La Usc di Ladins

Co ra festes e ra gares de sport el paes el se enpe de śente. Chel che suzede ogni an ‘l é suzedù danoo sta ota. Ra asociazion de i hotiei de Anpezo ra fesc saé che da Nadà ‘l ea deboto duto pien, par chi hotiei daerte. Beśen però fei i conte con trope hotiei ancora sarade, e de chi grei, pichesee par laore. A se vadà nafré in śiro par el paes, se vede cantiere al Cristallo, Ampezzo, An­cora, Bellevue, Europa, Venezia, Italia, Capannina, intanto che in é trope de sarade: Miramonti, Dolo­miti, Concordia, Pocol, San Marco e outre. Mancia zentenera de came­res, de liete, donca ‘l é pi fazile che see duto pien, ma se pó dì isteso che i numere i é boi, par chesta stajon. Par Nadà i à contà ‘l 85% de i liete vendude; el 13% depì de el Nadà del 2023. Par el Prin de ‘l an i é ruade al 97%, conpain de ‘l an pasà. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper