Semper più de spes ence sui social, piataforme che vif del consum momentan, se veit sutar fora piate entrie dute dedicade a veies retrac o carte de posta, che soscedea n muie de aprijiamenc e de comenc maraveé. Somea na contradizion, te n temp olache dut va semper più coran, che n muie de jent se perde do a cheste testimonianze del passà. Un de chisc pascioné de retrac veies l é Alessio Deluca da Poza, che da pech l me à rejonà de sic olache se pel troar foto de gran enteres, fate ence ti paijes de Fascia. L é domanà fora per capir valch de più de chest mondo, che engaissa el e n muie de autres.
Co él nasciù to enteres per retrac e carte de posta da zacan?
Alessio Deluca Le foto veie le me à semper piajù, ma che me à fat proprio vegnir l enteres l é stat canche é scomenzà a lurar te Istitut. Lo é vedù »Fassa Ieri«, podarà somear cert ma gio chel liber no l aee mai vedù dant.
Podede lejer duta l'intervista, coi referimenc ai sic de retrac veies e indicazions per i encolorir, su La Usc stampèda di 29 de mèrz.
(Lucia Gross)
