La Usc di Ladins

Liëndes sön dlacia
Atletes y atlec jogn dl Ice Club Alta Badia presentará n spetacul sön la dlacia lié ala liënda ladina de Moltina, sön le lech da Sompunt a Badia
Les liëndes ladines sará protagonistes dl spetacul sön la dlacia en mertesc ai 30 de jená pro le Lech da Sompunt a Badia. Por le secundo iade vëgnel metü a jí en colaboraziun cun le Ice Club Alta Badia na manifestaziun tla cornisc magica amesa la natöra, sön le lech, dlacé tratan i mëisc da d’invern. Les atletes y i atlec jogn dl post mostrará na esibiziun sön i jadins liada ala liënda de Moltina, sot ala rejia de Erika Castlunger. Le spetacul mët man dales 17:30 y é davert a düc. Al vëgn aconsié da rové alerch a pe, deache al n’é nia tröp post por lascé jö i auti; al sará ince la poscibilité da tó pert dan le spetacul a na spazirada cun i chentli dal paisc da La Ila cina al Lech da Sompunt. An pëia ia dales 16:45 dal ofize turistich demez. Por tó pert ala spazirada, che é debann, mësson se prenoté ti ofizi turistics dl’Alta Badia. Sce al foss bur’ tëmp, vëgn la manifestaziun tignida tl stade dala dlacia a Corvara.

Garejeda de luesa
La lia Lueses Gherdëina mët a jì na garejeda de luesa per mutons y mutans dala prima elementera inant, n vënderdi ai 2 de fauré dala 17:30 inant sun l purtoi de Plan da Tieja
La garejeda cun de plu categuries ie adateda per duc. La iscrizions vën tëutes su nchin ai 30 de jené sot al numer 339 2997883. Da paië ite iel 20,00 euro, te chëi che l ie laite l’iscrizion, na buanda y na pizza tl Bar Okay. La lia Lueses Gherdëina se ncunforta sun vosc unì!

Conzert dla Val Badia Youth Wind Band
Les melodies plü plajores de musicals y musiga da film
La Val Badia Youth Wind Band – n proiet da d’invern metü a jí da pert dla Müjiga di Jogn Val Badia – sona les plü beles melodies de musicals y musiga da film y inviëia pici y gragn a so conzert en domënia, ai 4 de forá 2024, dales 18:00 tla Ciasa dla Cultura a La Ila.

Cunzert dl »Trio Amatis«
I

• 
•  

View the embedded image gallery online at:
https://www.lausc.it/manifestazions-y-evenc/26276-manifestazions-atuales-speziales#sigProId784266191b

Jëuni de Mujiga de Gherdëina nvieia al cunzert dl ensemble »Trio Amatis«, n juebia ai 1. de fauré dala 20:00 tla Cësa di Cungresc a Urtijëi
L trio che ie nasciù a Amsterdam tl 2014 y à śën la sënta a Salzburg, tl’Austria, ie metù adum dala violinista tudescia Lea Hausmann, dal celist nglëisc Samuel Shepherd y dal pianist olandesc Mengjie Han. I trëi ie cunesciui dantaldut per si energia, intuizion, criatività y pascion ntan che i sona y ie cunsciderei coche un di ensebles prinzipei de si generazion.
Sun l program dla sëira iel Franz Schubert–trio de tlavier y archëc Nr. 1 te B-Dur, op. 99, D.898, Franz Liszt–Trieste (La Vallée d’Obermann) per trio de tlavier y archëc, S. 378c, Felix Mendelssohn, trio de tlavier y archëc Nr. 2 in c-Moll, op. 66.
La chertes danora pòssen resservé cherdan su l 0471 777 600. I Jëuni de Mujiga mbincia n bon scuté su.

Viac a Augsburg, Ulm, Dachau y Ettal
La grupa KVW de S. Cristina mët inò a jì n viac da d’ansciuda, plu avisa dai 25 nchin ai 28 de auril
L vën pià via de juebia per furné de viers de Minca y pona inant a Dachau, luech purtruep cunesciù per si ciamp de cunzentrazion, a chël che n jirà a ti cialé cun vijita meneda.
Do marënda furneràn a Augsburg, una dla plu vedla ziteies tudësces. Sambën jiràn nce a ti cialé ala »Fuggerei« y ala dlieja de San Durich & St. Afra. Augsburg ova pu te Gherdëina plu puscions, coche scrit tl liber nuef »Frühes Gröden«. N la sada furneràn pona a Ulm, zità cunesciuda per avëi l ciam­panil plu aut dl mond. N la dumënia peieràn inò de reviers, tlaman pra la »Wieskirche« y ferman daldò a marënda a Ettal.
La iscrizions vën tëutes su mé n vënderdi ai 2 de fauré tla sala Raiffeisen de S.Cristina. Da tò pea iel la cherta d’identità y la tessera sanitera, dajan ju nce la adres e-mail. La grupa KVW de S.Cristina se ncunforta sun Vosc unì.