La Usc di Ladins

Sport
27.01.
»IHL Divijion I« HC Gherdëina C vs. HC Valpellice
L Hc Gherdëina C jugherà contra l Valpellice n duman, sada ai 27 de jené dala 19:30 tl stadio Pranives te Sëlva.
03.02.
HC Gherdëina vs. Steel Wings Linz
L HC Gherdëina nvieia ala partida de Alps Hockey Lea­gue (AHL) contra l Steel Wings Linz, ai 03.02. dala 20:30 tl stadio Pranives te Sëlva.
09.02.
Moena Ski Alp
En vender ai 9 de firé la socia­zion sportiva Bela Ladinia endreza la garejèda de schi alpinism ‘Moena Ski Alp’ che à valuta desche proa per l 25° Montura Ski Alp 4 valèdes. I atlec ponta via da les 8 da sera da la partenza del impiant de Lujia e i rua fin sun Valbona, 1800 metres con n dislivel de 470 metres.

Dotours
Dutor Gherdëina
L dutor de servisc da n sada ai 27.01. dala 08:00 daduman nchin la 08:00 daduman de n lunesc ai 29.01. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia
Ti comuns de Mareo y San Martin él en sorvisc la sabeda ai 27 de jená le dotur Eduard Agreiter, San Martin de Tor, tel. 0474 523315 o 333 1380 852. La domënia ai 28 de jená él en sorvisc la doturia Margarete Mahlknecht, La Val, tel. 349 0667034 o 0474 523018. Ti comuns da La Val, Badia y Corvara él en sorvisc döta la fin dl’edema le dotur Alberto Caretta, Badia, tel. 0471 839706 o 3803161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 26.01. nchin n vënderdi ai 02.02. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 26 de jená dales 19:00 al vëndres ai 2 de forá ales 19:00, é chëra da San Martin/Picolin, tel. 0474 523020.

Avisc
Atualmenter
Bambi con »Ester tel cher«
La Sociazion Bambi sostegn na regoeta de bonaman per didèr i bec de Ester Palmieri, la femena da Valfloriana copèda da sie om, che do se à tout la vita. Trei picioi anter i 5 e i 10 egn é resté orfegn. Chi che vel ge sporjer n didament i pel dèr na bonaman metan la causala »Ester nel cuore« sul cont con chest iban: IT97U 08184 34570 00001 0012200.
Atualmenter
Enscinuazions a la Scolina
Fin ai 31 de jené se pel scriver ite a la scolina i picioi nasciui fin de jené 2022 e fèr la preiscrizion per chi de firé e mèrz. Ge vel jir con SPID o CIE te la piata: https://www.provincia.tn.it/Servizi e chierir scrizioni scuola infanzia. La Scolina de Sèn Jan é a la leta per info: scolinasenjan@gmail.com, Sara (347 9774253) o Linda (339 6580214).
Atualmenter
Picol marcià de roba durèda
Te oratorie de Poza fin doman, sabeda ai 27 de jené, da les 14:30 a les 17:30 e vender sera da les 20:00 a les 22:00 l é avert l marcià de la roba durèda olache se pel portèr e cerner massaria neta e ben tegnuda. Se pel ence tor a fit guanc da carnascèr. Chel che vegn ite va per solidarietà e besegnes pastorai de la parochies.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Film: »A journey to Auschwitz«
Giacomo Gabrielli con la Filmart Pictures ge à metù man con n montaje amò più da emozion a sie film-documentarie »A journey to Auschwitz«. La neva verscion definitiva da 75’ é ades a la leta, per semper, sul canal youtube de Filmart Pictures. Se pel l veder dal link: https://youtu.be/vghgribwqcm
03-02.
La »Corrida« de don Bosco
En sabeda ai 3 de firé la parochies de don Andrea festeja don Bosco con la messa da les 6 da sera a Poza e do te oratorie la cena (su preno­tazion) e la »Corrida«, olache gropes de amancol 5 persones se sproa a balèr, ciantèr, spilenèr o auter, te sketch de max 5 menuc. Per tor pèrt ge vel se scriver ite per en dome­nia ai 28 de jené te la parochies.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assistënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698 343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. I pro­scimi termins é al 1., ai 15 y ai 29 de forá. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.

