La Usc di Ladins

Canche l resultat ie tan tler iel nce rie dì velch o scrì velch. "Son zënza paroles, sce ti scincon plu goi per nosc fai, per nosta gauja, pona ne iel nia da nfé, pona ne pòssen nia vëncer n tel juech," nsci l presidënt dl HCG Walter Ploner scialdi melcuntënt do l cinch a nia de n merdi sëira. L se tratova de n juech mpurtant, la scuadra de Gherdëina ova dan puec dis desmustrà che n possa bater i jurmans dl Cortina. Ai nuef de jené òven batù i ampezans tl overtime desmustran ueia de vëncer y ueia de cumbater per uni scipa. Aldò dl presidënt à chësc n merdi mancià dl dut.

"Ne son nia bon de capì ciuldì che nosc mutons ne à nia cumbatù deplù. N dumënia ovi mo rujenà cun la scuadra, ma l ne à juà a nia. Ala fin dl juech via Cortina ne sons nia plu jit te cabina y ne son nce nia plu furnà de reviers cun la scuadra, ma per mi cont," nsci Ploner. 

SPM

L articul ntier tla edizion nueva de La Usc di Ladins de n vënderdi ai 24 de jené.