N vënderdi ai 1. de merz dala 20:00 festejea l Cor di Jëuni Urtijëi si iubileum di 30 ani cun n gran cunzert tla Cësa di Cungresc a Urtijëi
L argumënt sarà »singing generations« y l cianterà pea (coche l moto dij) ciantarins y ciantarines de uni età, che à ciantà pra l cor ti ultimi 30 ani. Deberieda cun i cumëmbri da śën cianterài na ciantia da druch, che sarà dessegur l highlight dla sëira. Ma l unirà nce fat nervistes ai ex ciantarins y ciantarines, damandan coche l fova a vester tl Cor di Jëuni Urtijëi plu da giut.
Ntan l cunzert, che durerà plu o manco n’ëura, saràl da audì cianties che ie bele unides purtedes
View the embedded image gallery online at:
https://www.lausc.it/manifestazions-y-evenc/26503-manifestazions-atuales#sigProId9f4e186fa6
https://www.lausc.it/manifestazions-y-evenc/26503-manifestazions-atuales#sigProId9f4e186fa6
Sambën iel truepa ëura de proa dovia: da setëmber incà se à i ciantarins y la ciantarines urtà uni vënderdi per na proa de n’ëura y mesa.
L Cor di Jëuni Urtijëi nvieia duc de cuer y se ncunforta a festejé deberieda si iubileum, speran de udëi truepa jënt.
Ativités sportives tratan l’isté
»Sportweek all day 2024«: edemes de sport por mitans y mituns dla scora mesana, che vëgn tignides anter Badia y Corvara
Le Skiteam Alta Badia mët a jí d’isté »Sportweek all day 2024«, cun ativités sportives por mitans y mituns dla mesana (nasciüs dai agn 2010 a 2012). La pröma edema é dai 15 ai 20 de messé, la secunda dai 29 de messé ai 3 d’agost, dal lönesc ala sabeda dales 9:00 ales 16:00 (marëna nia lapró). Al sará arpizé, roda, beach volley, trampolins, parch aventöra, jüc de scuadra, acrobatica y parcour, nodé y jüc t’ega. Les iscriziuns vëgn tutes sö dai 4 ai 10 de merz al link https://forms.gle/jgbaRA3NjTWXTLtf6
Al vëgn tut sö da min. 8 cina max. 16 partezipanc al’edema. Les ativités vëgn tignides ti comuns de Badia y Corvara, cun i alenadus Gabriel Crazzolara, Piero Di Luca, Davide Moling y Heinrich Conrater. Cost: 130,00€ al’edema (+20,00€ d’iscriziun al ST Alta Badia). Infos plü menüdes: skiteamaltabadia.it