Cater joegn arcedadores fascegn partezipa a la formazion de prum livel
Podessa someèr n lurier da nia chel de alenèr i picoi, e manco picoi, bec tel sport, ma no l'é coscita. La vita de arcedador la va dessema a chela de formazion e, apontin te chest temp, la Scola del sport del CONI à metù a jir n cors ressevà ai alenadores di sport su la giacia, cors de prum livel per l'hockey e bal sui feres con la direzion de la FISG (Federazion Talièna Sport de la Giacia).

N cors pissà amò dant de l'emergenza coronavirus e che l'à cognù mudèr sia modalità, sessaben, zenza ...

L joen defensor di Falcons l'à cernù de azetèr la chiamèda de coach Mair al Thurgau, Riccardo Lacedelli del Cortina jirà enveze prest en Finlandia
L'Alps Hockey League, tornoi olache partezipa la trei squadra ladines de hockey de Fascia, Gherdena e Ampez la é ceta, aboncont jà vèlch moviment de marcià l'é ruà, con doi joegn jiadores che à dezidù de lascèr l campionat per proèr na neva esperienza foradecà.

Enstadì l'é ruà defat la neva che Riccardo Lacedelli, ala destra clasc '95 nasciù a Pieve di Cadore, l'à cernù la Finlandia per sie proscim campionat, olache l jiarà te la squadra del Hokki. Lacedelli à jià sia ultima 7 sajons con la maia ...

La burta neva che se se spetèa é stata ofizialisèda: l gran event sportif fascian l'é stat sburlà de n an.
Desche duta la manifestazions sportives, e no, che bina ensema n muion de jent, ence l maor event de corsa agonistica te Fascia l'à cognù zeder al Covid-19 e a la normes de prevenzion leèdes al virus. Nesciun travert sun Crepa Neigra per l Vertical, nia zig-zag su per la sforcela de Pordoi per la Skyrace, nia roda ladina d'intorn l Sela per l'Ultra Trail. Ai 20 de mé l'é stat publicà su Youtube, e portà coscita ence su la piates di social Facebook e Instagram ofizièles de l'event, n filmat ...

La gara de schi dles ëres söla "Ërta" portada ite por i proscims trëi agn. Tl calënder sambëgn ince les classiches di ëi te Gherdëna y tl’Alta Badia, y i campionac de Cortina l’ater ann de forá
Do n ann de palsa, ciafa Al Plan de Mareo con Plan de Corones indó la gara de copa dl monn de schi dles ëres, che gnará tignida sön la "Ërta" ai 26 de jená dl 2021. Chësc é ci che an vëiga dal calënder FIS publiché sön la plata ofiziala. Iló él ince la proieziun por les sajuns 2021/22 y 2022/23, olache le gigant feminil vëgn ince dant, mo les dates é ciamó da odëi. Bonamënter tres de jená.
Por ci che reverda la sajun che á da gní, él sambëgn ince cotan d’atres gares tla Ladinia, in primis i ...

La sozietèdes de ginastica ritmica de Fascia à metù a jir ativitèdes on line per fèr a na vida de mantegnir la forma fisica de sia atletes ma ence l contat sozièl, ence se da dalonc.
L’emergenza sanitèra da oramai desvaliva setemènes à ferà duta la ativitèdes sportives, ence a livel local. Per chest nosc sfoi te chisc ulitmes numeres l’à portà dant desvalives aprofondimenc sun nesc atlec fascegn che i se troa en paussa forzèda.

Chesta setemèna rejonon de coche valch atività sportiva sie stata portèda inant enceben la prejenza del Covid – 19, de gra al didament prezious de la tecnologìa.

Te noscia val l’é doi sozietèdes sportives che se cruzia de ginastica ritmica, Moena ...

Tel Trentin se à podù scomenzèr a pedalèr a la lèrgia. Endèna, te la Virtual Marcialonga Craft, Depaul se à vadagnà l 2° post assolut.
La neva diretives trentines dèsc maor ledeza de moviment e i atlec che pratega sport a la lèrgia i à podù se emprevaler de la neva normes per pontèr via con atività fora de cèsa. La strèdes e i troes se à coscita populà de runners e bikers, con jent che cor zacan jù dal tapis-roulant e rodes che se mef sveltes te sia pistes e no più sui rodoi per pedalèr te cèsa.

Nosc apuntament oramai fis con i miores atlec de la val fèsc coscita tapa apontin su la roda, de gra a l'intervista a Gabriele ...

Beleche 500 partezipanc e 30 mila followers che à vardà dai schermes l'ejit e i panorames de chesta particolèra edizion, che fèsc pèrt del Endu Virtual Granfondo.
La Marcialonga Craft no se à petà jù e, per scombater l virus che obliga a descancelèr duta la manifestazions sportives, l'à dezidù de doventèr »virtual« tel chèder de n zircuit envià via dal team »Endu« e che l conta ence autra trei garejèdes a completament del Endu Virtual Granfondo: la Virtual GF Gavia e Mortirolo, la Virtual GF La Fausto Coppi e la Virtual GF Sportful.

