La Usc di Ladins

Religion
29.01
Sèn Freinademetz e i cristiegn te la Cina
En lunesc ai 29 de jené, en ocajion de la per la festa de Sèn Giosef Freinademetz e te la setemèna per l’unità di cristiegn, da les 18:00 te gejia de Poza sènta messa dedichèda al sènt ladin e da les 20:30 te oratorie conferenza del piscop emerit Luigi Bressan, jà Nunzio apostolich tel Sudest asiatich, su »I cristiegn te la Cina«.
Ma 2024
Pelegrinaje a Lourdes
De ma vëgnel metü a jí dal KVW dla Val Badia, adöm cun le Pilgerbüro dla Diozeja, n pelegrinaje de 4 dis a Lour­des. Le program plü avisa, cun prisc y modalité de preno­taziun, ves mëna ion Iaco Clement tres e-mail: iaco_clement@libero.it o tres WhatsApp al 339 6257779.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assistënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. I pro­scimi termins é al 1., ai 15 y ai 29 de forá. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Mostres y Ert
Atualmënter
Menemsha – mostra de Marianne Vitale
La prima mostra persunela tla Talia dl’artista de New York Marianne Vitale tla Galaria Doris Ghetta resterà da udëi nchin ai 10 de fauré dl 2024, uni merdi y vënderdi dala 15:00 nchin la 18:00.
22.–28.01.
Scultures de dlacia a Urtijëi
Ntan l’ultima ena de jené ziplerà de plu artisć y artistes scultures de dlacia, da se senté ju, tl zënter de Urtijëi. L argu­mënt de chëst ann ie la roba da fé damat de Gherdëina y la figures puderà unì amiredes tan giut che l tëmp l lascia pro.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
23.01.
Tassìe: Musica n mestier alternatif
Dales 20:50 ca. Con Tassie jon a cognoser doi profescio­nisc de la musega, che laora te chest ciamp con mec neves e pech duré. I se mef coran anter lezions privates a studenc, registrazion de album e conzerc internazionai. Program de Matilde Gazzini, a cura de Anna Mazzel.
24.01.
SunS 2023
Dales 20:50 ca. La 9°edizion de SunS Europe l festival de ert e musega ti lengac de mendranza à abù endò n gran bon ejit de partezipazion. L pest tant de la juria che del publich é jit a la joena Dania O.Tausen de la Isoles Faroe. L’endrez del Festival de Udin, na tradizion anter la men­dranzes de lengaz europe­anes,vegn metù a jir da la cooperativa Informazion Furlena col didament de l’ARLeF – Agjenzie regjonâl pe lenghe furlane, de la Region Friul Unejia e Giulia e del MiC Minister de la Cultura. Program de Marco D’Ago­stini, a cura de Anna Mazzel.
25.01.
Euro
Dales 20:20 ca. Program de Diego Clara y Hartmann Mair­hofer, a cura de Leo Senoner.

Radio
Ladinia Live
LADINIA LIVE: microfons daverc sun atualité y cultura. Da audì vigni mertesc y mercol da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
20.01.
La relaziun danter porsona y tier
Dales 19:05. Te plü co meses les ciases talianes virel tiers. Cians y iac é i tiers plü dejidrá y ai vëgn cocolá y amá sciöche n mëmber dla familia. Mo por d’atres sorts de tiers ciarera fora atramënter. Ciodí se cocolunse pa cians y iac y i ne se fajun nia adinfora da mangé vaces o porcí? Co êl pa pordërt tl passé? Program de Iris Del Valle.
21.01.
Cunzert de S.Zezilia dla Mujiga de Urtijëi
Dales 19:05. Nce ala fin dl ann 2023 iel garatà inò n bel cunzert de S.Zezilia dla Mujiga de Urtijëi. Da audì fovel n program drët rich y cun truepa variazion, danterite iel unì purtà dant n cunzert per corn y per i amanc dla mujiga moderna fovel l pez »Symphonic Rock« sun l program. Trasmiscion de Georg Mussner.
22.01.
Dolomiti Superski, la sajon mueta a puntin
Dales 19:05. L inviern turistich à bel passà via si prima fasa mpurtanta cun l Nadel y l Ann Nuef. Y do n scumenciamënt prumetënt bel de dezëmber ie la sajon jita inant a var plën y cun la miëura cundizions. Na valutazion dla sajon dai schi ududa dal cunsorz Dolomiti Superski. Ntervista cun l diretëur Thomas Mussner. Program de Leo Senoner.
24.01.
Zachei Zaolà: Margherita Detomas (2)
Dales 19:05. Te noscia trasm­iscion de insnet aon endò con nos te studie la scritora e giornalista de la Rai Ladinia de Busan Margherita Detomas che, con sia testimonianzes, la ne porta a la descuerta de la storia, de l’identità e de la neva enrescides su la cultura de la popolazions indigenes del Mato Grosso. Program de Cinzia Pistoia.
25.01.
20 ciandëres por M2
Dales 19:05. L’aziënda M2 cun sënta prinzipala a Pidrô se dá jö cun la manutenziun, la segurëza y la diagnostica tl sistem dles ferates. Te 20 agn pó chësta ativité cumpedé sö de plü traverc y n svilup a livel internazional. N program de Sara Frenner.

