La Usc di Ladins

Dotours
Dutor Gherdëina
L dutor de servisc da n sada ai 25.01. dala 08:00 daduman nchin la 08:00 daduman de n lunesc ai 27.01. ie l dutor Giu­liano Piccoliori de S. Cristina, tel. 0471 792282 o 348 3301004.
Doturs Val Badia
Tla fin dl’edema di 25 y 26 de jená él en sorvisc ti comuns de Mareo y San Martin le dotur Eduard Agreiter, San Martin de Tor, tel. 0474 523315 o 333 1380852. Ti co­­muns de Badia, Corvara y La Val él en sorvisc le dotur Guido Caretta, Calfosch, tel. 0471 836870 o 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 24.01. nchin n vënderdi ai 31.01. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 24 de jená dales 19:00 al vëndres al 31 de jená 2025 ales 19:00, é chëra d’Al Plan, tel. 0474 501240.

Avisc
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
I oraries de Pedies
Se pel veder Pedies sul canal 10 de la televijion Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal l é semper a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.
Atualmenter
Grop de letura per bec
Te Biblioteca de Comun de Sèn Jan, te Strada Roma 3 a Vich, scontrèdes de letura per bec »L’isola che non c’è« con Elisabetta Vanzetta. Do la pruma scontrèda di 22 de jené, ai 19 de firé da les 16:30 l tem sarà la emozions: la ira. Se jirà inant ai 19.03, ai 30.04 e ai 28.05. Info al 389 1122 243, ence whatsapp, o a san giovannidifassa@biblio.tn.it
Atuamënter
EEG Puntives
L’ iscrizion coche cumëmber costa 50€ y unirà paieda de reviers pernache n zapa ora dla cooperativa. La EEG Puntives nvieia duc i zitadins de Gherdeina de se nuzé dl’opor­tunità y di vantajes che porta la destribuzion de energia nëta. Chi che se a metù su o uel se mëter su n mplant fotovoltaich sun tët, giapa de plu nfurmazions sot a www.energiegemeinschaft pontives.it o cuntatan la EEG Pontives via mail.
03.02.
Lia di Filatelisć – ancuntedes
La Lia di Filatelisć, Numis­matics y Vedla Chertes de Gherdëina se anconta uni prim lunesc dl mëns dala 20:00 tl Bar 2000 a S. Cri­stina, per s’la ciaculé y fé vel’ barat. La proscima ancun­teda sarà ai 3 de fauré.
03.03.
Instà tl Bosch per mut*ns dla scolina: iscrizions
L proiet per l instà Instà tl Bosch, per mutons y mutans dai 3 nchin a 6 ani, vën metù a jì dala Scolina tl Bosch, dai 30.06. nchin ai 01.08. dala 07:45-12:30. Iscrizions: tres mail ai 03.03. dala 07:00 inant: info@canalescuola.it
04.03.
Enes dla ventura per mut*ns dla elementera: iscrizions
L proiet per l instà »Enes dla ventura«, per mutons y mutans dala prima ala terza elemen­tera, vën metù a jì dala Scolina tl Bosch, ntan l’ena dai 04.08.–08.08. y chëla dai 18.08.–22.08., dala 07:45–12:30. Iscrizions: tres mail ai 04.03. dala 07:00 inant: info@canalescuola.it
10.–13.03.
Pavël: iscrizions
L proiet per l instà Pavël, per mutons y mutans dl 2014– 2021, vën metù a ji dal VKE deberieda ai Chemuns; a Urtijëi dai 30.06. nchin ai 22.08., a S. Cristina y te Sëlva dai 07.07. nchin ai 22.08., for dala 07:30–14:30 y n vënderdi nchin la 15:30. Iscrizions: tres l portal VKE, for dala dala 07:00 inant: Urtijëi ai 10 y 11.03.; S. Cristina ai 12 y 13.03.; Sëlva ai 10 y 11.03.
10.-14.03.
Sakl: iscrizions
L proiet per l instà Sakl, per mutons y mutans dl 2010-2013 (*n valguna enes nce per chëi dl 2008–2009), vën metù a jì dala Nëus Jëuni Gherdëina, dai 23.06. nchin ai 29.08. L orar depënd da ena a ena. Iscrizions: tres mail a info@njg.it, a Urtijëi ai 13.03., a Run­cadic ai 14.03., a S. Cri­stina ai 11.03. y te Sëlva ai 10.03., for dala 07:00 inant. Nfurmazions plu avisa sun www.njg.it.
18.–22.03.
Iscrizions »Gaia«
La Lia Gaia mët a jì n proiet da d’instà, per mutons y mu­tans dl 2018-2020 y na se­gonda grupa per i ani 2013-2017. L proiet va dai 23 de juni nchin ai 22 de agost. Orar: 07:45–14:30. La iscri­zions vën tëutes su dai 17.03. dala 08:00 inant nchin ai 21.03. tres l formular sun www.pro-gaia.net.
14.04.
Instà Vif – iscrizions
L proiet per l instà Instà Vif, per mutons y mutans dl 2012–2018, vën metù a ji dai Che­muns de Gherdëina deberieda cun lies, dai 23.06. nchin ai 15.08. dala 08:30-12:30 o dala 13:30-17:30. La iscrizions possa unì fates ai 14 de auril dala 20:00 inant tres l link o QR–code che n abina sun l julantin dat ora.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 169 8343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. Le pro­scim termin é ai 30 de jená. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
06.–23.02.
Alpaca y ert: mostra de solidarità per l Perù
La grupa Gherdëina per l Perù mët a jì na mostra d’ert unica per n bon fin. L’esposi­zion sarà dai 6 ai 23 de fauré tla Lia Mostra d’Ert a Urtijëi. Orar de giaurida: 09:30-12:00 e 15:00-19:00, de vënderdi y sada nce dala 20:00 ala 22:00.

