La Usc di Ladins

Dotours
Dutor Gherdëina
L dutor de servisc da n sada ai 18.01. dala 08:00 daduman nchin la 08:00 daduman de n lunesc ai 20.01. ie l dutor Pablo Policastro tl ambula­tuere di dutores Kostner/Weber, a Urtijëi tla streda Trebinger 10, tel. 366 3646 254.
Doturs Val Badia
Tla fin dl’edema di 18 y 19 de jená él en sorvisc ti comuns de Mareo y San Martin la doturia Margarete Mahl­knecht, La Val, tel. 349 0667034 o 0474 523018. Ti comuns de Badia, Corvara y La Val él en sorvisc la doturia Margherita Righini, tel. 348 6351943.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 17.01. nchin n vënderdi ai 14.01. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 17 de jená dales 19:00 al vëndres ai 24 de jená 2025 ales 19:00, é chëra da San Martin/Picolin, tel. 0474 523020.

Avisc
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cumëmbri dla Lia Gaia.
17.01.
Israel e Palestina, tera scombatuda
Tel chèder de la setemèna de orazion per l’unità di cristiegn e de la dì de amizizia ebraich-cristiana, insnet vender ai 17 de jené per endrez de la parochies de don Andrea Malfatti te oratorie de Vich da les 20:30 la dozenta ebraista Natascia Danieli rejona de Israel e Palestina, tera scom­batuda.
17/20.01.
Sègres de Sènt Antone e Sèn Bastian
Anché, vender ai 17 de jené l é Sènt Antone, patron de Dèlba. L Comitat de la Fra­zion à endrezà la sègra che taca ite con la messa da les 10:30, sobito do cercia di grostoi e picol aperitif e la marena te sala del teater. En lunesc ai 20 vegn festejà Sèn Bastian patron de Penia: messa ta Penia da les 10:30, do cercia de grostoi e marena per i sentadins tal Panarel.
22.01.
Ancunteda dla Lies da Mont ladines
La Lia da Mont Gherdëina nvieia ala ancunteda dla Lies da Mont ladines, n mierculdi ai 22 de jené dala 19:00 tla ustaria Dantercëpies. L sarà na ucajion per sté deberieda y se maië velch de bon.
23.01.
Badia: sessiuns forestales
En jöbia ai 23 de jená dales 20:00 él tla Ciasa Runcher a Badia les sessiuns forestales por i comuns de Badia y Corvara.

Sport
18.01.
HC Gherdëina C vs. Storm Pinerolo
L HC Gherdëina C nvieia ala partida contra l Storm Pine­rolo, ai 18 de jené dala 19:30 tl stadio Pranives te Sëlva.
23.01.
Semifinela IHL: HC Gherdëina vs. SG Cortina
Tl stadio Pranives te Sëlva saràl n juebia ai 23 de jené dala 20:30 la semifinela de campiunat IHL. L Hc Gher­dëina jugherà contra l SG Cortina.
25.01.
HC Gherdëina vs. HDD SIJ Jesenice
Tl stadio Pranives de Sëlva saràl ai 25 de jené dala 20:30 la partida dl campiunat AHL (Alps Hockey League) danter l HC Gherdëina y l HDD SIJ Jesenice.

Teater
18/25.01
A teater fora Tieser
Per la sajon teatrala de Fiem, doman, en sabeda ai 18 de jené da les 20:45 la compagnia ‘Arditodesìo-Jet Proulsion Theatre’ met dant l spetacol »SE.NO« con Giulia Toniutti de Andrea Brunello. En sa­beda ai 25 te teater de Pardac da les 20:45 la l Teatro Popo­lare d’Arte met dant »L’assag­gia­trice di Hitler«, n spetacol de Sandro Mabellini.
20.01
Rassegna de teater ladin
Tel chèder de la Rassegna de teater ladin del CGF en lunesc ai 20 de jené da les 20:30 te la veia scoles de Penia l Grop de la Mèscres de Dèlba e Penia met dant la mascherèda »Gotèrt e Nazio nun à rejon« che vegnarà fata ence en mèrtesc gras ai 4 de mèrz.

