La Usc di Ladins

Se n rejonèa da temp, ma inant che vae fora l an 2024 te Comun General l é stat prejentà con gaissa l ejit de na cordanza che à permetù de fèr n bel vèrech inant tel projet de sostegnir l’economia de val.

N projet portà inant dal conseier de procura Riccardo Donei, che se à concretisà de gra a la colaborazion con l’Azienda per l Turism e con Confcommercio.

Apede a Donei, per deschiarir ti detaes la neva, l é ruà te Fascia per l’ocajion Enrico Faes de Benny e Davide Baio fondador de Cipay, che i à portà dant la informazions su la piataforma Benny/Cipay.

Donei à rejonà di obietives, che i era stac metui dant fin da canche l é nasciù l projet ‘A Majon’: sostegnir l’economia locala e renforzèr l comerz de vejinanza, valorisan la firmes de val. Dapò i referenc de Benny e Cipay à deschiarì coche chest strument digitèl de neva generazion, svilupà con sostegn de Confcommercio Trentino, ge permete a la firmes de smaorèr l welfare per si dependenc, con zedoles per jir a proveder che pel vegnir durèdes demò te val.

De più su La Usc stampèda de en vender ai 17 de jené.

 (LG)