Chino
Atualmenter
Al chino de Cianacei
Insnet, vender ai 26 de jené da les 17:00 l é »Il fantasma di Canterville« e da les 21:15 l é »I soliti idioti 3–Il ritorno«, sabeda ai 27 da les 21:15 l é »Pare parecchio Parigi«, domenia ai 28 da les 17:00 »Il fantasma di Canterville« e da les 21:15 »I soliti idioti 3–Il ritorno« che vegn moscià ence en jebia al prum de firé. Program su www.cinema canazei.it
Atualmenter
Al chino de Tieser
Insnet, vender ai 26 de jené da les 21:15 vegn moscià »Il ragazzo e l’airone«, sabeda ai 27 da les 20:30 l é l Musical »Re Leone« de la Sociazion »Voci dal Nord« de Busan. Domenia ai 28 da les 17:30 l é »Wish« e da les 20:30 »Il ragazzo e l’airone«. Program su www.cinematesero.com

Mostres y Ert
Atualmënter
Menemsha – mostra de Marianne Vitale
La prima mostra persunela tla Talia dl’artista de New York Marianne Vitale tla Galaria Doris Ghetta resterà da udëi nchin ai 10 de fauré dl 2024, uni merdi y vënderdi dala 15:00 nchin la 18:00.
Atualmënter
Scultures de dlacia a Urtijëi
Ntan l’ultima ena de jené ziplerà de plu artisć y artistes scultures de dlacia, da se senté ju, tl zënter de Urtijëi. L argu­mënt de chëst ann ie la roba da fé damat de Gherdëina y la figures puderà unì amiredes tan giut che l tëmp l lascia pro.

Iadi y Jites
04.02.
Jita cun la ciaspes cun la Lia da Mont de Gherdëina
L vën pià via ai 4 de fauré dala 07:15 da Sëlva (Hotel Oswald), puech do da Macia­coni te S. Cristina y dala 07:30 da Plaza S. Antone a Urtijëi demez, per furné cun na curiera a Ellen. Da ilò peien cun la ciaspes su de viers dla Starkenfeld- o la Rastnerhütte, ulache n maierà da marënda, per pie ju inò de viers dla curiera a Zumis. La raida dura ca. 5 ëura, cun n deslivel de ca 500 m. Per plu nfurma­zions y per se nuté su: 339 656 3015 - dai 29.01. nchin ai 01.02.

Teater
01.02.
Sajon de teater a Tieser
Per la sajon de teater te Fiem, en jebia al prum de firé da les 20:45 te teater de Tieser, l é la compagnia Teatro 7 che porta dant l toch »Il piacere dell’attesa« scrit da Michele La Ginestra. Na reflescion sul passèr del temp con la regia de Nicola Pistoia e i atores Michele La Ginestra, Federica de Benedittis e Francesco Stella.
6/7.02.
Spetacol di scolees de la populèra de Poza
En mèrtesc ai 6 de firé da les 17:00 e en mercol ai 7 da les 11:00 al PalaDolomites de Ciampestrin i 131 scolees de la scola populèra de Poza porta dant l spetacol »Pinocchio a cent mans«, ideazion, test e regia de Michela Marangoni, coordenament de Alessia Micheluzzi e traduzion per ladin de Sara Merighi.

