La Usc di Ladins

I joegn atlec schiadores fascegn scric ite a la zircoscrizion B à tout pèrt en domenia ai 12 de jené a na garejèda de slalom strent sun Role che aea valuta per l trofeo Ricki Simon. La giornèda era belebon freida, a la partenza sul portoi Ferrari l termometer segnèa -10°.

Chiò la sozietà che à fat l numer più aut de ponc l é stat l FassActive che à metù en gara 34 atlec e la se à vadagnà adertura l prum post de la cassifica de la sozietèdes con 985 ponc; vegn do l US Primier, squadra che à endrezà la garejèda, con 33 atlec e 753 ponc e al terzo post la Monti Pallidi con 29 atlec e 693 ponc. Sobito ju dal podie l é l Ski Team Fascia con 28 atlec e 683 ponc.

Su La Usc stampèda de vender ai 17 de jené podede veder i resultac finèi e la fotografies di atlec premié.  (MCI)