La Usc di Ladins

I Judacrëp de Gherdëina ie unii alarmei dala 9:14 daduman de inier dumënia ai 5 de mei. N alpinist ova fat la via fereda Pößnecker l di dant, de sada, y ne fova nia plu unit de reviers. Da coche nes conta i Judacrëp de Gherdëina, iesen julei cun l joler dla Verdia de Finanza, da chël che n à localisà l corp zënza vita dl ël de 44 ani de Tramin. L ël ie tumà per zirca doicënt metri. N cunlaurazion cun l joler dl Pelikan 1 à i judacrëp recuperà l corp cun la binda