La Usc di Ladins

Cursc
05.02.
Segurëza sön pista
Pro la pista Abrusé a Corvara vëgnel tigní ai 5 de forá na desmostraziun de co se com­porté sön pista tratan les ativités sciöche da jí cun i schi. Al gnará ince fat na simulaziun de socurs sön pista y la manifestaziun gnará abelida da n rait a val cun i chentli da pert dla scora de schi de Corvara. La manife­staziun mët man dales 21:00.

Avisc
Atualmenter
Bambi con »Ester tel cher«
La Sociazion Bambi sostegn na regoeta de bonaman per didèr i bec de Ester Palmieri, la femena da Valfloriana copèda da sie om, che do se à tout la vita. Trei picioi anter i 5 e i 10 egn é resté orfegn. Chi che vel ge sporjer n didament i pel dèr na bonaman metan la causala »Ester nel cuore« sul cont con chest iban: IT97U 08184 34570 00001 0012200.
Atualmenter
Didon la familia colpida dal fech a Pardac
Do la pruma sotescrizion per chi che à abù dan dal fech crepà fora de dezember, n grop de sentadins da Pardac à avert n auter cont per didèr la familia che à abù l moar dan, l à perdù sia majon e la é stata colpida da etres evenc pesoches. Chi che vel ge dèr na man i pel sporjer na bona­man con la causala »Per familia Giacomelli« sul cont con chest iban: IT97U 08184 34570 000010012200.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
08.02.
Domisdé cun jüc te biblioteca
En jöbia ai 8 de furá tla biblioteca a La Ila vëgn indô le pulmin dl »Spieleverein dinx«. Gragn y pici podará cerne danter tröc jüc da mësa, che gnará aconsiá y spligá da n mëmber dl’uniun. Le domisdé cun jüc piará ia dales 15.30. I jüc vëgn ince imprestá fora.

Prejentazions
07.02.
Sëira de prejentazion di Dis de educazion politica 2024
L servisc furmazion Gherdëina y si cunsëies prejenterà i Dis de educazion politica, che trata chëst ann l argumënt »N bel mond nuef?! Digitali­sazion y nteligënza artifiziela«, n mierculdi ai 7 de fauré, dala 20:00, tla sala Raiffeisen de Santa Cristina. L unirà spligà I cunzet di dis de educazion politica y si prupostes per mëter a jì manifestazions te Gherdëina che reverda la tematica de chest ann.

Dotours
Dutor Gherdëina
L dutor de servisc da n sada ai 03.02. dala 08:00 daduman nchin la 08:00 daduman de n lunesc ai 05.02. ie l dutor Simon Kostner de Sëlva, tel. 347 2297492
Doturs Val Badia
Ti comuns de Mareo y San Martin él en sorvisc la sabeda ai 3 de forá y la domënia ai 4 de forá 2024 le dotur Eduard Agreiter, San Martin de Tor, tel. 0474 523315 o 333 138 0852. Ti comuns da La Val, Badia y Corvara él en sorvisc döta la fin dl’edema le dotur Guido Caretta, Corvara, tel. 0471 836870 o 337 616 080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 02.02. nchin n vënderdi ai 09.02. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Apoteca Val Badia
L’apoteca en sorvisc fora dl orar ordinar, dal vëndres ai 2 de forá dales 19:00 al vëndres ai 9 de forá ales 19:00, é chëra da Cirvara, tel. 0471 830237.

Chino
Atualmenter
Al chino de Cianacei
Insnet, vender ai 2 de firé e en domenia ai 4 da les 21:15 l é »Argylle la super spia« e en sabeda ai 3 da la medema ora »Pare parecchio Parigi«. En mèrtesc ai 6 da les 21:15 se pel veder »Here I am, again« e en jebia ai 8 endò »Argylle la super spia«. En vender ai 9 da les 17:00 l é »Sansone e Margot–Due cuccioli all’opera« e da les 21:15 »Povere creature«.
Atualmenter
Al chino de Tieser
Insnet, vender ai 2 de firé da les 21:15 e en sabeda ai 3 da les 17:30 vegn moscià »Pare parecchio Parigi«, sabeda ai 3 da les 21:15 e domenia ai 4 da les 20:30 l é »Povere crea­ture«, mercol ai 7 da les 21:15 l é »Argylle la super spia«, jebia ai 8 da les 21:15 l é »Perfect days« e vender ai 9 da les 21:15 l é »Povere crea­ture«. Program su www.cinematesero.com

