La Usc di Ladins

Canche te majon de Bepi rua na badante, joena, bela e descantèda, che é bona de entortèr via i omegn e de fèr dessenèr la femenes, la outa sotessora i raporc, i sentimenc e la prioritèdes, enlouta se capesc che te noscia vita dal massa corer e dal massa voler l é zeche che mencia, l é zeche che ne sciampa. Ge à volù na comedia, na gran comedia, interpretèda a na vida dalbon ezelenta, ge à volù i atores de La Mizacoles.

Ma spetà, che ve spieghe mingol miec e dal scomenz. La Mizacoles da Ciampedel, con la regia de Loreta Florian, à portà en scena na neva comedia dal titol »La badante del giaf«, trei raprejentazions: te chino Marmolèda de Cianacei che se à empienì fit e toch, te Oratorie de Poza e a La Gran Ciasa a Soraga. Na comedia scrita da Fabio Svaldi, che enstadì era te sala del Oratorie de Poza compagnà da sia femena e doi de si atores. 


De più su La Usc stampèda de en vender ai 17 de mé.  (Monica Cigolla)