Mostre y Ert
Atualmënter
Scultures de dlacia a Urtijëi
Ntan l’ena dl 20 nchin ai 26 de jené ziplerà de plu artisć y artistes scultures de dlacia tl zënter de Urtijëi. L argumënt de chëst ann ie la ferata de Gherdëina y la figures puderà unì amiredes tan giut che l tëmp l lascia pro.
Atualmënter
Mostra coletiva: Cuntredes do la dlaciazion
Tla galaria Vijion a Puntives iel metù ora na mostra dal titul »Cuntredes do la dlacia­zion«, che resterà da udëi nchin ai 10 de fauré, dal lunesc nchin la sada, 16:00–19:00, o cherdan su l 3382098697. Artistć che mët ora: Wilma Kammerer, Daniela Brugger, Erich Erler, Leonhard An­gerer, Rudolf Emil Klöden, Silvia De Bastiani, Lukas Schäfer y Cesare Maggi.
Atualmënter
Mostra »a me, a voi«
Cina ai 7 de merz él da odëi tl salf dles manifestaziuns da Corvara la mostra de Gabriel Colombani da Calfosch. Al é na mostra de fotografies dla natöra, olache vigni foto i é dedicada a na porsona o a n monumënt spezial. La mostra é daverta dal lönesc al vën­deres dales 8:00 ales 12:00 y dales 16:00 ales 18:00; la domënia dales 10:00 ales 12:00.

Mujiga
05.02.
Sjaella
I Jëuni de Mujiga Gherdëina nvieia a chësc cunzert tla dlieja de Sëlva, n mierculdi ai 5 de fauré dala 20:00.

Chino
Atualmenter
Al chino de Pardac
Insnet, vender ai 24 de jené da les 21:00 l é »L’abbaglio« che vegn moscià ence en domenia ai 26 da les 20:30. En mercol ai 29 da les 21:00 (su gran domana e desche ultima proiezion) vegn dat »Vermiglio«, en sabeda al prum de firé da les 21:00 e en do­menia ai 2 da les 20:30 l é »Here«, en domenia ai 2 da les 17:00 l é »Mufasa«. Info su www.cinemapredazzo.it
Atualmenter
Al chino de Tieser
Sabeda ai 25 de jené da les 21:15 e domenia ai 26 da les 20:30 l é »Io sono la fine del mondo«, jebia ai 30 da les 21:15 per la rassegna ‘Il piacere del cinema’ l é »Liliana« su la vita de Liliana Segre, vender ai 31 da les 21:15, sabeda al prum de firé da les 21:15 e domenia ai 2 da les 20:30 l é »A complete unknown«, sabe­da al prum da les 17:00 l é »Oceania 2« al cost de 5 euro. Info www.cinematesero.com.