Religion
28. y 29.01.
Festa de Sant Ujöp Freinademetz a Oies
Ai 28 de jená él l’aniversar dala mort de Sant Ujöp Freinademetz. Chësc vëgn recordé a Oies. La domënia ai 28 dales 20:00 él te dlijia na incuntada por s’arjigné ala festa. Le lönesc ai 29.01. sarál dales 16:00 mëssa solëna abelida dal Cor de dlijia da San Martin de Tor, che vëgn ince trasmetüda sön Radio Maria. Na secunda mëssa él dales 20:00, abelida dal Cor de dlijia da La Val.
29.01.
Messa ladina a Persenon en onour de sant Ujöp Freinademetz
Ence chest ann él en lunesc, 29 de jené 2024 da les 18:00, tla gliejia de ploania da Persenon la messa ladina en onour de sant Ujöp Frena­demetz. Dedò saràl endò l renfresch tradizional te calonia. Chi che volessa porté valch da mangé – douc o salé – pó l dé ju dant te calonia. Per chi che vuel daidé cianté, saràl na proa da les 17:00 tla capela dla calonia.
29.01
Sèn Freinademetz e i cristiegn te la Cina
En lunesc ai 29 de jené, en ocajion de la per la festa de Sèn Giosef Freinademetz e te la setemèna per l’unità di cristiegn, da les 18:00 te gejia de Poza sènta messa dedichèda al sènt ladin e da les 20:30 te oratorie conferenza del piscop emerit Luigi Bressan, jà Nunzio apostolich tel Sudest asiatich, su »I cristiegn te la Cina«.
Ma 2024
Pelegrinaje a Lourdes
De ma vëgnel metü a jí dal KVW dla Val Badia, adöm cun le Pilgerbüro dla Diozeja, n pelegrinaje de 4 dis a Lour­des. Le program plü avisa, cun prisc y modalité de prenotaziun, ves mëna ion Iaco Clement tres e-mail: iaco_clement@libero.it o tres WhatsApp al 339 6257779.

Publicaziuns
30.01.
Prejentazion

• 
•  

View the embedded image gallery online at:
https://www.lausc.it/manifestazions-y-evenc/26275-manifestazions-atuales#sigProId12209903a9

dl liber »I ladini fra tedeschi e italiani. Una comunità di confine: Livinallongo del Col di Lana/Fodom 1918-2023«
La Consulta ladina a Bulsan organiseia en mertesc ai 30 de jená 2024 da les 17:30 tla Biblioteca provinziala taliana Claudia Augusta (str. Marconi 2) a Bulsan chesta prejentazion adum a la Biblioteca Provin­ciale Italiana Claudia Augusta Bolzano y Centro Trevi - TreviLab. Al rejona Luciana Palla y Roland Verra con Anna Mazzel.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
30.01.
L daunì odù dai ladins
Dales 20:50 ca. Rujené, cianté y scrì per ladin: co cëlela pa ora al didancuei cun la rujeneda ladina? Vëniela pa mo adurveda y cie iel pa de bujën de fé per la mantenì? Deberieda cun de plu esperc ons purvà a ti dé na resposta a chësta dumanda.Program de Elisabeth Kostner, a cura de Anna Mazzel.
31.01.
Dales 20:50 ca. Cult rituai da inier y incö: Santa Guania y i Trëi Rêsc.
Program de Daria Valentin y Hanspeter Karbon, a cura de Alessandro Dapunt.
01.02.
Scenar ert y cultura
Dales 20:20 ca. Program de Ivan Senoner y Hanspeter Kar­bon, a cura de Leo Senoner.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
27.01.
Momënc de vita – intervista a Fridl Pescoller
Dales 19:05. Fridl Pescoller é nasciü a Badia, olache al vir ciamó al dedancö. Fridl nes cunta de süa gran pasciun por la musiga, de sciöche y canche al á metü man da suné pro la musiga y de sciöche süa vita musicala s’á svilupé. Al é sté 45 agn alalungia dirighënt dla musiga de Badia, cossa che al á fat cun gran pasciun y savëi. Fridl nes cunta ince de l’ultima espe­riënza che al á fat a Vilnius tla Lituana. N program de Erika Castlunger.
31.01.
Ercabuan, i colores de la pesc
Dales 19:05. Scomenza via insnet na lingia de programes dedichè a fèr crescer na cultura de pesc olache aron de outa en outa testimonianzes e esperienzes de persones che laora te chest vers. L prum program l’é mingol n cheder general e na cercia de vèlch testimonianza de chi che laora per Emergency, MSF, Opera­zione Colomba o tel teater che deida a fèr crescer l dialogh e respet e la scoles olache l’é vegnù metù n pè n projet de giustizia riparativa. Esperienzes per troer soluzions alternatives ai conflic e slarièr fora na cultura de pesc. Pro­gram de Anna Mazzel.
01.02.
»Croch« y le spiné è derzé
Dales 19:05. L’osteopatia é na sciënza che fej pert dla medejina complementara y á na vijiun olistica dla porsona. Por capí deplü por sura chësta sort de terapia ves inviunse a ascuté chësc program. N program de Sara Frenner.