Coscita donca, la 14^ edizion de la Marcialonga Craft, che aessa segnà l record de enscinué a quota 2.000, la se à tramudà ...

Te anter i convoché tel staff nazionèl, tant per i atlec che per i arcedadores e tecnics, l’é ence 8 fascegn.
La Federazion Talièna di Sport da d’invern, spetan de aer referimenc segures su canche se podarà endò peèr via l’atività, la vèrda inant e l’à ofizialisà la squadres nazionèles per l setor del schi alpin per la sajon da d’invern che vegn, che erà sie moment de maor emportanza coi campionac mondièi vin Ampez dai 7 ai 21 de firé 2021.

La comunicazion é stata data dal president Flavio Roda endèna la Consulta con i presidenc de duc i Comitac de la Tèlia e i componenc del Consei Federal.

La ...

L projet de scola e sport de Fascia se met dant de gregn obietives, enceben vèlch mudament organisatif emponù da chest temp spezièl.
L'à de gregn obietives l Ski & Ice College, projet de la Scola Ladina, nasciù del 2002, patrozinà da la FISI Trentin e ret da la sorastanta Mirella Florian.
A ne les contèr l'é stat un di arcedadores, Roberto Pasero. »Tel staff sion 3 arcedadores atletics, con Davide Verga e Silvia Uberti – l ne à dit - gé ge vèrde dò a n grop de schi alpin, al grop de brea, al freestyle e al hockey. Tacon via con la preparazion de mé e finion de mèrz de l'an dò«.

Dedicà ai bec di licees scientifich, ...

Chesta setemèna aon rejonà con l joen arcedador atletich che laora te scola e con desvalives sozietà fascènes.
Vedon la lum. Dò chest temp senester de carantena che ne à tegnù duc, con vèlch picola ecezion, seré te noscia cèses, somea che pian pian vèlch sie dò a mudèr. Nesciugn se spete de scomenzèr con la vita che aane dant, ma dò aer passà chesta proa ogne picola conquista sarà vèlch da bel. Per chest, te noscia roda de intervistes aon volù chest’outa scutèr Roberto Pasero, joen arcedador atletich de Moena clasc 1993, che ne à contà de sie lurier te chest temp senester e dat vèlch consei per ...

Ince i atlec de Copa dl Monn é por la maú pert te ciasa. Mikaela Shiffrin sona la chitara, Manfred Mölgg cujina
Les limitaziuns anticoronavirus n’á nia ma atoché deplëgn les ultimes gares sajonales de Copa dl Monn de schi alpin cun la desdita desplajora dles finales a Cortina, mo ince la vita privata de atletes y atlec. Ti tëmps virtuai á chisc indere na poscibilité implü da comuniché cun i fans y i apascioná, y ince da avié val’ aziun a fin de buegn. N atlet o l’ater lascia spo chëstes edemes cuché ite te söa vita privata y sü ambiënc de ciasa y alenamënt pruvat, y ince te söa manira da cujiné y söla ...

L diretor tecnich del setor di joegn di Falcons ne conta de sia esperienza e de sia prospetives dò l prum an de lurier te Fascia.
La sajon 2019/2020 à portà de outa a cèsa Marco Liberatore, arcedador clasc '67 de gran nonzech che à arjont sie maor travert con la nazionèla talièna senior de la eles, canche l'é stat bon de venjer l Mondièl del 2018 a Asiago.

N prum an pien de emozions
Dò esser stat responsabol del projet Hockey Academy de Busan, al scomenz de la sajon passèda Marco Liberatore l'é vegnù te Fascia, olache l'à tout sù l'encèria de diretor tecnich del setor di joegn di Falcons. L lurier l tol ite duta la ...

La joena atleta da Moena ne à rejonà de sia vita ite e fora dal sport.
Chest’outa aon pissà de intervistèr Caterina Ganz, autra atleta fascèna de gran nonzech. La joena moenata l'é na campiona del paslonch, disciplina che l'à veduda ruèr a livìe auc n muie en prescia, per na cariera che se disc maraveousa. L'atleta clasc '95 la se à contà te na bela intervista che ve lascion te chesta piata, olache l'à prejentà sia vita tant tel sport che fora: »N bel salut a duc, son Caterina Ganz, è 24 egn e son da Moena. È na gran familia, fata da mio pare Carlo, mia mare ...