Sport
01.02.
HC Gherdëina vs. HK Celje
Tl stadio Pranives de Sëlva saràl ai 1. de fauré dala 20:30 la partida dl campiunat AHL (Alps Hockey League) danter l HC Gherdëina y l HK Celje.
25.01.
HC Gherdëina vs. HDD SIJ Jesenice
Tl stadio Pranives de Sëlva saràl ai 25 de jené dala 20:30 la partida dl campiunat AHL (Alps Hockey League) danter l HC Gherdëina y l HDD SIJ Jesenice.

Teater
08/27.02.
Rassegna de teater ladin
Tel chèder de la Rassegna de teater ladin del CGF en sabeda ai 8 de firé da les 20:30 te la veia scoles de Penia l Grop de la Mèscres de Dèlba e Penia met dant la mascherèda »Te tieja del ors« de Stefen del Monech che vegnarà fata ence en jebia grassa ai 27 de firé.
25.01/07.02.
Sajon teatrala de Fiem
Per la sajon teatrala de Fiem, en sabeda ai 25 te teater de Pardac da les 20:45 l Teatro Popolare d’Arte met dant »L’assaggiatrice di Hitler«, n spetacol de Sandro Mabellini. En vender ai 7 de firé semper te teater de Pardac da les 20:45 vegn metù dant »Sei un mito! Scopri chi sei attraverso i miti greci« n spetacol de e con Enrico Galiana.

