La Usc di Ladins

La Petite Écurie & Bernhard Bär
I Jëuni de Mujiga Gherdëina nvieia al cunzert de La Petite Écurie & Bernhard Bär n juebia ai 23 de jené dala 20:00 tla dlieja de S. Cristina
La Petite Écurie ie na grupa metuda adum da cin’ musizisć che sona stru­mënc storics coche oboe, fagot y strumënc a percuscion. L ensemble, metù su tl 2018, à riesc fat paruda, sibe pra l publich che nce pra chi che mët a jì cunzerc.
Bernhard Bär à fat si prima lezions de trumbëta canche l ova ot ani, cun si pere. Do l lizeum de mujiga, iel jit inant inant cun si stude de trum­bëta tl Landeskonservatorium Feldkirch cun Lothar Hilbrand y tl Mozarteum de Salzburg cun Johann Gansch. Dal 2014 incà ie l lëur cun strumënc storics un de si aspec prinzipei de si atività artistica.
I Jëuni de Mujiga se ncunforta sun Vo.

»La Salvatrice«
Ai 23 de jená dales 20:00 vëgnel mostré tla Ciasa dla Cultura a La Ila le documentar sura la storia de Valeria Valentin. Presënt ince le regist
Valeria Valentin da Badia ê tl Cile tl 1973, sciöche secreteria dl vësco Fernando Arizitià, canche al é sté le golpe de Pinochet che á porté ala ditatöra militara. Tratan süa per­manënza á insciö Valeria metü man, cun gran coraje, da daidé salvé cënc de porsones por­sighitades, risćian süa vita.
Paolo Tessadri, jornalist y autur de docu­mentars, cunta la storia de Valeria Valentin te n film che é deventé na gran testemonianza storica dla situaziun ria tl Cile da inlaota.
Le film por talian vëgn mostré en jöbia ai 23 de jená dales 20:00, tla Ciasa dla Cultura a La Ila. Tratan la sëra condüj Cecilia Mazzel y al sará presënt ince le regist Paolo Tessadri. L’organisaziun dla serada é dl Consëi de For­maziun Badia, Consëi Cultural Badia y dl Comun de Badia.

Mostra coletiva: Cuntredes do la dlaciazion
Ncuei, vendërdi ai 17 de jené dala 18:00, vëniel giaurì tla galaria Vijion a Puntives na mostra dal titul »Cuntredes do la dlaciazion«, che uel mustré la belëzes dla pizes blances ma nce fé pensé a ce marueia

• 
•  

View the embedded image gallery online at:
https://www.lausc.it/manifestazions-y-evenc/28659-manifestazions-atuales-speziales#sigProId7c6791b408

che perdessan a gauja dl sciaudamënt tlimatich
Tan riesc che l mudamënt tlimatich va inant vëijen l miec pra i dlacieres. Dl’ultima dlaciazion, dan feter 11.000 ani, se à mantenì mé puec dlacieres tl’Elpes. Ma l sciaudamënt dla tiera porta nce pra chisc ultims dlacieres a cunseguënzes. La mostra de pitures y fotografies ulëssa i documenté, ajache i pudëssa te n daunì vester bele storia dl passà. Te chësta maniera ne n’ ie chisc chedri nia mé na bela esperienza vijiva, ma nce n amunimënt per nes fé pensé do de nosc cumpurtamënt.
Artistć che mët ora: Wilma Kammerer, Daniela Brugger, Erich Erler, Leonhard Angerer, Rudolf Emil Klöden, Silvia De Bastiani, Lukas Schäfer y Cesare Maggi
La mostra resterà da udëi nchin ai 10 de fauré, da lunesc nchin a sada, 16:00–19:00, o cherdan su l 3382098697.

Workshop: l’ert dla filigrana
Le Museum Ladin Ciastel de Tor inviëia a n laboratore de filigrana cun Liana Scarano, en sabeda al 01.02. dales 13:00 ales 19:00
Tl workshop ves vëgnel splighé le monn afascinant dla filigrana. I ne impararëis nia ma la basa dl’ert da belijier, mo i arëis ince la poscibilité da porvé fora instësc les tecniches dla filigrana. Cun massaries des­valies sciöche tenaies, zanges, limes y d’atri stro­mënc imparëise da cherié toc de belijia daldöt perso­nalisá. L’ert dla filigrana cun arjënt é n mistier dl artejanat artistich signifi­catif por les valades ladines, pratiché en particolar a Cor­tina d’Ampëz, dala fin dl 18ejim secul inant. L’imi­taziun estremamënter fedela de ciüfs sciöche la stëra de munt, les anemones y con­folies decorâ y decorëia ciamó incö spanges, prosc y cioi de trohtes tradiziona­les. La tecnica secolara dla filigrana vëgn ince ciamó aldedanicö adorada por la creaziun de toc de belijia d’arjënt.
Le curs costa 50,00 € a por­sona, max. 6 parte­zipanc/tes. I periun do na prenotaziun por mail a prenotaziuns@museumladin.it o al 0474 524020.