Temp Lede
Atualmënter
Lounge Bar Urtijëi
Uni juebia nchin ai 13 de merz nvieia de plu bars a Urtijëi a n aperitif cun mujiga dal vif o DJ, dala 16:30 nchin la 19:00. N juebia ai 23 de jené meterà meterà Simon Deejay su de bela mujiga tl Restaurant Pizzeria Turonda y tl bar Soviso sunea l duo Nancy Travaglino. L prugram plu avisa ie da abiné sun valgardena.it
Atualmënter
La Val: Ala descurida dl paisc
Na ciacia al tesur particolara condüj fora por le paisc da La Val. Tratan döt l’invern pón tó pert a na spazirada interativa. Deplü indic y do­manda daidará i partezipanc da ciafé le tesur. Na ocajiun olache an pó ince descurí tröpes coriosités dl paisc. Infos y materiai da pié ia ciafon tl ofize turistich a La Val.
18.01.
Lia da Mont Gherdëina: sëira de batadù
La Lia da Mont Gherdëina mët a ji na sëira de batadù cun lotaria de pesc´n sada ai 18 de jené dala 17:00 inant tla Utia Pramulin a S. Cri­stina.
21. y 22.01.
Al Plan: cun schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mer­tesc y jöbia dales 20:00 ales 22:00. Al ó ester le schi­pass, la cherta de plü dis o an pó ince cumpré na cherta por chë sëra.
22.01.
La Ila: cun i schi ince da sëra
Sön la pista »Doninz« a La Ila pón jí vigni mercui cun i schi ince da sëra. Ara é daverta dales 20:00 ales 22:00. Por tó pert ól ester na cherta di lifc che vel plü dis.
22.01.
Defileda de chentli sun Mont de Sëura
La Scola de Schi de S. Cristina nvieia duc y dutes a fé pea pra la defileda cun chentli sun Mont de Sëura, n mier­culdi ai 22 de jené. N se anconta dala 16:30 japé dl lift. La defileda scumencerà pona dala 17:15.
22.01.
Nos Ladins cun Gemma
Cun »Nos Ladins« án la po­scibilité da descurí deplü sön le monn ladin y i mistiers de nosta jënt. En mercui ai 22 de jená pón passé n dan­misdé a Calfosch cun Gemma y imparé da fá a spëi. An s’in­cunta dales 9:00. Iscriziuns y informaziuns online o ti ofizi turistics dl’Alta Badia.
23.01.
Cun la gücia da sëra
En jöbia ai 23 de jená pón se fá na roda cun la gücia da sëra, fora por le tru di artisć anter La Ila y San Ciascian. An pëia ia dales 20:45 da Altin demez y an podará amiré les operes di artisć ladins ilominades. Iscriziuns y infor­maziuns online o ti ofizi turi­stics dl’Alta Badia.
23.01.
Kids Ski Show – Desmustrazion sun i schi
La Scola de Schi y Snowboard de Urtijëi mët a jì na Kids Ski Show – na desmustrazion sun i schi de mutons y mutans – sun l purtoi da Palmer a Urti­jëi, dala 15:30 inant.

Cursc
Atualmënter
Balé per ëiles 50+
Bai per ëiles sëura i 50 ani cun Greti Mussner. Uni lu­nesc, nchin ai 3 de merz, dala 16:00 nchin la 17:30 per de ndut 8 iedesc, te sala de Calonia a Urtijëi.
27.01.
Cursc da d’invern cun la US La Ila
La US La Ila mët a jí sëgn d’invern deplü cursc: ai 27.01. mët man n curs de karate sportif por chi dla elementara, ai 27.01. n curs de autode­fenüda por gragn, ai 07.02. cursc da nodé por mituns dla scolina, y ai 07.02. cursc da nodé por chi dla elementara, de düc i liví. Informaziuns plü menüdes y iscriziuns sön www.uslaila.it sot la usc »Fitness«.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de refe­rimënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é ai 30 de jená. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
06.–23.02.
Alpaca y ert: mostra de solidarità per l Perù
La grupa Gherdëina per l Perù mët a jì na mostra d’ert unica per n bon fin. L’esposi­zion sarà dai 6 ai 23 de fauré tla Lia Mostra d’Ert a Urtijëi. Orar de giaurida: 09:30-12:00 e 15:00-19:00, de vënderdi y sada nce dala 20:00 ala 22:00.

Mostres y Ert
Atualmënter
Mostra »a me, a voi«
Cina ai 7 de merz él da odëi tl salf dles manifestaziuns da Corvara la mostra de Gabriel Colombani da Calfosch. Al é na mostra de fotografies dla natöra, olache vigni foto i é dedicada a na porsona o a n monumënt spezial. La mostra é daverta dal lönesc al vën­deres dales 8:00 ales 12:00 y dales 16:00 ales 18:00; la domënia dales 10:00 ales 12:00.
20.01.
Scultures de dlacia a Urtijëi
Ntan l’ena dl 20 nchin ai 26 de jené ziplerà de plu artisć y artistes scultures de dlacia tl zënter de Urtijëi. L argumënt de chëst ann ie la ferata de Gherdëina y la figures puderà unì amiredes tan giut che l tëmp l lascia pro.

