La Usc di Ladins

Do che n à giapà l finanziamënt da pert dla Region, à la Jonta provinziela dat pro l stanziamënt de 12,5 milions de euro per ressané y ngrandì la Cësa di Ladins y l Museum Gherdëina. Dan cin’ ani à l Presidënt Arno Kompatscher fat na pruposta de cunvenzion, per pudëi stlù ju la cuestion te na maniera definitiva. Scebën che chësta soluzion à giapà truepes resistënzes tl mëterman, àla śën giapà forma. L Assessorat provinziel ala furmazion y ala cultura ladina, l Ufize museums de Südtirol y la Region Trentin-Sudtirol finanzierà na bona pert di lëures, l Chemun de Urtijëi y i autri chemuns de Gherdëina, chël de S.Cristina, chël de Sëlva y chël de Ciastel finanzierà l’autra pert di lëures.

La Usc repurterà plu avisa tla proscima edizions.