La Usc di Ladins

Bën 192 atlec ie unic adalerch da duta la Provinzia per tò pert ala gran garejeda Landescup sun l purtoi Guggenberg. La cundizions fova ideéles, la nëif fova bela y la tempe­ratura fova a drët. Dut perfet per se museré cun duc i autri mutons y l’autra mutans dla medema categuria. Te tramedoi manche à i atlec dat dut, per mustré a sé nstësc, a si ale­nadëures y ala jënt, che cialova pro, cie che i à dut mparà nchin śën. I atlec dl Schi Club Gherdëina ie furnei ju cun gran ardimënt y cunzentrazion. Da udëi ora fova segur­mënter si bona tecnica.

L Schi Club Gherdëina à, coche tan suvënz, abù n gran suzés. Nosc atlec ie stac boni de vëncer la tlassifica a scuadres cun bën 366 ponc.

Per l Schi Club Gherdëina, Petra Perathoner


L articul va inant tla edizion nueva de La Usc de ncuei vënderdi ai 17 de jené.