Ai 7 de jené ne iel stat degun ntervënt per l Aiut Alpin Dolomites.
Ai 8 de jené ie l prim ntervënt stat dala 8:00 te Sëlva, ulache a n’ëila de 54 ani ti òvel dat l bòt al cuer. L dutor, deberieda al judacrëp y ai uemes dla Crëusc Cuecena à purvà a la rianimé - danz zënza resultat.
Da marënda àn cherdà l joler sun Piz Soraga per n ël dla Talia che fova tumà cun i schi y à batù l cë, restan n doi menuc da nescia. Canche l fova renvenì fòvel dut confus y nscila à l dutor tëut la dezijion de l ciarië tl joler y l mené tl spedel de Burnech, da ulà che n ie piei via inò riesc de viers de Al Plan per n’emergënza sanitera. Nce chësc pazient àn menà a Burnech cun l joler dl Aiut Alpin Dolomites.
De plu tla edizion stampeda de La Usc di Ladins o sun l e-paper a paiament www.lausc.it/e-paper