Chino
Atualmenter
Al chino de Cianacei
Anché, vender ai 17 de jené da les 21:15 l é »Here«, sabeda ai 18 da les 17:00 l é »Toys-Giocattoli alla riscossa« e da les 21:15 l é »Conclave«, do­menia ai 19 da les 17:00 l é »Toys-Giocattoli alla ris­cossa« e da les 21:15 l é »L’abba­glio«. Info www.cinema canazei.it
Atualmenter
Al chino de Tieser
Anché, vender ai 17 de jené da les 20:45 l é l spetacol de teater »DOC-Comicamente disturbati« del grop teatral ASP de Vilazan. En domenia ai 19 da les 17:15 l é »Sonic 3« e da les 20:30 »Diamanti«. En jebia ai 23 e en sabeda ai 25 da les 21:15 e ence en domenia ai 26 da les 20:30 l é »Io sono la fine del mondo«. Info www.cinematesero.com
Atualmenter
Al chino de Pardac
En sabeda ai 18 de jené da les 21:00 e en domenia ai 19 da les 20:30 l é »Nosferatu«, en mercol ai 22 da les 21:00 »Diamanti«, en vender ai 24 da les 21:00 »L’abbaglio«. Info: www.cinemapredazzo.it

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
21.01.
Eie e spieie
Dales 20:50 ca. Program de Georg Penn y Cinzia Pistoia, a cura de Anna Mazzel.
22.01.
Trail Spezial
Dales 20:50 ca.
23.01.
Cult rituai da inier y incö: tëmp da Nadé
Dales 20:20 ca. Program de Hans Peter Karbon y Giulia Tasser, a cura de Alessandro Dapunt.

Radio
Atualmënter
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Atualmënter
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
17.01.
N liber sun l itiosaur de Secëda
Dales 19:05. L itiosaur fova na gran lingiola de ot metri che ie inò jita a viver tl mer, se adatan al ambient marin. L fossil che ie da udëi tl Mu­seum de Gherdëina fova unì scuviert dl 1968 da Johann Matthias Comploj y Meinhard Strobl. Dan puec dis iel unì prejentà la publicazion nueva n con’ de chësc fossil, scrita da Claudia Urthaler cun ilu­stra­zions de Sara Welponer. Te chësta ntervista conta Claudia y Sara dl itiosaur y dl liber n con’ de chësc tier. Audiron nce l presidënt dl Mu­seum de Gherdëina, Mat­thias Höglinger. Trasmiscion de Sofia Stuflesser.
18.01.
Les popes: inier y incö
Dales 19:05. Les popes é un di jüc infantils plö popolars al monn. Ales é stades pre­jëntes te dütes les sozietes, dal’ antichité cina aldedaincö. Tratan la trasmisciun podares fa n iade tl passé y ascuté sö deplö informaziuns y curio­sites sura chësc oget tan amé dales y dai plö pici. Program de Iris Del Valle.
23.01.
Le nodé y le Club nodé de Gherdëna
Dales 19:05. Na citaziun dl scritur Erri de Luca por sura le nodé dij: »I movimënc dl nodé somëia le plü chi dl joré y le mer ti dá ai brac ci che l’aria ti ofrësc ales ares.« Chësc program ó alzé fora le bel y l’importanza dl sport dl nodé y mostré sö les tröpes ativités dl Club nodé de Gherdëna. La presidënta de chësta lia Ines Demetz, mët ince n’azënt sön chël che é le program de prevenziun ala violënza te contesć sportifs. N program de Sara Frenner.

Religion
28. y 29.01.
Festa de Sant Ujöp da Oies
Ai 28 y 29 de jená vëgnel re­cordé a Oies l’ani­versar dala mort de Sant Ujöp Freina­demetz. Ai 28.01. dales 20:00 él te dlijia na pre­­paraziun ala festa sot al motto »A ciasa da p. Ujöp Freinademetz«, cun musiga dl Cor da Lungiarü y Matthias Thaler. Ai 29.01. dales 16:00 él la mëssa da festa cun le Vësco Ivo Muser y l’abelimënt da pert dl Cor da San Martin.