La Usc di Ladins

En vender ai 15 de mèrz, dì dedichèda ai desturbes del comportament alimentèr, col Servije Afares Generèi l é stat metù a jir na scontrèda per tegnir auta l’atenzion e la sensibilisazion de la popolazion su la bulimia, l’anoressia nervousa, chel che vegn dit »Binge Eating Disorder (BED)« donca na vida de magnèr zenza control per responet a problemes emotives e etres desturbes de l’alimentazion.

Compagnèda da la conseiera Florian e dal responsabol del Ofize Afares Generèi Devi Brunel, a portèr dant sia relazion l é stat envià la dotora Roberta Casarotto, dietista de la CIRFOOD, che fornesc l servije de mensa per cont del Comun General te la scoles de Fascia.

Pecià che a la scontrèda no à tout pèrt n muie de jent, ajache l tem é gran emportanza: l é stat recordà che i desturbes de nutrizion e alimentazion l é la pruma cauja de mort per i joegn sot i 25 egn de età e che ti ultimes egn l’età di joegn con problemes de anoressia e bulimia à seghità a se arbassèr. 

L comportament ti confronc del magnèr pel esser condizionà da fatores desferenc, desche l cruzie de meter su chili, de spes aldò de na percezions faussa de nosc corp, ma ence la mencianza de autostima e la voa de perfezion, o amò problemes de relazions o situazions de stress, che pel esser compagnèdes ence da desturbes a livel psichich.

De più su La Usc stampèda de en vender ai 29 de mèrz.  (LG)