema tesero.com