Referac
19.01.
Romené sö müda tüa vita (de familia)
Incö vëndres ai 19 de jená dales 19:30 él tl salf dles manife­staziuns da La Val le referat »Aufräumen verändert dein (Familien–)Leben. Referënta é Berta Pircher. Ara nen jará dl »romené sö« intenü deplü sciöche manira spirituala o psicologica y al sará ince na introduziun ai prinzips dla metoda Konmari. Organisé ala Uniun dles Ëres da La Val en colaboraziun cun le Consëi de formaziun.
23.01.
La importanza da ciaré de se instësc
En mertesc ai 23 de jená dales 20:00 él tl pice salf de Comun a La Val le referat »Self–Care: ciaré bun de se instësc por ester plü stersc, efiziënc y contënc tl monn dl laur«. Refe­rënt é Paul Felix Rigo. Organi­saziun: Ëres tl Arte­janat en colaboraziun cun le Consëi de formaziun da La Val.
24.01.
Arpejun – testamënt y sozesciun ereditara
Chësc é le titul de n referat cun l’avocat Paul Maieron, che vëgn tigní en mercui ai 24 de jená dales 19:30, te salf dles manifestaziuns a Lun­giarü. Al vëgn organisé dal KVW da Lungiarü, en colabo­raziun cun le Consëi de formaziun da San Martin de Tor. Entrada debann.

Chino
Atualmenter
Al chino de Cianacei
Anché, vender ai 19 de jené e ence doman sabeda ai 20 e en domenia ai 21, da les 17:00 l é l film de animazion »Il fantasma di Canterville«. Insnet e en domenia da les 21:15 l é »Pare parecchio Parigi« de Leonardo Pierac­cioni e doman sabeda da la medema ora »The Beekeeper«. En mercol ai 24 da les 21:15 sarà amò »Pare parecchio Parigi« e en jebia da les 21:15 »The Beekeeper«. Program su www.cinema canazei.it
Atualmenter
Al chino de Tieser
L Chino de Tieser resta serà per manutenzion di impianc enfin en jebia ai 25 de jené, canche da les 21:15 se podarà veder per l’ultima outa »C’è ancora domani«. En vender ai 26 da les 21:15 sarà enveze »Il ragazzo e l’airone« e en sabeda ai 27 da les 20:30 l Musical »Re Leone« de la Sociazion »Voci dal Nord« de Busan. Program su www.cinematesero.com

Cursc
Atualmënter
Curs de pudejé per chi che scumëncia
L curs vën tenì mo doi iedesc, ai 20 y ai 27.01. N se urta dala 14:00 tl zënter de Ciam­pac. Uni lezion dura n’ëura y mesa. Custimënt: 60€. Chi che ne n’à nia la atrezadura, possa s’la mpresté ora tl zënter, per 10€ sëuraprò al iede. Iscrizions pra Monica Insam al 339 6563015.

Teater
01.02.
Sajon de teater a Tieser
Per la sajon de teater te Fiem, en jebia al prum de firé da les 20:45 te teater de Tieser, l é la compagnia Teatro 7 che porta dant l toch »Il piacere dell’attesa« scrit da Michele La Ginestra. Na reflescion sul passèr del temp con la regia de Nicola Pistoia e i atores Michele La Ginestra, Federica de Benedittis e Francesco Stella.

Sport
Atualmenter
Campionac de schi Fis Baltic Cup
Fin ai 25 de jené sul portoi de Aloch vegn endrezà i Campionac nazionèi de schi de Lettonia, Lituania, Estonia e Brasil. Anché vender ai 19 l é doi garejèdes de slalom lèrch per i campionac del Brasil, ai 23 e 24 slalom FIS e ai 25 slalom per i Campionac de Lettonia. La garejèdes jirà inant ence de mèrz.

