La Usc di Ladins

Del 2024 l é stat festejà i diesc egn de la mostra de la Gran Vera a Moena, con n grum de scomenzadives e evenc endrezé dal Istitut Cultural Ladin adum col Comun de Moena e la sociazion ‘Sul Fronte dei Ricordi’, per valorisèr la esposizion te Navalge, la testimonianzes e dut l lurier de enrescida e de divulgazion che l é stat fat ti egn sul conflit mondièl te Fascia, apede a sotrissèr l valor fondamentèl de la pèsc, portà dant col slogan ‘Monc de pèsc’.

La Biblioteca de la Majon di Fascegn e dut so staff à volù ge dedichèr a la Gran Vera ence l tradizionèl projet »Do l vièl del saer«, per fèr cognoscer doi persones da Moena, Catina Pezzé Batesta e Bepi Felicetti Zompin, che i era joegn ti egn de la pruma vera e i ne à lascià testimonianzes emportantes de storia e de vita.

L libret é stat prejentà enstadì te la Gran Ciasa a Soraga ensema col spetacol teatrèl ideà da la regista moenata Ilaria Chiocchetti e portà dant dal grop ‘Trei carc de ora’ per la pruma outa l uton passà te la Cort del Batesta a Moena.

De più su La Usc stampèda de en vender ai 17 de jené.  (Thomes Zulian)