Teater
14.02.
Sajon de teater a Tieser
Per la sajon de teater te Fiem, en mercol ai 14 de firé da les 20:45 te teater de Tieser la Fondazion Via Maestra-Compagni di Viaggio-Onda Larsen porta dant la comedia dal titol »Una cena d’addio« con la regia de Andrea Borini.
04.02.
Comedia de la Filo de Tieser
I joegn de la Filo de Tieser porta dant en domenia ai 4 de firé da les 17:30 te teater de Tieser la comedia dal titol »Il carrozzone«.

Temp Lede
Atualmenter
Carnascèr sui festii
Fin ai 18 de firé fora per l paisc de Vich e sia frazions se pel jir a la descorida de la 11 ciasetes da Carnascèr endrezèdes dai privac, scolees e sociazions de volontariat per fèr cognoscer la tradizion fascèna.
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Fora por döta la sajun pón tó pert ala spazirada interativa, olache le travert é da ciafé la parora de soluziun, chirin les staziuns fora por paisc. Infos y materiai da pié ia ciafon tl ofize turi­stich da La Val.
Atualmënter
Ala descurida dl paisc – Nosc paisc, le plü gran tesur
Na ciacia al tesur particolara porta fora por le paisc da La Val chësc invern. Fora por döta la sajun él la poscibilité da partezipé ala spazirada interativa, olache le travert sará da ciafé la parora de soluziun, chirin les staziuns fora por le paisc. Dötes les informaziuns y i materiai da pié ia ciáfon tl ofize turistich a La Val.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mutons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
02.02.
Storia de 15 menuc
Lisa cunterà na bela storia per mutans y mutons, ncuei, vënderdi ai 2 de fauré dala 15:00 domesdì, tla biblioteca de San Durich a Urtijëi.
03.02.
Kids Ski Show–Desmustrazion sun i schi
La Scola de Schi y Snowboard de Urtijëi mët a jì na Kids Ski Show–na desmustrazion sun i schi de mutons y mutans dl luech, sun l purtoi da Palmer a Urtijëi, dala 16:30 inant.
03.02.
Dolomites Val Gardena Skijöring
La Lia di Ciavei de Gherdëina nvieia al Dolomites Val Gardena Skijöring ai 03.02. dala 18:00 inant pra la stazion japé dl Secëda.
03/08.02
Mascherèdes de Carnascèr
En sabeda ai 3 de firé da les 20:30 te la veia scoles de Penìa l Grop de la Mèscres e Dèlba e Penìa porta dant la masche­rèda de Fabio de la Menina dal titol »N forest ta Penìa« e en jebia grassa ai 8 de firé semper da les 20:30 i porta dant endodanef la mascherèda de Claus Sorapperra de la Zoch »L Pat di doi amisc«.
05.02.-08.02.
Nos Ladins
Tres l’iniziativa »Nos Ladins« án la poscibilité da descurí deplö e monn ladin y ince i mistirs de nosta jënt. Ai 5 de forá domisdé pón porvé fora le paslunch adöm a Egon a San Ciascian, y Tone mostrará ai 7 de forá le socurs de na porsona sot la lovina adöm ai cians. Ai 8 de forá pón passé n danmisdé cun Felix por imparé l’ert tla tesciaria. Prenotaziuns y informaziuns sön www.altabadia.org o ti ofizi turistics dl’Alta Badia.
06.02.
Spetacul sön i schi a San Ciascian
La scora de schi da San Ciascian tëgn le mertesc ai 6 de forá n spetacul sön la pista Piz Sorega A por festejé sü 70 agn de ativité. I maestri de schi y le grup Pirates Freestyle Team mostrará les tecniches dl jí cun i schi sciöche ince deplö salc y acrobazies tl aria. La manife­staziun mët man dales 21:00.
07.02.
Jí cun i schi da sëra
Sön la pista Doninz a La Ila pón jí cun i schi ince da sëra, plö avisa vigni mercui cina ala fin dla sajun dales 20:00 ales 22:00. Por podëi tó pert bástel avëi na cherta di lifc che vel plö dis.
08.02.
Nöt dla liösa
Ai 8 de forá vëgnel metü a jí la »Nöt dla liösa«. La pista dla liösa Foram da Piz Sorega cina a San Ciascian gnará ilominada y sará daverta ince da sëra plö avisa dales 19:30 ales 22.30. An pó se impresté fora les liöses sides te paisc co söinsom l’implant y les chertes por l’implant pó gní cumprades diretamënter ala cassa.
08.02.
Gran defileda da Carnescià a Urtijëi
N Juebia Grassa ai 8 de fauré dala 15.00 dal Hotel Madonna/Despar demez. Granc y pitli ie nviei a fé pea y a se lascé tumé ite vel’ blòta mascra. La plu beles unirà premiedes. De majera grupes o carëc ie priei bel de se lascé nuté su tla Lia dl Turism, 0471 777600 o ortisei@valgardena.it.
08.02.
Defileda da Carnescià te Sëlva
La defileda de Carnescià vën a se l dé n Juebia Grassa, 08.02. dala 17:30 te Sëlva: n se anconta dan la Scola de Schi per jì tres la streda Nives nchin sun Plaza de Chemun, ulache l unirà pità n bel prugram de aurela curta y na panicia tradiziunela.
08.02.
Defileda da Carnescià a Urtijëi
La defileda da Carnescià vën a s’l dé n Juebia Grassa, 08.02. a Urtijëi. Dala 15:00 pëien via dal Hotel Madonna (vis-a-vis dl Despar) per jì tres l raion da jì a pe nchin sun Plaza de San Durich. La plu bela mascres unirà premiedes.
08.02.
Festa da Carnescià tl Circolo
Tla sala dla mostres dl Circolo – Lia Mostra d’ert vëniel metù a ji na festa cun mujiga dal vif. Duc ie nviei de cuer.
08.02.
Carnescià sun l purtoi da Palmer
N Juebia Grassa, dala 20:30 puderàn ti cialé a na bela desmustrazion sun i schi y snowboard dla Scola de Schi y Snowboard Saslong.
13.02.
Defilèda de Carnascèr a Vich
En mèrtesc gras ai 13 de firé da les 14:30 a Vich vegn endre­zà la defilèda de Carnascèr con cères e mèscres che passa fora per strada Rezia e rua te piaz J.B. Massar olache vegn dat fora da magnèr e da beiver.
13.02.
Festa da Carnascèr per bec a Moena
En mèrtesc gras ai 13 de firé a Moena vegn endrezà na festa de Carnascèr per i bec. I se troa da les 14:00 te piaz de Sotegrava, i va en defilèda fora per paisc fin al parch Fiabilandia olache l é musega, animazion e jeghes.
Vigni mercui
La Ila: cun i schi ince da sëra
Sön la pista »Doninz« a La Ila pón vigni mercui jí cun i schi ince da sëra. Ara é daverta dales 20:00 ales 22:00. Por tó pert ól ester na cherta di lifc che vel plü dis.
Vigni mertesc y jöbia
Al Plan: cun schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mertesc y jöbia dales 20:00 ales 22:00. Al ó ester le schi­pass o la cherta de plü dis.

