L é scomenzà n an nef, e enceben che sot la festes no ve aon contà l hockey fascian, chest no se à fermà. Nef an, ma medema emozions. Ence te chest 2025 l setor mender di Falcons l renova sie empegn envers chel che da egn l fèsc con trei paroles chief: jièr, se goder, crescer. L focus resta scialdi l medemo, ge sporjer ai bec e ai joegn n lech san e stimolant per coltivèr la pascion per chest sport maraveous, l hockey.
La mission del setor mender di Falcons é chièra: meter dant n percors che mete adum formazion sportiva e umana, fajan scì che ogni bez e beza posse se sentir pèrt de na gran familia, adum con arcedadores e responsaboi de deregoladoi. La sozietà ponta a fèr de vigni arcedament n moment de aprendiment e legreza, olache amicizia e respet sie emportanc desche l miorament tecnich. No duc chi che scomenza doventarà gregn hockeysć, ma duc cogn doventèr de gran persones de gra ai valores emparé tel percors sportif. Chest cogn esser l pont focal de duta la ativitèdes sportives. Dapodò, ben segur, tropes ponta a ruèr te la pruma squadra, e te chest l setor mender di Falcons l é semper stat emportant. Tropes ejempies se pel i troèr, tel prejent e tel passà, se se chier ti campionac maores.
Chest donca l é stat tel 2024 e chest sarà tel 2025.
Su La Usc stampèda de vender ai 17 de jené podede lejer la situazion te la desvalives Under do la festes.
(Daniele Verra)
