La Usc di Ladins

Söla dlacia da Balsan él gnü a s’al dé tla fin dl’edema passada la 3. proa dl campionat talian tla fascia "elite", de jadiné artistich. Chëstes á porté ince de gran sodesfaziuns tla Ladinia. Tla categoria "Junior" di jonins él sté le fascian Matteo Marchioni che á arjunt le pröm post cun 130.42 punc, lascian al secundo post Edoardo Luigi Profaizer da Milan cun 126.41 y al terzo Nikita Dossena dl club da Torinoe cun 122.28; tla categoria "Advanced Novice" feminila á Lea Marie Castlunger da La Ila batü les concorëntes cun 101.83 punc y á metü sö n record personal nü, despassan le pröm iade i 100 punc. Ara á davagné la medaia d’or dan Ginevra Antonina Volante da Ciavalëis cun 101.31 punc; terza Zoe Mosca Barberis da Courmayeur cun 99.24.  (pablo)