Iadi y Jites
02.02. (iscrizions)
Viac de cater dis a Augsburg, Ulm, Dachau y Ettal
La grupa KVW de S. Cristina mët inò a jì n viac da d’an­sciuda, plu avisa dai 25 nchin ai 28 de auril. La iscrizions vën tëutes su mé ncuei, vënderdi ai 2 de fauré tla sala Raiffeisen de S.Cristina.
04.02.
Jita cun la ciaspes cun la Lia da Mont de Gherdëina
L vën pià via ai 4 de fauré dala 07:15 da Sëlva (Hotel Oswald), puech do da Macia­coni te S. Cristina y dala 07:30 da Plaza S. Antone a Urtijëi demez, per furné cun na curiera a Ellen. Da ilò peien cun la ciaspes su de viers dla Starkenfeld- o la Rastnerhütte, ulache n maierà da marënda, per pie ju inò de viers dla curiera a Zumis. La raida dura ca. 5 ëura, cun n deslivel de ca 500 m. Per plu nfurma­zions y per se nuté su: 339 656 3015–dai 29.01. nchin ai 01.02.
15.02.
Traverseda da Börz a Palmschloss
La grupa Nëus jon pa bel plan nvieia a chësta jita sun Börz: l sarà da jì de ndut feter 4 ëura cun n deslivel de 100 m suvier y 240 juvier. N possa de nuté su dai 07.02. inant nchin ai 13.02. da Ciofs Inge a Urtijëi, Malsiner Soriva a S. Cristina y da Sport Bruno Riffeser te Sëlva. Per plu nfurmazions: 328 914 6844 (Arthur), 334 720 1650 (Paola), 338 836 2004 (Valentin), 320 045 4724 (Helmuth).