Aon fat n pont de la situazion su l'hockey ai tempes del Covid con l'atacant di Falcons Diego Iori.
Chest an i Falcons à fat n gran saut inant ti resultac, veste dèr n bilanz de la sajon?
Diego Iori: La sajon la é jita n muie ben, aon jià delvers e i joegn i é cresciui n muie. Ne à endespiajù de no aer arjont i playoff ence se fosc i assane merité, ma l sport l'é coscì e ogne tant l'é crudeil. Ne é mencià mingol de esperienza te la partides clou, ma la sajon resta positiva.

Ai 11 de mèrz Matjaž Rakovec, president del Board of the Governors, comunica che la sajon de Alps Hockey League fenesc ...

Aon rejonà con Adele Battisti, arcedadora de la sozietà sportiva fascèna.
Desche duc, ence i atlec del bal sui feres i à cognù serèr sù sia sajon a cauja del Coronavirus. Endèna chest stop aon volù rejonèr con la arcedadora de la squadra agonistica su la giacia Adele Battisti, che dessema a dut l staff di Pavei d'arjent la ge stèsc apede ai joegn talenc.

Co ela pa jita la sajon agonistica 2019-2020 per l'Artistico Ghiaccio de Fascia?

Adele Battisti: En general la sajon la se à serà sù con resultac che ne fèsc ben sperèr per l davegnir. Enceben che fossa stat amò vèlch ...

Viviana Felicetti e Monica Bernard ensegna te l'Ice Club Alta Badia.
L'é n picol toch de Fascia che à lascià la val per ensegnèr l bal sui feres utró. Sion dò a rejonèr de Viviana Felicetti e Monica Bernard, doi arcedadores che les se troa per lurier a Corvara, vin Badia. Aló, te l'Ice Club Alta Badia, la doi fascènes ensegna a bec e bezes da duta la val, da Colfosch enscin al Plan de Mareo, amò apede ence a atlec che vegn da Rèba de gra a la vejinanza.

Con l'istà che vegn Monica scomenzarà sia 3^ sajon te la sozietà badiota, Viviana enveze la 5^: "Laore a ...

L capitan del Fascia Balon l'à fat l pont de la situazion su la sajon ceta a cauja del coronavirus.
Endèna l stop caujà dal Covid-19, duc i sportives speta neves su sia atività. L Fascia Balon l'era tel bel mez de la sajon canche l virus à fat fermèr l campionat. Aon coscita rejonà col capitan de la squadra, Luca Trottner, che l'à volù manèr n bel messaje a duc i tousc: "Joegn e bec seré te ciasa: siede voi i veri campions, vardà de tegnir dur per l ben de duta la comunanza".

N prum pensier al balon jià: él stat senester se usèr a jièr zenza i veterans che à lascià l Fascia Balon dant del ...

La joena del Ski College de Fascia Gloria Gabrielli ne fasc n bilanz de la sajon coi resultac arjonc da ela e da si compagnes che fasc part de la Dolomitica e de la Monti Pallidi.
L’é stat na sajon da encornijar per i atlec fascegn de paslonch che, via per l’invern, i à metù adum n muion de bie resultac. Anter i Under 14 troon 3 beze da Pera, clas 2006 e che cor per la Dolomitica de Pardac: Ilenia Gabrielli, Elena Mazzel e Giuditta Mazzel. Anter i Under 16 troon enveze 6 joegn, duc clas 2004: Giovanni Fanton de la Monti Pallidi e Damiano Rasom de la Dolomitica da Poza, Stefano Mazzel e Gloria Gabrielli (duc doi de la Dolomitica) da Pera, Marco Piazzi da Cianacei e ...

L schiador ladin Stefano Gross l'à arjont resultac de gran nonzech ti egn, ades l ponta en aut te la proscima doi sajons.
Stefano Gross, atlet ladin che da egn l porta l'inom de Fascia tel mond. 116 la garejèdes de Copa del Mond per Sabo, con 12 podies e un òr, apede la partezipazion a doi jeghes olimpics. L schiador clasc 1986 l ne à rejonà de sia sajon, del stop di schi per l Coronavirus e di obietives per l davegnir.

La Usc: Scomenzon da la sajon giusta fenida: me recorde l scomenz col bot col terzo post en Val d'Isere dò l'operazion al jeneie...

Stefano Gross: T'as dit ben, l'é partì dut da l'operazion de l'an ...

L Fascia à vent contra l Monte Ozolo e l’Altopiano Paganella ma i jiadores de mister Chelodi aessa podù jièr miec.
L resultat l’é stat l medemo e coscì ence i ponc vadagné, ampò l’ultima doi endesfides del Fascia Balon à vedù te ciamp na squadra dassen desvaliva. No per i jiadores, che più o manco é resté i medemi, ma te la prestazion.

Se te la partida contra l Monte Ozolo, enlouta terza en classifica, l Fascia à moscià dut somà n bon jech e l’à vent con merit na endesfida emportanta soraldut per petèr fora dai jeghes per l secondo post na formazion che enscin al lunesc de Pèsca aea perdù n’outa soula te dut ...