La Usc di Ladins

Acà 20 egn, ai 19 de jené del 2005, se n jia Toni Gross de Punz, da Poza. L aea compì 72 egn giusta 3 meisc dant e pech do soa sanità ge aea metù dedant la più grieva de soe rampeade.

L n’aea fat dassen n muie de rampeade, te soa vita de alpinist, menacrep e socoridor: per aer salvà jent sui crepes l se à vadagnà ence i titoi de Cavalier e Ufizial de la Republica e la medaa de bron al valor zivil.

Apede a la fegura staifa de om da mont l era ence la sensiboltà de artist: duta soa vita é stata caraterisada dal gust e l talent de zipiar e de rampear, doi pascion de noscia tera.

N muie de soe opere, de legn e de bron, desche l monument per le vitime de la tragedia de Stava, é da poder veder te val e foravia. De chele de neif, che se deslabeea al soreie encebe che le sie maestouse desche l Re Laurin aut 12 metres, ne resta demò de bie retrac, che podede veder sun chest numer de La Usc.

De più su La Usc stampèda de en vender ai 17 de jené.  (Lucia Gross)