Publizistica
24.01.
Prejentazion dl liber »Nein danke, keinen Alkohol für mich!«
La Biblioteca San Durich de Urtijëi nvieia ala prejentazion dl liber de Ruth Niederkofler »Nein danke, keinen Alkohol für mich!«, n mierculdi ai 24 de jené dala 20:00. La prejen­tazion sarà per tudësch y la autëura y nce l dutor Martin Fronthaler sarà prejënc.

Avisc
Atualmenter
Bambi con »Ester tel cher«
La Sociazion Bambi sostegn na regoeta de bonaman per didèr i bec de Ester Palmieri, la femena da Valfloriana copèda da sie om, che do se à tout la vita. Trei picioi anter i 5 e i 10 egn é resté orfegn. Chi che vel ge sporjer n dida­ment i pel dèr na bonaman metan la causala »Ester nel cuore« sul cont con chest iban: IT97U 08184 34570 00001 0012200.
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Film: »A journey to Auschwitz«
Giacomo Gabrielli con la Filmart Pictures ge à metù man con n montaje amò più da emozion a sie film-documentarie »A journey to Auschwitz«. La neva verscion definitiva da 75’ é ades a la leta, per semper, sul canal youtube de Filmart Pictures. Se pel l veder dal link: https://youtu.be/vghgribwqcm
Atualmenter
Picol marcià de roba durèda
Te oratorie de Poza enscin ai 27 de jené, duc i dis fora che la domenia, da les 14:30 a les 17:30 e de jebia e vender sera da les 20:00 a les 22:00 l é avert l marcià de la roba durèda olache se pel portèr e cerner massaria neta e ben tegnuda. Chel che vegn ite va per i besegnes de ciarità, miscionaries e pastorai de la parochies.
Atualmenter
Enscinuazions a la Scolina
Fin ai 31 de jené se pel scriver ite a la scolina i picioi nasciui fin de jené 2022 e fèr la preiscrizion per chi de firé e mèrz. Ge vel jir con SPID o CIE te la piata: https://www.provincia.tn.it/Servizi e chierir scrizioni scuola infanzia. La Scolina de Sèn Jan é a la leta per info: scolinasenjan@gmail.com, Sara (347 9774253) o Linda (339 6580214).
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
18.01
Ujes averc te la Scolina de Sèn Jan
L Comitat de Gestion de la Scolina de Sèn Jan envia duc al »Open Day« en jebia ai 18 de jené da les 13.30 fin les 15.00, per veder la aules e i spazies do i lurieres de restru­turazion del frabicat e la ativitèdes che vegn fat coi bec. Sarà ence vèlch comember del Comitat de Gestion per responer a domanes e dèr informazions su la ensci­nuazions.
23.01.
Senteda generela dl Cunsëi de Furmazion de Urtijëi
La senteda generela dl Cunsëi de Furmazion de Urtijëi cun lita dl:a presidënt:a sarà n merdi ai 23 de jené dala 20:00 tl local Saut–Nëus Jëuni Gherdëina a Urtijëi.
24.01.
Ancunteda dla lies da mont ladines
I cumëmbri y la cumëmbres dla lies da mont ladines se anconta tla ustaria Mountain Lounge sun Dantecëpies per sté deberieda, s’la ciaculé y se maie velch da cëina, n mierculdi ai 24 de jené dala 20:00.
25.01.
Sessiuns forestales a Badia
En jöbia ai 25 de jená dales 20:00 él tla Ciasa J. B. Runcher a Badia la sessiun forestala por i comuns de Badia y Corvara.
27.01
Cena de solidarietà per l Perù
L’Operazione Mato Grosso envia a la cena te oratorie de Moena en sabeda ai 27 de jené. Se taca da les 19:30 col aperitif e do aer magnà n bon ‘tortel de patac’ sarà la testi­mo­­nianza de Emil e Sofia, che co la picola Benedetta i jirà per 6 meisc a Totora tel Perù. Ge vel prenotèr dant da mèrtesc ai 23 de jené da Sofia (328 9347037) o Emil (370 3612003).
28.01-03-02
La »Corrida« de don Bosco
En sabeda ai 3 de firé la parochies de don Andrea festeja don Bosco con la messa da les 6 da sera a Poza e do te oratorie la cena (su prenota­zion) e la »Corrida«, olache gropes de amancol 5 persones se sproa a balèr, ciantèr, spilenèr o auter, te sketch de max 5 menuc. Per tor pèrt ge vel se scriver ite per en domenia ai 28 de jené te la parochies.