Religion
10.02.
Ancunté Gejù – Mëssa per families
N sada ai 10 de fauré dala 17:00 te dlieja a Urtijëi cun Sn. Pluan Vijo Pitscheider. Duc i jëuni, jëunes, mutans, mutons, popsc, genitores, nëinesc y laves ie nviei a chësta mëssa per la families.
Ma 2024
Pelegrinaje a Lourdes
De ma vëgnel metü a jí dal KVW dla Val Badia, adöm cun le Pilgerbüro dla Diozeja, n pelegrinaje de 4 dis a Lour­des. Le program plü avisa, cun prisc y modalité de prenotaziun, ves mëna ion Iaco Clement tres e-mail: iaco_clement@libero.it o tres WhatsApp al 339 6257779.

Mostres y Ert
Atualmënter
Menemsha – mostra de Marianne Vitale
La prima mostra persunela tla Talia dl’artista de New York Marianne Vitale tla Galaria Doris Ghetta resterà da udëi nchin ai 10 de fauré dl 2024, uni merdi y vënderdi dala 15:00 nchin la 18:00.
Atualmënter
Scultures de dlacia a Urtijëi
Ntan l’ultima ena de jené à de plu artisć y artistes ziplà scultures de dlacia, tl zënter de Urtijëi. L argumënt de chëst ann ie la roba da fé damat de Gherdëina y la figu­res puderà unì amiredes tan giut che l tëmp l lascia pro.

Sport
02.02.
Garejeda de luesea
La lia Lueses Gherdëina mët a jì na garejeda de luesa per mutons y mutans dala prima elementera inant, ncuei vën­derdi ai 2 de fauré dala 17:30 inant sun l purtoi de Plan da Tieja. Gën sce trueps vën a cialé pro.
03.02.
HC Gherdëina vs. Steel Wings Linz
L HC Gherdëina nvieia ala partida de Alps Hockey League (AHL) contra l Steel Wings Linz, ai 03.02. dala 20:30 tl stadio Pranives te Sëlva.
07.02.
HC Gherdëina C vs. Ares Sport
L HC Gherdëina C jugherà l juech de divijion »IHL I« contra l Ares Sport n mierculdi ai 7 de fauré dala 20:30 tl stadio Pranives te Sëlva.
09.02.
Moena Ski Alp
En vender ai 9 de firé la socia­zion sportiva Bela Ladinia endreza la garejèda de schi alpinism ‘Moena Ski Alp’ che à valuta desche proa per l 25° Montura Ski Alp 4 valèdes. I atlec ponta via da les 8 da sera da la partenza del impiant de Lujia e i rua fin sun Valbona, 1800 metres con n dislivel de 470 metres.
09.02.
Hockey: Talia vs. Slovenia
L juech dla naziunela taliana contra la Slovenia sarà n vënderdi ai 9 de fauré dala 20:30 tl stadio Pranives de Sëlva. Apasciunei y apasciu­nedes dl juech sun dlacia ie de cuer nviei.
11.02.
Carnival on Ice
Ai 11 de fauré dala 21:00 inant tl stadio Pranives te Sëlva. N puderà amiré coreografies dla campiunëssa mundiela Carolina Kostner, Manuel Piazza y Anna Valesi, Gabriele Frangipani y truep d’autri atlec y atletes.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
06.02.
La Pli de Mareo – la valüta de n pice paisc
Dales 20:50 ca. Program de Esther Videsott y Agostino Fuscaldo, a cura de Leo Senoner.
07.02.
Mendret – Irone e Davedin: colun davegnir per chisc paijes?
Dales 20:50 ca. Te mez a noscia monts, soraldut ti lesc en aut, ciuta fora de spes picoi gropes de cèses che col mudèr de la generazions i resta vec. Te chesta puntata de Mendret jon a descorir la storia de Irone te le Giudicarie del Trentin e chela de Davedin, picola frazion tel comun de Livinal­longo te Fodom. Program de Cinzia Pistoia, a cura de Anna Mazzel.
08.02.
Arpejuns, monumënc de ert y storia: la dlijia de Urtijëi
Dales 20:20 ca. La dlijia d’Urtijëi é gnüda consacrada tl 1797 y ara é la sënta dl decanat de Gherdëna. Ara é plëna d’operes d’ert sacrala fates da artisc dl post. Dötes les statues y les pitöra cunta dla storia dla bibla. La dlijia d’Urtijëi é depënta fora cun corusc cialc, che fej sté saurí la jënt. Tl 2010 él gnü benedí n orghe nü, che vëgn suné scialdi tröp. N program de Erika Castlunger, camera y tai de Hans Peter Karbon, a cura de Alessandro Dapunt.