Temp Lede
Atualmënter
Lounge Bar Urtijëi
Uni juebia nchin ai 13 de merz nvieia de plu bars a Urtijëi a n aperitif cun mujiga dal vif o DJ, dala 16:30 nchin la 19:00. Ai 31 de jené sarà DJ Maxi tl Café Haiti y tl Café Soviso sunerà Marc Giugni. L prugram plu avisa sun val gardena.it
Atualmënter
La Val: Ala descurida dl paisc
Na ciacia al tesur particolara condüj fora por le paisc da La Val. Tratan döt l’invern pón tó pert a na spazirada interativa. Deplü indic y do­manda daidará i partezipanc da ciafé le tesur. Na ocajiun olache an pó ince descurí tröpes coriosités dl paisc. Infos y materiai da pié ia ciafon tl ofize turistich a La Val.
28. y 30.01.
Al Plan: cun schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mer­tesc y jöbia dales 20:00 ales 22:00. Al ó ester le schipass, la cherta de plü dis o an pó ince cumpré na cherta por chë sëra.
29.01.
La Ila: cun i schi ince da sëra
Sön la pista »Doninz« a La Ila pón jí vigni mercui cun i schi ince da sëra. Ara é daverta dales 20:00 ales 22:00. Por tó pert ól ester na cherta di lifc che vel plü dis.
30.01.
Festa dl ciociul
Tl Après Ski Bar Saltos te Sëlva saràl n juebia ai 30 de jené dala 17:00 inant la festa dl ciociul cun de bela mujiga dal vif.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
28.01.
FC Gherdëina – na storia de suzes
Dales 20:50 ca. L FC Gher­dëina fova unì metù su tl 1992. Do ani nia drë saurì iésen śën te n mumënt scialdi bon, l lëur cun i jëuni porta si fruc. Problems à la lia cun i ciamps y la lumes che ne ie nia a nor­ma per la categuria provinziela. Da pert politica cëlen śën de abiné soluzions, l mpëni dl club ie chël de resté dancà te tlassifica cun gran pert di jugadëures da tlo. Program de Simon Moroder y Eugen Cela, a cura de Leo Senoner.
29.01.
Tassie (4) – la ombries de la reijes
Dales 20:50 ca. Program de Matilde Gazzini y Peter Paul Kainrath a cura de Anna Mazzel.
30.01.
Euro
Dales 20:20 ca. Program de Diego Clara, a cura de Leo Senoner.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
28.01.
La pasciun por l’ert
Dales 13:45. Martha Videsott é n’artista originara da San Martin che vir a Lana. Te chësc program nes cuntera de süa ligrëza y de süa pasciun por l’ert, che ara á bele da picera insö. N program de Sara Frenner.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
24.01.
L sport dla luesa sun purtoi naturel
Dales 19:05. La Lia Lueses Gherdëina ie bele unida metuda su tl 1896 y ie feter la prima lia sportiva dla valeda. Plu suvënz fovi sfurzei da dé su l’atività, dal 1980 inant iela inò mpe y l presidënt atuel Leander Moroder che ie nce diretëur tecnich dla scuadra naziunela conta velch sun la storia dla lia y de si atività. La trainadëura Doris Perathoner alincontra rejona de coche vën fat l alenamënt y la garejedes. Trasmiscion de Alex Runggaldier.
25.01.
Momënc de vita – intervista a Pio Pescoller
Dales 19:05. Pio Pescoller é nasciü a Lungiarü y chersciü sö sön n lüch da paur, bele da pice ti plajôl la musiga y le suné y al á albü l’ocajiun da jí a imparé da suné i orghi de dlijia y dal 1964 inca él orghelist tla dlijia da Lungiarü. Pio Pescoller é sté ince 11 agn alalungia pro la Jimmy Band de Gherdëna y al nes cunta de süa esperiënza sciöche musizisc. N program de Erika Castlunger.
26.01.
Ciantarins y musizisc unic a mancé tl 2024
Dales 19:05. »L tëmp ne sparania deguni« – vëniel dit, niancano i gran artisc dla mu­jiga y de chëi n ons perdù n valguni ntan l ann passà ntan l 2024. Dai pionirs dl blues y dl country nchin ai idoi dl K-pop y ai cumpo­sidëures che à scrit cianties che à fat balé dut l mond sciche Liam Payne, Francoise Hardy, Paul Di’Anno, Frank Farian, Karl Wallinger, Caterina Valente, Kris Kristofferson y Quincy Jones – ie bona­mënter i inuems plu cunesciui de musizisc y ciantarins che à messù to cumiá da chësc mond ntan l ann passà. Tras­miscion de Georg Mussner.
30.01.
Le or fosch
Dales 19:05. Le café é na boanda stimolanta dal tof internif che plej a cotanc. Dles proprietes y dla faziun dl café nes cunta te chësc program l’esperta y consulënta de alimentaziun Ivonne Daurú. N program de Sara Frenner..

Cursc
Atualmënter
Balé per ëiles 50+
Bai per ëiles sëura i 50 ani cun Greti Mussner. Uni lu­nesc, nchin ai 3 de merz, dala 16:00 nchin la 17:30 per de ndut 8 iedesc, te sala de Calonia a Urtijëi.
27.01.
Cursc da d’invern cun la US La Ila
La US La Ila mët a jí sëgn d’invern deplü cursc: ai 27.01. mët man n curs de karate sportif por chi dla elementara, ai 27.01. n curs de autode­fenüda por gragn, ai 07.02. cursc da nodé por mituns dla scolina, y ai 07.02. cursc da nodé por chi dla elementara, de düc i liví. Informaziuns plü menüdes y iscriziuns sön www.uslaila.it sot la usc »Fitness«.

Religion
28. y 29.01.
Festa de Sant Ujöp da Oies
Ai 28 y 29 de jená vëgnel recordé a Oies le iubilé dla mort de Sant Ujöp Freina­demetz. Ai 28.01. dales 20:00 él te dlijia na preparaziun ala festa sot al motto »A ciasa da p. Ujöp Freinademetz«, cun musiga dl Cor da Lungiarü y Matthias Thaler. Ai 29.01. dales 16:00 mëssa da festa cun le Vësco Ivo Muser y l’abelimënt da pert dl Cor da San Martin.