La Usc di Ladins

Pea via l Dolomiti Ski Jazz!!!
Per 10 dis l gran event viventea portoes, paijes e teatres de Fascia e Fiem. I taca anché sun Ciampac
Dai 8 ai 17 de mèrz noscia valèdes ge dèsc endò alberch al Dolomiti Ski Jazz, gran event de musega ruà a la 26^ edizion che, col diretor artistich Enrico Tommasini e de gra al sostegn de la Aziendes de Promozion Turistica de Fascia e de Fiem ne propon passa 20 conzerc.
Vigni dì musizisć de nonzech internazionèl sonarà da mesdì a l’averta o te na utia sui portoes, domesdì sarà apres ski ti paijes e da sera conzerc con inomes de nonzech del jazz internazionèl ti teatres, conzerc o jam session ti locai e ence musega ladina te Museo a Sèn Jan.
en

• 
•  

View the embedded image gallery online at:
https://www.lausc.it/manifestazions-y-evenc/26614-manifestazions-atuales-speziales#sigProId52c480a3ed

vender ai 8
Marco Castelli New organ trio sun Ciampac
Roaring Cats al teater de Cembra*
en sabeda ai 9
Roaring Cats al Chalet 44 sun Belamont
Street Parade coi Revensch fora Ciavaleis da les 17:30
Roberto Gatto Quintet al teater de Pardac*
en domenia ai 10
Jazz matinée e brunch coi Revensch al Lariceto de Anterivo da les 11:00
James Thompson & Band al 4You Bistrot de Pera da les 17:00
en lunesc ai 11
Francesca Bertazzo Trio & Fiorenzo Zeni te Fuciade da les 14:00
Fat Honey al Apres Ski Internazional de Cianacei da les 15:00
en mèrtesc ai 12
Saint Germain Swing Quartet al Geyser de Poza
Street Parade fora Tieser con Banda Storta da le 17:30
Aaron Goldberg al teater de Ciastel*
en mercol ai 13
Sugarpie & the Candyman sun Cermis
Saint Germain Swing Quartet al Rampeèr de Ciampedel da les 17:30
en jebia ai 14
Sugarpie & the Candyman sun Ciampedie
Viva De André al Palafiem fora Ciavaleis*
en vender ai 15
Irene Serra e Luca Boscagin sun Pampeago
Manuel Randi e Alex Trebo te Museo Ladin a Sèn Jan da les 18:00
en sabeda ai 16
Irene Serra e Luca Boscagin sun Rodela da les 12:00
John Scofield »Yankee Go Home« Te Teater Navalge a Moena*
en domenia ai 17
Evi Mair Quintet sun Pampeago da les 12:00
ai 10, ai 13 e ai 15 de mèrz:
Jam Session a La Grenz de Moena da les 21:00.

(*) da les 21:00 a paament. Duc i etres debant.
Program su www.fassa.com

Se pel comprèr i biliec dantfora sul sit:
https://www.trentinospettacoli.it/tageventi/dolomitiskijazz/


Pest de poejies ladines »Angelo Trebo«: escrizion dla diejima edizion
Termen per mené ite les poejies: 15 de merz 2024
Al é n concurs de poejies davert a duc chi che scriv per ladin, metú su dl 1997 a San Martin de Tor. Con l’edizion dl 2012 é l pest trienal vegnù daurì a dutes les variantes ladines y i idioms ladins dl raion dles Dolomites, cie che à porté spo tles ultimes cater edizions a na maioura partezipazion da pert de autoures y autours. L’edizion nueva, segn daverta, é chela dl 2024. La premiazion é preveduda per mei 2024.
Criters y condizions
Da prejenté él – ence en chest iade – anter trei y cinch poejies. I prums trei posć é ciariés con pesć monetars de 500,00, 300,00 respetivamenter 200,00 euro. Per tò pert él da paié ite sun l cont bancar IBAN IT41H 08010 58830 000 304000455 intesté a l’EPL-Ert por i Ladins la comiscion de partezipazion de 20,00 euro.
Vigni autour:a prejenteia les poejies te cinch copies, les contrassegneia con n pseu­donim y ajonta laprò te na mendra cuverta scluta si dac anagrafics y l’atestazion dl versament dla comiscion de partezipazion. Sun la mendra cuverta scrivel:ela si pseudonim.
La miscion per mené ite o dé ju a man l material per tò pert al concurs – anter l 15 de merz 2024 – é:
EPL-Ert por i Ladins, Pest »Angelo Trebo«, str. Stufles 20, 39030 San Martin de Tor/San Martino in Badia, BZ.


La persona (Im)perfeta
La mostra culetiva vën giaurida n vënderdi ai 15 de merz tla galaria Vijion a Puntives
For de plu vën la persona trata ite te n cërtl ulache conta n prima l cialé ora. Dantaldut tl mont digitel, che nës sëia y cundiziuneia for deplù la streda, nes mostra n mont perfet ulache l valor fisich vel sëura i sentimënc y l’emozions. Nsci vëniel fat ntervënc de uni sort per se adaté a chëla mesures y a chëi valores. Ma sambën ie la sëida danter ntervënc che juda al bënsté dla persona y chëi che la met n pricul, scialdi strënta. I 10 artisć, Julia Runggaldier, Marlies Baumgartner, Max Brenner, Paola Grott, Stefan Perathoner, Klaus Rungger, Valeria Stuflesser, Leo Ferdinando Demetz, Josef Kostner y Marko Kostner, uel nes sensibilisé dl viers, che nia mé l’estetica conta, ma nce la persunalità, l’individualità y la carateristiches persuneles de uniun. La mostra resta davierta nchin ai 8 d’auril, dal lunesc ala sada danter la 4 y la 7 domesdì, o cherdan su l nr. 3382098697