Radio
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
02.02.
Proiet »Rosa o pink«?
Dales 19:05. Vel pa al didan­cuei for mo i stereotips che i mutons dëssa vester furnìi a brum y la mutans a rosa? Y iel pa da se fé maureia sce na muta ulëssa jughé a hockey y n mut ëssa na simpatia per l jadiné artistich? Chësta y mo d’autra temati­ches iel unì tratà tl ITE Raetia ntan l proiet »Rosa o pink« ulache truepa tlasses à cunlaurà per trëi dis alaongia y ulache l ie unì metù sun mëisa deplu minonghes y prupostes. Ntan chësta trasmiscion audirons la nsenianta Giorgia Welponer y la parola ti unirà nce data ai studënc Nina, Aaron y Alex. Trasmiscion de Sofia Stuflesser.
03.02.
La sorité
Dales 19:05. La sorité vëgn dant tres plö gonot te nosta sozieté, suradüt danter les persones plö ti agn. L’ijolamënt sozial aumentaia ince le risch de svilupé problems de sanité. Al é debojëgn de svilupé solu­ziuns pur costruí conesciuns soziales. Tratan la trasmisciun podares aldí desvalies ejëmpli: dales casses relax a proieć de convivënza intergenerazionala. Program de Iris Del Valle.
04.02.
Thomas Delazer, un di puec scultëures jëuni
Dales 19:05. Sce n ëssa dit dan 30 ani de n jëunn de Gherdëina sot ai 30 ani che l zipla, pona essa la jënt dit: »Eh y pona pa?» Dla gran tradizion, dla gran cumpëida de chëles y chëi che mparova a ziplé tl secul passà, ne n iel nia plu trueps da udëi. Al didancuei se lasci te Gherdëina cumpedé cun i dëic dl mans. Mpo ti l’à n valguni vagheda, coche Thomas Delazer de Urtijëi. Cun ël ons rujenà dla furmazion, dla deficulteies, ma nce dla opurtuniteies y dla gran legrëza che chësc bel lëur à te sé. Trasmiscion de David Lardschneider.
07.02.
Tia facera
Dales 19:05. Zipier na facera no l’è sorì ma l’é n cust che aldò di mudamenc di tempes e di materiei se à ence mudà per chest e per viventer la tradizion l Grop de la Mescres de Delba e Penia adum co la Scola d’Ert de Fascia à pissà de sporjer na sort de manual per emparer a zipièr e depenjer faceres »Tia facera, co la pissèr, zipièr, depenjer e la durèr« n codejel per emparer a se fer enstesc na facera de len aldò de l’inovazion e la tradizion ladina de Fascia. Program de Anna Mazzel.
08.02.
Jöbia grassa, le plü bel dé!
Dales 19:05. Incër le Carnescé él na gran tradiziun fata de matades, sgolosaries y mascheres. Te chësc program junse zoruch ales raisc stori­ches de chësta festa por con­scidré sü svilups tla Ladinia y foradecá. N program de Sara Frenner.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assistënza.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
11.02.
Alpaca y ert
La grupa Gherdëina per l Perù mët a jì na mostra de sbetri dl Perù per n fin de bën. La giaurida ie n dumenia, ai 11 de fauré dala 18:00 tla Lia Mostra d’Ert a Urtijëi. L cianta y sona la grupa Vidalonch.
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. I pro­scimi termins é ai 15 y ai 29 de forá. Al vëgn dé fora da mangé a dötes les porsones dla Val Badia che á debojëgn.