La Usc di Ladins

Cun la vita da uni di, che pertënd truep da uniun y uniuna de nëus, iel suvënz mpurtant a avëi mesuns de blëita y atività per l tëmp liede, dantaldut canche n ti cëla ala generazion plu jëuna. Canche gran pert de nëus muessa lauré d'instà, y nscila nce genitores de familia, à i pitli y la pitles de bujën de avëi na luegia ulà jì, ntratenimënt a chël che i possa ti jì do. Te valeda vëniel da truep ani incà urganisà proiec da d'instà che dëssa ti pité ai mëndri y ala mëndres la puscibltà de pudëi viver n instà rich y plën de proiec. Pra chisc cëlen de tò ite sibe la pert dl muvimënt y devertimënt, che la pert
dla criatività. Nscila vëniel pità enes sa mont, ativiteies de sport, de bela jites te luesc

desfrënc, cursc criatifs y n generel ativiteies per fé damat
y sté deberieda.
Te duta la valeda vën chësc instà inò metù a jì plu proiec desfrënc y enes de devertimënt per la mutans y i mutons. L «Instà vif«, n proiet metù a jì dal’assessëura per la families dl Chemun de Urtijëi Martina Comploi y l assessëur per l sport Janpiere Prugger, deberieda cun la lies y cun l sustëni di autri Chemuns dla valeda, va chësc instà te si cuinta edizion. L proiet »Pavël« y l proiet »SAKL« vën inò metù a jì dala lia VKE y Nëus Jëuni Gherdëina cun n aiut de finanziamënt di Chemuns y pieta sambën ënghe inò de bela enes d’instà cun d’uni sort de ativiteies. Doi d'autri proiec nce per i plu
pitli vën metui a jì dala Scolina dl Bosch y dal proiet Gaia y pieta enes de devertimënt dantaldut tl bosch y fajan damat alalergia.

Julia Lardschneider

Dut l articul pudëis liejer tla edizion nueva de duman, vënderdi ai 24 de jené, de La Usc di Ladins.