Temp Lede
Atualmenter
Carnascèr sui festii
Fin ai 18 de firé fora per l paisc de Vich e sia frazions se pel jir ala descorida de la 11 ciasetes da Carnascèr endre­zèdes dai privac, scolees e sociazions de volontariat per fèr cognoscer la tradizion fascèna.
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Fora por döta la sajun pón tó pert ala spazirada interativa, olache le travert é da ciafé la parora de soluziun, chirin les staziuns fora por paisc. Infos y materiai da pié ia ciafon tl ofize turistich da La Val.
26.01.
Show a lum de luna
Sun l purtoi de Dantercëpies mët la Scola de Schi de Sëlva a jì na defileda cun chentli. N se anconta dala 18:15 japé dla furnadoia de Dantercëpies.
27.01.
Sëira de Après Ski cun DJ MATRIX
Ai 27 de jené, dala 17:00 inant tl’Aprés Ski Snowbar pra la stazion a Val dl purtoi Sas­lonch ja Ruacia.
01.02.
Cun la gücia do le Tru di Artisć
En jöbia al 1. de forá á düc la poscibilité da fá da sëra na roda cun les güces o les liöses do le Tru di Artisć, iluminé por l’ocajiun. An pëia ia dales 20:45 da Altin/La Ila demez, por jí cina a San Ciascian. Infos y prenotaziuns sön www.altabadia.org o ti ofizi turistics dl’Alta Badia.
03.02.
Kids Ski Show – Desmustrazion sun i schi
La Scola de Schi y Snowboard de Urtijëi mët a jì na Kids Ski Show–na desmustrazion sun i schi de mutons y mutans dl luech, sun l purtoi da Palmer a Urtijëi, dala 16:30 inant.
03.02
Mascherèda de Carnascèr
En sabeda ai 3 de firé l Grop de la Mèscres e Dèlba e Penìa porta dant la mascherèda de Fabio de la Menina dal titol »N forest ta Penìa« da les 20:30 te la veia scoles de Penìa.
03.02.
Dolomites Val Gardena Skijöring
La Lia di Ciavei de Gherdëina nvieia al Dolomites Val Gardena Skijöring ai 03.02. dala 18:00 inant pra la stazion japé dl Secëda.
08.02.
Gran defileda da Carnescià a Urtijëi
N Juebia Grassa ai 8 de fauré dala 15.00 dal Hotel Madonna /Despar demez. Granc y pitli ie nviei a fé pea y a se lascé tumé ite vel’ blòta mascra. La plu beles unirà premiedes. De majera grupes o carëc ie priei bel de se lascé nuté su tla Lia dl Turism, 0471 777 600 o ortisei@valgardena.it.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mutons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
Vigni mertesc y jöbia
Al Plan: cun schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mertesc y jöbia dales 20:00 ales 22:00. Al ó ester le schi­pass o la cherta de plü dis.
Vigni mercui
La Ila: cun i schi ince da sëra
Sön la pista »Doninz« a La Ila pón vigni mercui jí cun i schi ince da sëra. Ara é daverta dales 20:00 ales 22:00. Por tó pert ól ester na cherta di lifc che vel plü dis.