Temp Lede
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Fora por döta la sajun pón tó pert ala spazirada interativa, olache le travert é da ciafé la parora de soluziun, chirin les staziuns fora por paisc. Infos y materiai da pié ia ciafon tl ofize turistich da La Val.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mutons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
Vigni mertesc y jöbia
Al Plan: cun schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mertesc y jöbia dales 20:00 ales 22:00. Al ó ester le schi­pass o la cherta de plü dis.
Vigni mercui
La Ila: cun i schi ince da sëra
Sön la pista »Doninz« a La Ila pón vigni mercui jí cun i schi ince da sëra. Ara é daverta dales 20:00 ales 22:00. Por tó pert ól ester na cherta di lifc che vel plü dis.
20.01.
Mascherèda de Carnascèr
En sabeda ai 20 de jené, en Sèn Bastian, l Grop de la Mèscres de Dèlba e Penìa porta dant la neva mascherèda scrita da Claus Soraperra dal titol »L pat de doi amisc«, da les 20:30 te la veia scoles de Penìa.
20.01.
Spetacol e liber su don Gigi Vian
La Majon di Fascegn porta dant en sabeda ai 20 de jené da les 20:30 a La Gran Ciasa de Soraga la prejentazion del codejel de la regoeta Jent de Fascia »Don Gigi Vian« e l spetacol de teater per ladin »Do l vièl del saer–Don Gigi Vian vel te dir vèlch«.
20.01.
Sëira de batadù
La Lia da Mont de Gherdëina mët a jì na sëira de batadù tla Utia Pramulin te Sëlva, n sada ai 20 de jené dala 17:00.
21.01.
Dis dla families sun Pana
L Zënter de Pudejé sun Pana nviea duta la families a passé n di sun i schi da pudejé sun i purtoies sun Pana, n dumënia ai 21 de jené. N chësta ucajion puderà la families se mpresté ora l material da pudejé debant. La manifestazion unirà a se l dé mo n segondo iede ai 18 de fauré. Duc ie de cuer nviei.
24.01.
Nos Ladins cun Tone
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Ai 24.01. danmisdé él Tone che mostra l’ativité de socurs cun i cians, a San Ciascian. Infos y prenotaziuns sön www.altabadia.org o ti ofizi turistics dl’Alta Badia.
25.01.
San Ciascian: nöt dla liösa
En jöbia ai 25 de jená vëgnel metü a jí le pröm apuntamënt cun la Nöt dla liösa. La pista dla liösa Foram, da Piz Sorega cina San Ciascian, gnará ilominada y sará daverta ince da sëra, dales 19:30 ales 22:30. An pó s’impreste fora les liöses sides te paisc che söinsom l’implant y les chertes dl lift pón cumpré diretamënter pro cassa.
25.01.
Ski Show per mutons y mutans
La Scola de schi y snowboard de Urtijëi nvieia duc a unì a cialé ala prejentazion sun schi de mutons y mutans che à fat pea n curs, n juebia ai 25 de jené dala 15:30 sun l purtoi da Palmer via n Sureghes.
25.01.
Pudejé da luna colma
Tl zënter nordich sun Pana puderàn ntan la sëires de luna colma de chësc inviern jì a pudejé debant. La proscima sëira sarà n juebia ai 25.01. dala 20:00 inant. L mprëst dai schi ie daviert y l unirà nce jetà su vin cuet per se sciaudé.
26.01.
Show a lum de luna
Sun l purtoi de Dantercëpies mët la Scola de Schi de Sëlva a jì na defileda cun chentli. N se anconta dala 18:15 japé dla furnadoia de Dantercëpies.

Dotours
Dutor Gherdëina
L dutor de servisc da n sada ai 20.01. dala 08:00 daduman nchin la 08:00 daduman de n lunesc ai 22.01. ie l dutor Pablo Policastro tl ambula­tuere di dutores Kostner/We­ber, a Urtijëi tla streda Tre­binger 10, tel. 366 3646 254.
Doturs Val Badia
Ti comuns de Mareo y San Martin él en sorvisc tla fin dl’edema di 20 y 21 de jená la doturia Margarete Mahl­knecht, La Val, tel. 349 0667034 o 0474 523018. Ti comuns da La Val, Badia y Corvara él en sorvisc ai 20.01. la doturia Lodovica Mattioni, La Ila, tel. 328 8590842; ai 21.01. él en sorvisc le dotur Guido Caretta, Calfosch/Corvara, tel. 0471 836870 o 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 19.01. nchin n vënderdi ai 26.01. ie chëla de S. Cristina, tel. 0471/ 792106 o 333/1776615 (orar de giaurida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 19 de jená dales 19:00 al vëndres ai 26 de jená ales 19:00, é chëra da La Ila, tel. 0471 847152.